一風堂 (奧海城) (已結業)

一直有用餐廳的apps儲分，剛好儲夠了一碗拉麵準備去食，才發現這個「獎賞」只能在奧海城分店兌換。我和朋友的第一個反應都是「吓？乜奧海城有㗎咩？」。有趣的是餐廳自己的apps也沒有奧海城分店的資料，唯有即刻openrice搵地址🙈分店原來在搬遷後的大食代旁邊，非常近地鐵站出口。以為地點偏僻不用等位，我們實在太天真了🤷🏻‍♀️還好只是等了15分鐘左右，就被安排入座了。內裡頗「光猛」，樓梯夠高，人多也不會覺得焗促。飯前吃了一點東西所以沒有很餓，這些時候就特別喜歡餐廳有提供半份拉麵的選擇。不用勉強自己全部吃完，也可以留點位置來吃小食！↑朋友點了赤丸加新的「咖哩玉」，吃了幾口麵後在估估下的情況下放到湯裡，就變了咖哩湯底了！（其實餐廳的fb有教喇，但沒有看就是了 ）咖哩味道很香，有點點的肉碎在裡面，建議大家吃到一半左右才加「咖喱玉」，畢竟加完就吃不到原本的湯底了。↑麵身普通軟硬的小白丸，表現平穩，跟平時吃到的差不多。↑反而很喜歡吃的炸魷魚鬚份量少了，上桌時只是微溫，而且很鹹。有待改善～↑原本想點啤酒，但賣完了～太快了吧？ （是有想過會不會這分店根本還未有酒牌喇😛）

嘩, 奧海城自從 Market Place by Jason + MUJI 進駐之後, 愈來愈精彩,前兩天見到 "一風堂"(Ippudo) 奧海城分店已經盛大開幕昨天仲見到人山人海原來係因為店方安排一千碗作免費派發, 咁我都係避一避先了, 我好想認真試清楚佢個味道同埋服務質素,今日一早就急不及待去試下了, 好彩今日唔係免費, 所以一開門時並沒有人排長龍,畢竟, 一風堂係香港已經唔係第一間店了.其實我係日本/泰國(T21) 都有食過 一風堂, 印象中日本又真係好食少少, 唔知道係唔係大家一直講緊既"水質"問題,而令製麵及湯底都係主要好食原因呢 ?今日就試下打大佬, 一來就點個 "一風堂辣肉味噌", 其實食過好多次日本既辣, 都唔係太辣, 對比起四川的辣更加係小兒科,我就點左"中辣", 不過真係唔好低估佢個辣度, 原來中辣都好鬼勁, 幸好我無挑戰"大辣", 否則就一定出醜了係奧海城, 甚至大角咀區, 暫時仍然未有一間好令人感動的拉麵, 不過一風堂出現, 都應該為區內帶來一點生氣 !!