三姐松記糖水 (已結業)

芋圓丸 $39 配料有芋泥、三色圓🍡、芝麻湯圓、明珠同埋薏米 三色圓各三至四粒 口感煙韌、有嚼頭 😻芋圓入面食到有芋頭粒🤩真材實料👍🏻紫薯圓既紫薯味最出🥇蕃薯圓正常🍠明珠好足料、有咬口 薏米粒粒分明 芝麻湯圓口感味道正常 芋泥較稀、無咩芋頭香味🥺整體甜度唔高👌🏻 芋圓丸超級豐富💯可以一次過滿足曬所有願望✅煙韌控一定會愛上💕芝麻糊 $17 價錢💰好平質地唔算太稠身、偏流質 味道唔過甜， 但個人認為甜度可以再降低少少🧐無苦澀味👌🏻係傳統既芝麻糊既味道 屬中上水平🈴•整體來講，味道ok但未算驚艷經過可以一試🍴特登去就唔洗啦😉…查看更多

想食左幾日既summer，每日都因為太飽無食到，琴晚同朋友食完雞煲，好想食啲凍野清涼下，所以去左買外賣返屋企慢慢嘆🤪雪糕揀左綠茶同曲奇，生果唔算多，主角係一粒粒既明珠🤩，溝埋雪糕好好食😋…查看更多

我地係叫網上外賣平台的。叫咗紅豆沙+湯圓、綠豆沙、糖不甩。糖不甩來到都仲係熱辣辣。食糖不甩時已經覺得個丸子皮做得好靚，軟糯適中、口感十足！粒粒都好似湯圓噤大粒，食得好滿足！ 花生碎同糖漿都同丸子好夾。綠豆沙食落舒服，甜度都OK。唔算好特別。紅豆沙入面有百合，對我來講甜咗少少（但係我老公就話OK）。主角都係入面果兩粒芝麻湯圓，個皮真係無得彈！D芝麻餡亦非常香，甜度適中！好耐都無食過噤好味既湯圓！…查看更多

晚黑見近近地 佢又收得晏 就入去叫左個姜汁燉奶 同杏仁露雪耳 真係唔食好過食💩🤢🙄個薑汁燉奶可以完全冇薑汁 仲要用外賣碗裝俾我 個匙羹又污糟 咁我就同佢講話冇薑味啦點知佢就是但俾咗啲薑汁湯圓啲薑水比我就算 ，💩😑即使我已經同佢講多次：下咁就得㗎啦？但係佢仲要同我講：係咁㗎啦呢個真係薑汁燉奶黎完全冇諗過補鑊或者say sorry 下次improve 之後碗杏仁露雪耳 杏仁露稀到好似水咁🙃怪唔得知間鋪咁少人食過一次以後都唔會再食 😶…查看更多

聽朋友講無三姐，松記總店好食點，但個日年初四，松記實在無位又唔想等，就去左附近三姐松記食～今次叫左宇治抺茶綜合，有一球綠茶雪糕（味道抺茶味濃郁，唔會太甜，唔輸出面抺茶店的雪糕），芋圓就普通，大大粒都算彈牙，但就唔煙韌，芋頭同蕃薯味都唔出，不過不失啦～ 仙草味都唔濃，偏水，無咩口感，整體就係普通糖水店，唔需要特別去，但唔伏的朋友食的蛋白椰皇好細粒，手板咁大，雖然分量小但味道都算濃，朋友話可encore ~ 不過抵讚係糖水鋪唔趕人走，唔會話衝過來收碟講多謝byebye, 感覺都幾舒服坐得…查看更多