三不館車仔麵 (萬利商業大廈)

營業中

休息中

homie介紹的車仔麵💁🏻‍♀️三不館 2餸1麵$36 3餸1麵$45 我食過淨菜底🤣古法辣汁/金牌麻辣汁都試咗👍🏻同友人/同事share藤椒鮮魚皮+麻辣芫荽皮蛋 重口味正😋平日lunch去都要等位 外賣有折喔 定期encore的小店💯

今次黎到旺角分店試一試佢嘅車仔麵。店舖比較細，所以有機會要等位。今次等左10分鐘左右就入到去。舖頭都播住廣東話舊歌，好有80、90年代感覺。45蚊三餸算幾抵食，叫左蘿蔔、咖哩魷魚、蝦條卷。蘿蔔清甜無渣有驚喜、咖哩魷魚同蝦條卷就中規中矩。湯底有蕃茄、沙嗲可揀，自己就揀左清湯加小小小辣古汁辣汁。湯底唔會係食完口渴個種。👍🏻👍🏻 小小貴啲地方係跟餐飲品檸檬茶要加14蚊。

路過門面好多次都未試， 叫外賣先發現咁正😋 重點推介係湯底好出色超濃郁🤩 沙嗲湯底傑傑地，有花生香氣🥜 ， 唔係茶記水平！ 醇香雪濃金湯真係金光閃閃✨材料好神秘😏 似有南瓜，蛋黃? 甜甜地。 雖然2 款湯底都有+HKD8 ,但絕對令碗麵生色不少，必試！！加埋金牌麻辣汁，好香， 辣味好多元有層次， 叫左索汁既米粉底真係好正🤤基本3 餸麵HKD49, 餸方面， 推介滷水豬大腸(+HKD3) ，瑞士雞翼，同醬燒豬頸肉(+HKD4)。 3 樣都好入味！ 三不管嘅調味真係好出色👍🏻👍🏻不過麻辣豬手(+HKD4)就嫌唔夠林， 魚片頭就唔夠彈牙～ 小食方面， encore 辣汁陳皮魚蛋HKD35 ：魚蛋細細粒好有咬口， 配辣汁好惹味！ 炸虎皮尖椒HKD26： 淨食尖椒唔夠辣， 但佢啲豉油可以有椒籽浸住反而有淡淡辣味滲出黎🤣 有機會要試下堂食🤤 人均HKD95 （以上為OpenRice 外賣自取價格）

行過見到呢間車仔麵幾多人食，咁就試吓，叫咗四個淨餸，配金牌麻辣汁❤️‍🔥好少車仔麵，會有麻辣汁配，呢間嘅麻辣汁好好食，“胡椒豬肚丸”我超推介👍👍爽甜爆汁~“蠔油冬菇”超大size!口感超好。“蝦條卷”估唔到蝦味會咁濃郁👍店舖細細，但服務一流😊😊她們笑容滿臉，好有熱誠👍👍👍

一入到店，總覺得店舖裝修被而家嘅趨勢影響有啲陳腔濫調，為咗可以比客打咭，要做好多裝置出黎，裝修主題係懷舊香港，不過巿場上實在有太多類似模式，就算有心打咭，都未必係獨有，始終餐廳黎講都係食品質素行先，咁餐飲生意先可以持續發展。三餸點咗魚片頭，牛丸同咖喱魷魚，麵底係油麵。魚片頭及牛丸都係叫貨嘢，所以無咩特別，咖喱魷魚頗入味，油麵食落都好新鮮 (基本上油麵、粗幼麵等等多數都係新鮮貨，因為唔存得耐)，至於湯底，因為之後要見客，所以唔夠叫啲太辣，或者味太濃嘅味道，所以亦不過不失。奶茶叫少甜，奶味茶味都算香滑。總結而言，係好正常嘅車仔麵味道。不過公平啲講，我係食個快飯，唔係入去專挑特色嘢黎試食，所以覺得佢普通都唔出奇，如果有心要試味，可能要試豬手、滷水或者鮮茄湯底先。

懷舊裝飾，環境乾淨選擇左米粉，個人食辣所以嗌咗個蕃茄湯底 +$7 湯底正常蕃茄味唔算濃郁， 配餃子、陳皮魚蛋、紫菜其實仲有好多湯底 但我真係太鍾意蕃茄所以無試到其他🙏🏻🤣整體味道不錯 嘢食上得快，朋友嗌咗個奶茶飲 味道不錯🌟

之前幫襯過荃灣分店 對個沙嗲湯底念念不忘🥹💁🏻‍♀️醬燒豬頸肉+胡椒豬肚丸+鮮制油麵+濃香沙嗲湯底 $47油面爽口彈牙有咬口 煙韌度啱啱好沙嗲湯底聞同食一樣咁香濃 每一啖都帶花生香同微辣沙嗲 湯底少少杰身 令條麵掛湯 係我食過數一數二好食嘅沙嗲湯底😍豬頸肉燒過 帶焦香味醬汁都入晒味🤤肉質軟綿綿肥瘦適中 好惹味胡椒豬肚丸有驚喜 完全還原香濃胡椒豬肚嘅味道 質地彈牙 推薦👍🏻💁🏻‍♀️鮮沙薑豬手+蝦條卷+河粉+牛腩汁 $40河粉非常滑身 完全冇鞋口嘅感覺牛腩湯底比較清個隻 但係唔會唔夠味 而且帶甜豬手表皮燒過 完全冇豬毛好乾淨 沙薑醬汁入晒味🤤 口感又爽又綿 食到滿滿骨膠原 兩舊都有肉 唔係剩係得骨蝦條卷味道特別 軟綿綿嘅魚蛋口感 💁🏻‍♀️袐制香醬鳳爪 $36鳳爪同一般酒樓食嘅差唔多 無咩特別 袐制醬汁味道一般 ✨食得出餐廳對每種食材嘅認真 全部都好入味 😋湯底一定要試濃香沙嗲 豬手同豬頸肉必點呀雖然餐廳規模細 座位比較迫夾 但餐廳佈置唔馬虎 充滿懷舊香港風侍應有禮貌 服務貼心 準備左張凳仔比我地放袋 仲俾咗個碗仔裝骨食物: 9/10環境: 8/10服務: 9/10性價比: 8/10

之前特登入左大埔試佢嘅車仔麵好好食今日經過見旺角都有分店就入左去encore😝今次都係叫左沙爹湯底都仲好濃郁🤤今次叫左魷魚，咖哩齋同麻辣豬手咖哩魷魚係我黎呢間食嘅最大目的😂雖然冇第一次食咁好食但水準都仲係中上之作👍🏻至於咖哩齋就好入味都唔錯😛但麻辣豬手就試過一次就算了🤫個人覺得旺角店好似冇大埔店咁好食定係因為成半年都冇食過😂同埋價錢好似比一般車仔麵貴但味道都會比一般車仔麵好食😋價錢：7/10味道：7.5/10服務：7.5/10環境：7.5/10

番工好忙 咁岩同事係附近食完lunch 諗住叫佢幫手買個外賣 點知一打開食左兩啖 發現咁大粒烏蠅 即刻想嘔返出嚟 打去同佢哋講 佢哋話人手唔夠 唔送上嚟俾我 叫我落返去拎 仲提我叫我記住帶埋碗外賣落去比佢哋望 我話我影咗相 佢都叫我攞返落去 講真依家係你有問題要我行兩次 我仲要本身係唔得閒 會唔會有啲過分呢？ 點知落到去成間舖頭得兩三枱客 仲要已經係食緊淨係樓面同我換麵果陣都有兩個員工行過嚟 咁你哋真係唔夠人手咩？？食物衛生同服務真係唔會有下次再嚟

由新開一直幫襯，發現所有餸越切越細件。豬腳都係越嚟越細件，員工話叫一份小食嘅份量會抵D,$36嚟到得5件，一個餸$13都有2件，點計都貴咗，點解要呃個客啫🥺🥺🥺

平時都鍾意食車仔麵，貪佢可以有唔同配搭，真係食極都唔厭！今次嚟到呢間車仔麵，喺朗豪坊附近，都算易搵就腳。睇到佢張點菜紙，$36兩餸一麵，旺角嚟講價錢都合理。某D餸要加錢，自己留意返。同埋佢既選擇都好多特別款，例如豬手、鳳爪、胡椒豬肚丸，出面都比較少見。今次就叫咗咖哩魷魚、豬紅，招牌油麵底，湯底就叫咗牛腩汁＋金牌麻辣汁小辣，另外枱面仲有菜圃任你加。味道好食，食材都好份味，個人建議份量可以大少少就好啦！

成日經過都好想試，但係未有時間來😌咁難得有機會一定要是去出名嘅沙嗲湯當日嗌咗咖喱魷魚，胡椒豬肚丸，同埋墨魚條。咖喱魷魚比較辣🥶但係好香 要胡椒豬肚丸就好爽好好食😍沙嗲湯係比較濃，所以會比較飽肚。但係整體係好唔錯，一定會再嚟😌👍🏼

夜晚行過旺角見到呢間裝修幾有香港特色既車仔麵，咁岩去到唔洗排隊非常好🤣。入到去坐底叫左兩碗三餸麵+ 雞翼🤭佢既雞翼超級重口味超正🤪 鍾意食辣既朋友一定要試‼️試左佢既豆卜，豬紅，豬頸肉，枝竹。。。。油麵同大腸都做得非常出色， 兩個人再叫埋特飲：紅豆冰什果冰，配埋餐廳懷舊既香港音樂夠晒feel😎份量黎講好足料，餸多麵足男仔都夠飽👍👍埋單：$16x好食指數：⭐️⭐️⭐️⭐️⭐️性價比：⭐️⭐️⭐️⭐️⭐️

最近發現呢間大埔名物嘅三不館喺旺角開咗分店，今日終於有機會嚟試吓佢。麵底我叫咗佢地嘅招牌油麵，餸就選咗瑞士雞翼同蘿蔔，而湯底就叫咗腩汁少少辣，加埋$36。個人好鍾意佢哋嘅瑞士雞翼，夠味又唔會太淋，個油麵又夠爽彈。而最正嘅係，佢哋榙面仲有辣菜莆可以任加，口感更豐富，真係勁正！另外，佢嘅裝潢勁有舊香港feel，加埋懷舊廣東歌，成件事好match！

大埔最出名車仔面之一既三不館居然開佐係旺角😍😍早幾日去旺角行街先留意到呢間名字咁熟悉既鋪頭～即刻忍唔住要排隊入去食呀😋😋旺角分店既裝修同大埔差唔多 都係走懷舊風格雖然細細間 但係有好多打卡位😙😙車仔麵都係一貫水準-好食😋😋冬菇夠淋夠入味 雞翼夠入味 肉質夠滑油麥菜配埋個湯底👍🏻👍🏻👍🏻👍🏻👍🏻👍🏻值得一提係佢個金湯 姐係南瓜雞湯（旺角店限定）😋😋超級濃！！好正！！！