一芳台灣水果茶 (已結業)

之前去店灣第一次飲一芳係好驚豔架！第一啖個茶好醇好香、仲有水果滲左喺茶既微甜，果然名不虛傳！而家終於黎到香港都忍唔住要試試！上兩星期都喺尖東嗰間飲過一次都唔錯，今晚食完飯行過屋企樓下既呢間分店就都諗住飲杯當食啲生果啦🤣黃埔呢間面積都幾多，有排隊區同等候區，劃分得幾有條理。點左位中杯既一芳水果茶加愛玉、店員就話加愛玉就會自動幫我轉埋大杯了😂👏🏼嗰陣唔算多人，但出飲品既速度唔算好快。店員畀一芳水果茶我時要我問先會畀隻叉我，如果冇叉的話係食唔到啲水果🍎🍊架⋯飲品賣相一流、生果份量都多，第一次加愛玉我有啲失望佢用飲管幾乎吸唔到，雖然佢唔係硬，但可能落既魚膠粉較多，變左幾大舊下。就咁用粗飲管都吸唔到。主角茶🍵味唔出，而且水果已一早切好😑所以已經冇咩鮮味⋯雖然唔係難飲、但只要諗返台灣嗰杯就覺得差得幾遠下⋯而且呢間啲店員總係有一副好攰好唔精神既樣，下次都係返台灣先飲算吧🤷🏼‍♀️

行街經過見到，雖然冇乜客但又心思思想買杯試吓，叫咗冬瓜鮮奶，走冰，上面嘅鮮奶有啲淡冇好香濃嘅感覺，飲飲下到最尾仲覺得連冬瓜茶都好淡味咁，其實價錢唔係最重要，好飲既話貴都冇所謂

之前係朗豪坊已經試過一芳既烏龍鮮奶，個陣排左半個鐘，飲野飲都等左半個鐘，結果杯野飲係甜到接受唔到。聽講一芳水果茶係最出名，見到紅磡呢一間唔洗排隊，就決定比多次機會佢。水果茶酸酸甜甜，幾解渴。個人覺得一芳既水果茶比鮮奶好飲太多倍！不過依家飲品實在太多選擇，呢間就未必再回頭啦，水果茶味道亦不算特別驚艷，只係路過一試無妨既level。

食飽晚飯，想飲返杯嘢，諗起有間新店，於是去試吓。人潮係一輪輪的，正當我諗緊飲咩好時，眼見排長龍，我又唔趕時間，所以企埋一邊，慢慢諗。之後決定左飲咩後，發現已經無哂人。但當我買完呢！又再出現人龍。地點位於商場中央，有很多位置，人多都唔會覺得迫。仲有打卡位，岩哂喜歡影相嘅我😊招牌項目：水果茶！當然仲有好多選擇！買完之後等叫號碼，仲有顯示屏提示。有等候區我買了烏龍奶茶及愛玉檸檬，好有茶味，好岩我口味！

第二次飲呢間野，真係以後都唔會再飲！！！今次叫烏龍鮮奶少甜，但都係非常非常之甜，而且個味道仲有d怪怪地。飲第一淡就鄒曬眉頭，感覺成個茶都好唔match。朋友叫左佢地個一芳水果茶，佢都話普普通通，同埋真係好甜，好似飲緊糖水。叫少冰佢又比左杯杯冰，如果唔叫少冰可能就成杯冰😂😂😂唔知係呢間整得唔好飲定係我地唔識欣賞，呢間水果茶同其他比真係唔係好得，可能我地飲過其他好飲既台灣茶，所以要求比較高啦☹️☹️☹️但呢間茶真係唔岩我口味。

今日老細請我地飲一芳，我叫左杯熱既粉圓鮮奶茶（半糖），d粉圓唔會話特別好食，正正常常唔會太硬，但又唔係好q。我叫左半糖但係我都係覺得好甜，好彩我無叫黑糖粉圓鮮奶茶，因為黑糖無得改甜度。可能我個人比較中意茶味濃d既奶茶，但呢杯茶唔算濃，鮮奶味又一般般，得個甜字，所以我下次未必會再飲。

好像這一個分間是新開冇耐吧！買完嘢行過去到就打算買黎試吓，呢個似乎越開越多的分店。一入去就攞張單張邊睇邊排隊，因為都有大約十個人排緊，果時大約晚上7點半左右，最後我就選咗大杯的黑糖粉圓鮮奶茶，見近排黑糖都好多人話熱賣。由排隊到等到飲品都花咗大約三十幾分鐘時間。攞上手杯嘢暖暖地，黑糖同奶茶同冰層次分明，飲前要攪渾佢，一路行一路飲，啲冰剛剛好又唔會太多，溶溶吓成杯好快由暖變凍，入口岩岩好，凍得黎又唔會口冰凍感覺，份量教得幾，冰溶咗都唔覺成杯嘢味道淡到水咁。至於茶味同奶味都能夠食得到，真係幾好飲，一向怕叫黑糖飲品太甜，剛好飲落黑糖同奶同茶都配合得好，但整體都比較味淡，不是太濃烈，清清地，飲完一大杯都唔覺好濟肚。不過粉圓口感就一般喇，同覺得粉圓較少。

每日一百杯的黑糖珍珠令到我好想試上星期有晚去，見到開左所以去貢下，但珍珠沽清啦。琴晚7點去，仲有少量貨。 試到可能近期有老虎堂同鹿角巷對比一芳明顯味道比唔上前兩者加上珍珠心硬的，唔熟透。所以更加不及前兩者。味道就不太甜，我接受得來但如果是限量發售，顧客會抱着期望態度等，但結果珍珠唔熟透，就差左d了，失望另外，有黑糖珍珠鮮奶及黑糖珍珠奶茶兩選。鮮奶應該比奶茶好味，奶茶茶味太濃記得早一個月在溫哥華飲過同一杯當時的珍珠剛剛好，但又係不太甜的珍珠，奶茶就淡。一芳配方有代改善，近期仲一次開咁多間，不知道味道如何處理一致平均呢？

「一芳」早已聽過呢個大名，可能閒日既關係，見今日又唔係好多人排隊，就決定試試諗緊買咩好，唔想諗咁多就揀招牌生果茶啦試過係第二間台式飲品店買水果茶，酸到咩咁，我揀左走冰微甜，但又怕伏，問完店員佢話本身呢個會偏甜，所以都SUGGEST 5分OR3分甜等左一陣就有得飲啦雖然走左冰，不過都算凍既生果有橙，蘋果，仲有熱情果果肉呢就唔知本身諗唔諗住大家會食啦，橙就好甘，我只係食左蘋果下次可以試埋呢個，唔一定只係飲黑糖鮮奶既

好幾天下午去，招牌黑糖珍珠鮮奶已經賣完了。員工說每天只限量100杯昨天晚上下班想說去買點別的喝，但已經關門了！ 才8點欸！是生意真的這麼好嗎？還是所謂「飢餓政策」的行銷手法呢？