一芳台灣水果茶 (已結業)

大熱天時喺荃灣荃新天地見到遠道而來的台灣一芳水果茶😍😍飛奔買了一杯來解渴，好fresh 啊😃😃😃同台灣一樣的感覺，好開心以後不用坐飛機過去買了😋😋😋

一直未有試過香港嘅一芳，之前喺台灣輕輕試過一款，最近番深圳亦都試左一款，諗黎諗去又冇理由唔試埋香港嘅，一直搵緊機會。比較方便我地，其實係朗豪坊分店，次次人山人海，要排咁耐隊就不了。是日去荃灣行宜家前，天氣超熱，啱啱食完飯就已經口渴非常，記得荃新天地有一芳，仲要望到母親節優惠，買任何飲品可以半價買金鑽鳳梨綠，加上見只有幾個人排隊，抵啦，最終由排隊到取飲品都係十零分鐘餐牌供應原茶、混合茶、果茶、鮮奶茶、黑糖系列等，分中/大杯，定價$17-30，大杯裝相差3蚊。配料有粉圓、愛玉，甜度、冰度可自選。唔飲啲鮮奶類，傾向清新解渴啲嘅果茶，喺台灣飲過，亦覺得幾啱口味，於是點左水果茶，再半價加杯金鑽鳳梨。一芳水果茶 $33/L/少糖雖然知道一芳喺香港嘅負評非常多，但感覺上味道同台灣飲到嘅差不多。好似比台灣飲時生果量仲多一點，眼見就有蘋果、橙、百香果、菠蘿。少糖剛好，唔會太甜。但可能太熱，去到戶外，冰塊溶得好快，所以飲到底就無可避免，變到冇咩味。我地好少飲水果茶，因為多數果茶以百香果味為主，幾霸道，男朋友唔係太鐘意。至於呢杯，都仲飲到其他水果味，以菠蘿、橙較濃郁，百香果唔會太重同好多水果茶一樣，茶味係弱

自從知道荃灣開左一芳之後 就比迷上了 巧合天氣開始轉熱 一想飲清涼清甜嘅飲品🍹 就不自覺地想起😋🍹除水果茶最近都愛上金鑽鳳梨綠 微糖 甜度適中 以上兩款解暑好好

一直好想好想飲一芳，只可惜去沙田嗰間真係好長龍，今日經過荃灣呢間竟然冇乜人喎，咁就衝去買啦，望著Menu，我睇來睇去都係揀咗最簡單嘅黑糖粉圓奶茶。等左大約十分鐘就有得飲喇。一拎上去咦點解個杯咁軟身既？！飲左一淡，好似冇特別啊。我點左微糖配少冰，好淡茶味，多奶但奶又無咩奶味，粉圓味道是可以的，但係整體真係好普通，無再幫襯既理由。 其實台式飲品店成行成市，相比同類型店舖本身定價已是偏貴，味道普通，我不會再買。

一個月前見到一芳仲係裝修緊未開業，當時已經十分期待！今日咁岩經過見佢張已開緊係要試下！人龍唔算長，十個咁上下啦。我揀左一芳水果茶，男朋友揀左黑糖粉圓鮮奶茶。一芳水果茶：職員建議我少甜，但飲落我覺得有點酸有點淡，失望。水果方面都係百香果、橙、蘋果，毫無特別。黑糖粉圓鮮奶茶：茶味好淡，成杯野都唔夠甜，但佢係固定左甜度，想固，係啲粉圓唔差。總結：伏，失望。建議大家去試下有幾伏，幾十蚊飲啲咁既野早知去隔離飲Starbucks

響旺角見過呢間野，見有啲口渴中左埋去，直至買完先知佢出名水果茶。不過唔緊要啦，叫左杯熱既翡翠鮮奶加粉圓，微糖，都好好飲。本身以為係綠茶之類既茶底，但飲落似碧螺春，雖然結果都冇去查探究竟係咩茶，不過係好飲既，唔苦唔澀，仲陣陣香茶味。鮮奶同茶既比例沖得好好，亦都飲到奶香味。粉圓係細粒既，用幼既飲管已經吸到而且每一粒都好軟好軟，海棉咁，經鬆咬幾啖就吞到落肚。最後一提，係佢地既粉圓味，用左黑糖去煲去浸，味道好突別。

上次去荃新天地食飯已經見到呢一間台式飲品店好多人排隊，有啲好奇係咪真係咁好味。今次又再黎到荃新天地，見到冇乜人，終於有機會一試。問職員鋪頭乜嘢最出名，佢話係黑糖粉圓鮮奶茶。諗住嗌，不過每日限量發售，已經買哂所以最後嗌左粉圓鮮奶茶（少冰微糖）。落order唔使排隊，等野飲大約等左5-10分鐘。茶味夠香，珍珠夠多，煮得啱啱好，唔會太淋。而點了少冰，溫度合理。微糖既甜度亦適中（本人不好甜）。可以再幫襯。

飲得太多珍珠奶茶，芝士奶蓋，係炎炎夏日最岩黎一杯消暑果茶。呢一間聽聞係幾好飲，所以今日三十幾度既高溫下就黎即刻諗到整番杯冰凍凍既一芳果茶，裡面有熱情果、蘋果、橙肉，店員建議50%或30%甜度，最後揀左30%，甜度適中，大家不妨試一下😋

今次係我第二次拜訪一芳，第一次5:00pm去到嘅時候黑糖粉圓系列（每日限量100杯）已經賣曬，所以今次再去碰碰運氣。到達時係1:00pm，排隊亦只需5分鐘，最重要嘅係仲有黑糖粉圓系列！！我就叫左黑糖粉圓鮮奶（固定甜度和冰量），到手時黑糖粉圓係熱熱地嘅。黑糖粉圓嘅甜度頗高，好有咬口，對比起其他台式飲品店嘅粉圓係相對出色！但係整體卻令我有點失望。鮮奶沒有一點嘅甜度，全靠粉圓的黑糖去帶起鮮奶嘅味道，可惜粉圓嘅份量不足夠令到每一口嘅鮮奶都帶有適合的甜度。總括而言，這杯黑糖粉圓鮮奶未能吸引我再次到訪。

台式飲料店在港的熱潮一直沒有減退，不過卻一直開一間，倒一間。一芳選址荃新天地內，裝潢十分簡單，樸素，有點台灣味。店內只有一個收銀，而且牆上的價目牌都沒有列出價錢，只有收銀處的一旁有一張menu，對於排隊的人有點不便。點了一杯中size粉圓鮮奶茶，微冰，2/3糖。拿到手是挺意外的，因為溫度是常溫，少少冰感也沒有。粉圓是小小的，有幾粒黏在一起，有點失望。奶茶味道不錯，不會有奶粉的味道。等候時間不算太長，下次會再來。

珍珠奶茶風潮自六、七年前從台灣直捲香港後，台式飲品店鋪係香港隨處可見但珍珠系列飲品至近年熱潮慢慢減退後台式飲品沉寂一時但最近係香港人心目中似乎又出現台式飲品新寵兒－水果茶台式飲品店熱潮再次以「水果茶」之名係香港死灰復燃今日試既係最近係香港積極擴展版圖既一芳台灣水果茶特別在一般飲品店糖度只有分少糖、半糖、微糖、無糖但一芳就額外有微微糖於是本人就嘗試了 微微糖及3分冰 既水果茶友人同樣點水果茶，但佢就係半甜及正常冰落單後等待時間大約5分鐘就有得飲3分冰既結果係變左冇冰看來店員在冰量控制方面尚有改進空間微微甜對於不嗜甜既我來講剛剛好而友人既半甜對於本人而言有點兒過甜但佢既正常冰就變咗少冰水果茶果味相當濃郁而且新鮮微微糖唔會淡如水新鮮既蘋果塊及橙塊數量亦算多而其他甜到膩既水果粒就明顯地係用罐頭水果以味道及水果數量嚟講果三十幾蚊算合理

知道一芳香港有分店其實我是很期待嘗試的叫了每日限量100杯的黑糖分圓鮮奶茶由於這杯是黑糖粉圓系列關係甜度、冰量都冇得微調店裡的其中一位店員沒有禮貌叫號碼時如果沒有即時行過去，佢要叫第二次個時就表現得極之不耐煩最後發現原來他是因為幫收銀叫號碼，可能覺得自己做多左嘢做啦講番杯茶茶味不夠濃奶味反而多幸好不會太甜而且珍珠有黑糖味但分量真的比起其他品牌小我叫先所以珍珠還有2/10奶茶但整體還有很大的進步空間唔通因為出名係水果茶所以奶茶不合格？

來自臺灣的一芳陳家水果茶，之前喺台灣飲過，今次竟然喺荃灣可以遇上佢，睇返近日報導，原來佢地開始咗特許經營，所以先可以嚟到香港，如果大家有興趣可以睇吓陳家嘅故事，都幾特別。Anyway，講返一芳陳家水果茶，今次得意試吓微糖、走冰，今次唔係好多人等，都係等左幾分鐘，就可以品嚐到真正嘅水果茶，睇翻杯入面，裏面充滿着新鮮水果，眼見有橙塊丶蘋果塊同埋熱情果肉呢杯水果茶真係名不虛傳，可能係新開關係，用料非常新鮮，茶味香濃，感覺好似健康過飲星巴克值得推介、下次可以試吓佢另一皇牌燒仙草係列

行經過荃新天地見到一芳水果茶開左，之前係社交網絡見過但就未試過，難得夜晚9點左右無咩人等就買黎試下啦。柯打左既係中杯既一芳水果茶，微甜，去冰。唔知係咪因爲走冰關係，我個人口味覺得都係甜左d，真係好彩有嗌微甜，唔係我應該成杯飲唔落 所以如果本身唔好甜既就要留意返喇

杯粉圓鮮奶完全唔知飲緊啲乜嘢野，冇奶味，得個甜字，好似水溝粉圓，粉圓又唔香，仲要＄32杯，好彩只係叫咗一杯，諗住新開試下佢，點知好失望😞，聽到後面個人都話聽聞「不知所謂」，😣