三多炸肶 (已結業)

對上一次（大概一兩個月前）食呢度嘅外賣炸肶真係超好食，個外皮好薄好脆，肉質又好滑，好食到連嗰少少痴住條骨嘅肉都唔放過...然後仲周圍同人推介， 叫佢地一定要去食。可惜今日隻炸肶就真係差好遠，d炸粉厚咗，肉嘅調味冇乜（可能餣得唔夠耐），不過肉質仍然係滑。 難得一次食炸嘢嘅quota 就咁浪費咗😞希望今次只係個別事件，三多唔好因為多咗分店而水準下降。* 佢嘅炒腸粉，意粉同炒菜仍然保持水準，不過雞肶唔好食就真係好失望嘞。

跟老公上星期去深水埗探朋友，都一段時間無黎呢頭喇，原來周圍都好多好野食，仲俾我發現到開左我最愛既三多！去朋友屋企當然唔可以兩手空空啦，所以我決定買d 野食去朋友到 (其實係自己口痕！)食完晚飯其實仲有d 飽飽地，所以買左兩樣野而已...買左滷水肶同椒鹽雞軟骨。我好鐘意食炸野，但我都怕生暗瘡，所以雞肶我嗌左滷水肶。三多既滷水肶個味道係同出面唔同，味道會甜d，女仔同小朋友一定鐘意食。另外，椒鹽雞軟骨雖然炸既，不過佢細細粒，食落罪惡感無咁重 ，佢炸得好香口同椒鹽味剛好，完全係送酒佳品！那一晚，可以用兩個字形容，滿足！

聞名已久嘅三多炸肶居然在深水埗開分店，真是太好了，終於可以食到佢出名嘅炸雞肶。雞肶真係好大隻，皮脆肉嫩，我怕雞皮肥，打算食一兩啖就會咬掉雞皮算數。但咬下去只覺鬆脆，一點也不肥膩，最後整隻肶連皮食晒。滷水雞肶味道ok。椒鹽雞軟骨較為辣，香口。我覺得意粉甜甜地，好好味，份量夠大。我份炸雞肶意粉餐可以食兩餐的。蒜蓉炒雜菜份量較少，好香蒜蓉味。爆檸嘅味道一般，檸檬味淡，茶味也淡，那些蜜糖爆珠較為得意，但爆珠不多。這晚預先打電話叫外賣，我問幾多分鐘後可去取，店員說十五分鐘，我去到後，卻要我再等多十分鐘，希望店方能改善。

最近開到深水埗的三多, 終在這天下午茶一試~炸肶$29 v.s  炸肶+檸茶爆珠$48 . . .  猶豫一會, 選了個餐~可惜, 先評杯檸茶, 嘥錢!  ...... 只一杯淡淡的檸茶加幾顆口感奇怪的爆珠, 尤其"口爆"後餘下一片"皮"在口中, 吞下去又唔想, 吐出來又煩...... 寧可買包vita檸茶更佳~~ 至於炸肶, 由於即炸... 等了約10min.... 拿到回家還是有溫度的~  吉列炸法坦白說不及生炸般好味~但脆度不錯, 算大件, 也不太油, 入味而不咸, 值得讚是用竹簽串着, 即使街食也不太會弄髒手~~ 結論: 炸雞可以回味, 但嗰杯爆珠, 真係送俾我都怕怕~ 

是日點餐：吉列炸雞脾份量 唔係King size , 都係Queen size ~~差唔多成大半隻手掌咁大, 手細既話係一隻粉漿薄如紙, 剛好鎖住肉汁, 夠juicy~!味道一攞出黎經已聞到濃濃既蒜香味已經令人食指大動咸度適中, 可揀辣同唔辣"唔食皮係一種罪"姑勿論你是否認同能讓不喜歡吃皮的我, 能K.O它結論: 三多の完勝見店家能將此發揚之餘，如何保持高質數的出品??看來是三多將要面對的挑戰吧~!番食指數：＊＊＊＊＊

今日行開深水埗，諗住喺三多賣晚餐，之前喺觀塘食過好好味， 所以喺深水埗見到就順便買返屋企食 ，首先講好食嘅就係炸髀， 返到屋企都仲脆卜卜，皮脆肉嫩 ，跟住豉油雞髀就差好遠喇，唔知係咪畀咗太多豆粉去醃 ，啲雞肉好多一pat pat嘢， 令到個口感好差，意粉同觀塘嘅味道都唔同 ，又甜又酸又鹹， 我覺得唔好食， 之前喺食評見到沙爹豬頸肉撈公仔麵正面評語都好多， 所以就買嚟試下 但係令我失望，唔好食， 啲汁又少 ，同觀塘真係差好遠 ，上次喺觀塘食完係會想再encore，深水埗呢間食完只係覺得試過就算

長沙灣都可以食三多炸肶了，試業第一日已急不及待湊熱鬧，在晚飯後都要排隊買隻炸雞肶作為宵夜，由於即叫即炸，所以要等10分鐘～除了炸肶多，原來還有很多種類小食還有套餐可以選擇哈哈⋯在說我嗎😝第一次試三多炸肶，滿心期待當我們帶著熱辣辣炸肶回家，家中幾位主子們已嗅到香味熱烈地歡迎⋯⋯隻炸肶，我們點了BB辣，但Nosir都覺得好辣😂，炸肶皮脆肉嫰，真心好味👍🏻由於太多嘢想試，所以第二日晚飯後我們又買雞肶宵夜了，這次試滷水雞肶可能炸肶太出色，相對滷肶有點失色，雖然都好味，但不及炸肶吸引，入味程度都是炸批取勝～

🍗三多炸肶開到黎長沙灣啦😍事關大埔對於我黎講太遠搞到一直冇試呢個神級炸脾😭見到佢裝修仲以為自己眼花原來係真架❤️但仲係試業階段～叫左個炸脾意🍝由個盒句: 食雞肶唔食皮係一種罪。 已經感受到份誠意同霸氣🙈大大隻生炸雞肶好脆口而且一啲都唔乾💦配合佢地自製既辣粉真係會忍唔住想食哂個皮🤤而我不知減肥是什麼🤔個茄汁意粉都唔係流😎意粉有咬口掛汁能力好強，加上有啲蔬菜可以中和返雞肶既油膩感👍🏻👍🏻大滿足💕大家不妨去試下🙌🏻推薦推薦👅

深水埗開左啦！期待左"三多" 起屋企附近開好耐啦！之前，一定要去到大埔先有三多，見到佢開分店，等佢開分起深水埗等左好耐，終於見到佢起深水埗開，緊係即刻買番隻炸肶啦。仲有抄腸粉。炸肶同抄腸粉真係好好味，以後可以日日放工買番隻做晚餐或者宵夜店主話，佢地堅持即叫即炸，保持質素！有佢呢句，我真係更家日日食三多炸肶！相片。。。因為忍唔到口，食左先。我聽日、後日、大後日再影過。

深水埗都開左三多炸肶呀！ 生炸雞脾大大隻，拎上手時仲係熱辣辣。 雞脾入口外層香脆，外層炸漿不會死實及過厚，內裏肉質十分纖嫩有彈性，未會像一些做得差的炸脾般，內裏肉質嚡口或是變霉。 雞脾可以選擇辣度，加了辣粉後，炸脾變得更香口了。 另點了炒腸粉，同樣惹味，不錯喎！Wow factor: 8/10定時睇下可以去邊玩，去邊食！三多炸肶 深水埗元州街162-188號天悅廣場地下A4舖

三多我係第一次食，舖面好細，明顯主打外賣。第一次食，當然要試招牌炸肶，然後加多個沙爹豬頸肉撈公仔麵。招牌三多炸肶，味道唔錯，肉質尚算可以，起碼唔會炸到太乾，不過外皮炸過左少少，比較硬，會杉口。沙爹豬頸肉撈公仔麵，呢個精彩囉，我係從來未食過咁難食嘅沙爹醬，係零沙爹味，仲好甜。個麵淋咗少少，豬頸肉就OK正常水平。第二日我決定畀多次機會佢，食滷水肶同辣肉碎炒腸粉。滷水肶，我真係唔知佢用乜嘢滷水，偏橙嘅色澤同味道都同7-11賣嗰隻非常似，同埋係未完全熟透，近骨位置有少少生，唔知點解滷水浸都可以未熟透。唔合格。香辣肉碎炒腸粉，個名叫香辣，但係一啲都唔辣，不過係好食嘅，有肉碎芽菜同腸粉一齊炒，下次會試埋豉油炒。我收工比較夜，而佢開到零晨，之後應該會長期幫襯，希望改善下食品質素。新開張好多嘢要執，呢點可以理解。