一記 (已結業)

出開去長沙灣MCL睇戲，食完野先入場，又唔想行咁遠，見到對面有間叫「一記」既小店，膽粗粗走入去試下。食物既價錢令我覺得回到校園時真係好平好抵食，食物質素都有驚喜。圖一show既食物加埋牛腩湯飯先盛惠$114😬🥢滑蛋蝦仁飯🍤30蚊既滑蛋蝦仁飯，蝦仁都幾多隻。唔止用料足，蛋又炒得夠滑，蛋非常有蛋香，加埋豉油撈飯食，一轉眼就清哂成個飯🥢蕃茄牛腩湯飯足料到我俾30一個飯我都有啲唔好意思😅牛腩夠腍身，配料有蕃茄、紅蘿蔔、薯仔、洋蔥，唔使怕個飯得肉冇蔬菜，係健康既味道😎如果個湯可以多少少牛肉味就好喇🥢小食因為真係太抵食同埋店家同我講又部分小食同醬汁係佢地自家製，於是我哋當放題咁叫 — 腸粉、香煎蘿蔔糕、燒賣、牛肉球。腸粉既質地、醬汁好出色，豉油食得出係特調過，拍得住出名腸粉好食既深水埗合益泰；香煎蘿蔔糕同牛肉球就係店家推介既，蘿蔔糕用手切既蘿蔔條黎做，一條條蘿蔔好吸引，重蘿蔔味又唔會粉；而牛肉球係佢哋手打，口感唔錯，又有牛肉味；燒賣稍為有少少實，辣椒油同豉油絕對可以彌補到小瑕疵如果我公司附近有「一記」就好喇，又慳錢又好食，特別係啲小食🥰下次試下金針雲耳蒸雞飯先，我見大部分人都係入黎order呢個飯

今日同朋友去長沙灣MCL睇永恆族，睇完就梗係附近搵嘢食啦！朋友本身諗住食壽司郎，但係食到有啲厭，所以我哋揀咗附近嘅工廠大廈食飯。今次嚟到呢一間小店，係一間好平實同埋樸素嘅小店，我哋嗌左幾樣嘢食都覺得好，值得向大家推薦：蕃茄牛腩湯飯（ $30 ）呢個湯飯🍲令我諗起細細個屋企人煮嘅🍅蕃茄🥔薯仔湯，蕃茄好鮮甜，加埋牛腩一齊煮，我覺得非常之開胃。🥩牛腩唔會太靭，亦都唔會太肥，食完之後亦都唔會頸渴，$30真係抵到爛！滑蛋蝦仁飯（ $30 ）即炒嘅🍳滑蛋配埋🍤蝦仁鋪喺一大碗飯嘅面，上車嘅時候蒸氣騰騰，遠距離已經聞到好香嘅蛋香，店員同我哋介紹原來佢哋採用嘅係湖北蛋🥚，出名係香口順滑！蝦仁亦都係用咗比較大隻嘅一種，非常之彈牙爽口，唔會有雪藏蝦嘅發霉嘅感覺，我建議加幾滴豉油或者美極咁就可以將成碗飯再昇華🧝🏻‍♀️東坡肉（ $30 ）燉煮到入口即化嘅五花腩🐷極之邪惡，啖啖脂肪喺口中溶化，令人不禁一口接一口，回過神來嘅時候先發現成碟嘢唔見晒，連汁送飯簡直一流，完全係白飯神偷！🙈🙈🙈五粒牛肉球（ $11 ）呢度嘅牛肉球同坊間好唔同，紮實嘅口感仲有濃厚嘅牛肉味🐮，我哋問返店員先知道原來佢哋嘅牛肉球係人手打制而成，

今日午飯食返個住家感覺先🏡😋佢地既所有菜式都非常抵食，同好多野都自家製，尤其係佢地既汁醬同豉油，同埋秘製辣椒醬，全部都好有心思💗，試左佢地既粥，好綿滑👍腸粉亦都好滑，亦配上秘製麻醬，同埋燒賣等等........特別牛肉球同蘿蔔糕都係佢地自家製嫁💪💪仲有靚湯，今日次我試左沙蔘玉竹粟米豬骨湯，潤肺又止咳😍😍😍😍另特別介紹兩個必食平靚正既飯：1️⃣蕃茄牛腩湯飯 🍅🥩$30牛腩全部都大大舊，又係自家炆既，又夠淋又入哂味，湯底又夠清甜，非常足料💯我直情飲哂啲湯♨️2️⃣滑蛋蝦仁飯 🍳🦐$30蛋香滑口，蛋汁都滲透飯入面，而且有四隻大大隻既大蝦，非常爽口，連蔥花一齊食味道一流👍👍👍整體成間餐廳性價比都高🤜🤛想戒味精既朋友一定要黎食下😍個人評價： 總結 4/5 星

一記是一間富有人情味的餐廳，店員招呼周到，會不時詢問顧客的需要。腸粉 $8 (4條) $11 (6條) ☑️☑️☑️☑️☑️腸粉十分幼滑彈牙，食落有一種米香，面頭的芝麻也十分香口。腸粉加了甜醬、麻醬及豉油，味道十分豐富。牛肉球 $7 (3粒) $11 (5粒) ☑️☑️☑️☑️牛肉球加了喼汁，咬下去十分爽口，有一種特別的香味，配合麻辣油來食，味道十分不錯。燒賣 $7 (5粒) ☑️☑️☑️燒賣是彈牙的，因為辣椒醬味道很濃郁，所以整體都很惹味。香煎蘿蔔糕 $10 (2件) ☑️☑️☑️蘿蔔糕真材實料，有一條條粗粗的蘿蔔絲，值得一試。牛肉粥 $13 ☑️這碗粥味道及質地有點特別，整體一般。蕃茄牛腩湯飯 $30 ☑️☑️☑️☑️湯飯很足料大碗，湯底偏甜，配有薯仔、紅蘿蔔、蕃茄切粒及香口彈牙的牛肉，食落十分飽滿。滑蛋蝦仁飯 $30 ☑️☑️☑️☑️蝦仁爽口彈牙，蛋十分香滑，配合埋豉油加飯，味道不錯。淮山茨實合桃蓮子百合粟米蜜棗豬骨湯 $9 ☑️☑️☑️☑️湯十分清甜足料，味道不錯。這間小店整體性價比極高，大家不妨一試。一記地址: 荔枝角福華街588號地下A號舖電話: 65804306

係長沙灣住了那麼久，真的很小很小光顧附近食肆！今日睇早場未夠時間，想食較清淡早餐，行過見到這小店$13一碗是日靚粥，想也不想就坐低！縱使中伏都是$13😆😆😆。。。~本著毫無要求心態，$13皮蛋瘦肉粥一上枱。。望落又幾綿啊🤗，再食一口，雖然咸了點，但都讚啊👍。。皮蛋瘦肉比例剛好~$7燒賣質地一般，豉油不錯見門口$30 有一個飯。。就算不包飲品都係超低。食物不在乎平貴，只要用心做，這份感動食客一定感受到的🙏😊！這份堅持不容易喔！大家請多多支持良心小店🤗！加油💪🤗

唔好睇一記舖頭細細，佢嘅飯餐好好味，而且價錢好平，今時今日好難搵到性價比咁高嘅美食。☝🏻川芎白芷蒸雞飯 (只需$26🙀)我幫襯過一記幾次，呢個蒸飯係我嘅心水推介。除咗有助活風袪風嘅川芎白芷，舖頭仲加咗杞子同紅棗一齊蒸。藥材味係有嘅，但唔算太勁，怕藥材味嘅朋友仔都可以放膽試。雞件都好夠油份，蒸出嚟好滑，係美味嘅補身之選。☝🏻滑蛋蝦仁飯 (只需$30🙀)雖然只需30蚊，但蝦一啲都唔細隻，份量亦都唔少，有4至5隻。同埋睇圖都可以感覺到佢啲蛋有幾滑🤤。放心，佢又唔會生到好似鼻涕咁，係煮得啱啱好嘅滑蛋，充滿油香，係白飯嘅最佳拍檔，我食親都會清碗。如果擔心舖頭細，去到冇位坐，可以事先同店員留枱。店員們都好親切，充滿街坊嘅人情味☺️💕。

想清清腸胃，最好就是食粥，這附近有間一記的菜乾粥再配腸粉十九元，價錢都十分抵，到了午市仲有不少飯選擇都是三十多元都幾平。今早去到沒有人，就坐下看電視等食早餐，好快早餐來到，菜乾粥味道都幾濃，份量都幾大碗，入面仲有少少豬骨食，十一元來講都幾平，而另一款腸粉有大有細，而我就叫了四條八元，醬是整個腸粉所在，好味又不太咸，腸粉夠細滑好味道，覺得好似好食過外賣，下次都是堂食比較好，而且仲可以坐下睇電視坐的乾淨舒服會加分。

沒什麼可以挑剔 30至40 元就可以食到一個午餐 地方乾淨 對食客有禮貌 。 他們還可以透過whatsapp 通知你 每日嘅餐單。如果怕 你喜歡的 菜式一早買完，還可以透過whatsapp或電話跟他預訂一份先 ， 這樣的貼心服務哪裏找呢？

良心食肆小店。一記地址：九龍長沙灣福華街588A地舖1.混醬腸粉($11/ 6條)-腸粉偏幼，獨特口感煙韌-醬料夠香但唔會太濃-份量都好夠食，如果做早餐一定夠飽2.油菜 ($9)-有驚喜，菜非常鮮嫩-加咗少許醬油吊味-完全冇落油夠清淡！3.燒賣 -7蚊5粒略嫌偏貴-味道一般但食得出唔太肥豬肉-唔算係必食推介小結：其實現場環境偏窄，亦有賣好多特價健康飯，午餐平均都係30蚊一位，現場好多食客都稱之為良心小店，另外只收現金

呢幾日喺長沙灣返工，完全唔熟架步，食晏唯有四圍貢，尋找隱世美食。尋日食完飯先經過『一記』，見到價錢好大眾代，又有住家feel,所以決定今日一試。十二點四十分左右到達，客人唔算多，無需等位就可以先點餐，付款後就搵位得食。我點選咗蝦醬豆卜五花腩-$30，再加個例湯(老黃瓜)$9，加埋先係$39咋！今時今日呢個價錢真係好難搵，而且味又又幾好，真係誠意推介，大家行開附近可以試下。

唔係第一次食一記，食佢既原因係佢出餐快同價錢係同區黎講算係平，岩哂附近放食飯既窮L打工仔(即係我) 一記俾我既感覺好煮家飯feel，會有蒸肉餅、老火湯、粥等等~佢既午餐餐牌經常會轉，平時食開肉餅飯，貪佢只係$20幾蚊大大份食得飽。今日貴少少試下「菠蘿酸甜咕嚕肉飯」。一上檯，真係好似係屋企食飯咁，咕嚕肉用不鏽鋼碟裝，好似平時我呀媽用不鏽鋼碟蒸返熱D餸俾我食咁!果然，D咕嚕肉係蒸返熱既，食落去一D都唔脆，碟既底部見到有倒汗水。每一舊肉掛既汁醬唔多 咕嚕肉既味道係ok 既，不過因為蒸過，甜酸味較淡。但佢無落味精，呢樣野係讚既。咕嚕肉份量都有差唔多10舊左右，不過唔同大細，夠女仔食飽既~就好似topic所講，一記有住家feel，我呀媽有時煮餸都會失手，一記都係。不過作為窮L黎講，當我山窮水準時都會去食既。P.S. 我都係鍾意食佢既肉餅飯多D

今日放假唔使返工，落街買lunch食，見到哩間咖喱飯都只係賣30蚊，真係超平，試下佢先，份量唔少，對男士黎講都應該夠，味道都幾好，好重咖哩味，可惜佢好早收鋪，一般收工都買唔到了。

朋友介紹，話呢度有間好抵食嘅餐廳，經過荔枝角就黎試吓。喺長沙灣地鐵站行過去都幾遠，要大概5分鐘～去到見佢鋪頭細細間，位唔多，唔夠20個～再睇下佢餐牌，嘩！真係好平呀！蒸飯＄26一個～唔係下話～仲可以唔使跟餐，即係可以＄26食個午餐！？咁平？叫咗個鹹蛋肉餅飯～大碗喎！唔係細細兜嗰啲蒸飯～😃樣就正常，有兩條菜，味道真係唔錯！肉餅有口感，調味剛好，豉油有調較過，甜甜地，唔錯。再叫咗腸粉，軟滑！$8食到好飽， ＄34埋單～朋友冇介紹錯！

今日同朋友嚟咗呢度，食咗一個皮蛋瘦肉粥，鳳爪排骨飯，蘿蔔糕。個粥$11!!! 好平!!! 而且真係唔錯，幾多料，好綿，真係煲嘅粥，唔怕好水。鳳爪排骨飯就正常，碗飯好大碗,，食唔哂，下次要叩小飯～蘿蔔糕真係一個驚喜！好好味！好有蘿蔔味！！！而且食落個質地好爽！！！完全唔粉！仲食到幾條蘿蔔絲～下次再嚟試吓佢其他野先。抵食！正！

有日去完明愛醫院探病走嘅時候經過呢間小店，見到門面招牌張菜單幾得意，啲嘢食又好似好抵食，所以就入去試吓，支持吓小店～ 叫咗腊味飯，牛肉球，住家靚湯，都只係＄48，超級抵食！本身對食物冇乜特別期望，但係食完之後覺得真係唔錯，冇味精，用料新鮮。個腊味飯又油鴨、臘腸、臘肉，仲有兩條菜心，係菜心苗黎架！好味!個自家製牛肉球值得推介，細細粒一啖食晒，好味過出面酒樓大大粒嗰啲～ 個日嗰住家靚湯係五指毛桃湯，好足料，味道好清甜，好適合我地呢d平時冇乜湯水嘅朋友飲，飲完之後好有家的感覺，哈哈～