一粥麵 (麗港城商場)

營業中

休息中

政府經常大叫口號「推動經濟」，餐廳卻連環倒閉。近期，早晨、下午茶的價格都比之前優惠！經濟前景真令人擔憂！哎！還是吃好的，別想太多！一粥麵的下午茶餐對比大快活、大家樂還要更值！果然係薄利多銷！$39下午茶餐可以選三款小食及免費凍檸檬茶，真是市面上最有價值的下午茶餐。看！新鮮製作齋腸粉，新鮮熱辣香滑美味！蜜糖雞翼，不用多說，都是又甜又香又脆！再加一個早餐吃的粟米火腿通粉。這樣吃下去，街坊還需要吃早餐和午餐嗎？

一粥麵麗港城分店，今日等兩個堂食晚餐，等咗近30分鐘。其中催咗兩次，最終樓面態度惡劣咁話，好多外賣做，唔鐘意去退錢囉。有另一個顧客，叫咗碗河粉，等咗近廿分鐘，未有。最終，我去咗退錢。其實，麗港城有好多老人家都會幫襯一粥麵。你試諗吓，後生嗰批可以唔等直接退錢，老人家邊有咁多精力同你理論，唯有餓住個肚呆等。諗吓，咁嘅態度，係咁要攪到我哋留港消費嘅呢一群北上食飯先安樂？離譜！我哋其實好支持香港餐飲同零售業，但係就畀呢啲咁嘅服預拖跨成個經濟體系。

這家連鎖快餐新推出韓國泡菜雞肉煲仔飯，以為可以試新菜式！結果真的令人大失所望！價格高達58元，可內容卻嚴重貨不對板。所謂的雞肉寥寥無幾，只有兩小塊，菜單上未提及的腸仔倒是有幾片，但腸仔本身價格低廉，這顯然價格非常不合理。而且泡菜根本不算是真正的泡菜，幾乎就是泡菜汁。這樣的菜色質量，這個價格實在是極度不合理！建議大集團應該將菜式改名為泡菜汁腸仔煲仔飯更為貼切。大集團都應該反思，如此經營怎麼能贏得長期顧客的信任與支持？

一粥麵主打食粥麵但估唔到d 粥竟然咁難食佢d粥係好杰 但完全食唔到有米味更加唔會見到或者食到碗粥有米睇得出好唔足料就係落勁少米 再靠狂落茨煲出黎既粥叫左艇仔粥 配料都偏少不過佢同出面既艇仔粥唔同就係佢會落蝦真係原隻既蝦 仲要有兩三隻不過我覺得味道唔太夾跟餐有炸兩 但一粥麵中意叫炸腸 唔係炸兩個炸腸唔錯 好食過粥不過大小係偏細舊但下午茶黎講ok ge一碗粥加炸兩 唔包野飲 下午茶$46真係有d偏貴下次去一粥麵都係食返麵d粥唔太掂

今日嘅午餐係銅鑼灣搵到一間頗有人氣嘅餐廳，一坐低就望咗一眼菜單，點咗份經典嘅雲吞麵跟即做炸兩，簡直係一個平民化嘅悅耳菜色組合！啲雲吞卜卜脆，彈牙得黎唔膩口，入口即溶嘅感覺真係正！👍🍜 面條爽滑，湯底嘅味道清鮮得點，完全冇得輸。再講吓嗰炸兩，好似喺街市新鮮咁，不過佢嘅甜醬同麻醬搭配就更上一層樓，琴注糅合得剛剛好。😋跟手試咗個脆皮熱狗，啱晒我呢啲唔太肚餓嘅時候食。啲脆皮整得啱啱好，內裡嘅腸又熱又香，食落去簡直開心過望😍。仲配上新鮮嘅青瓜同番茄，清新解膩。匙羹潔一啖，辣酸酸嘅調味汁又令人胃口大開，層次豐富得來又唔會過於猛烈。總括嚟講，呢間餐廳嘅午餐讓我食得好滿足，真係一個平易近人嘅好選擇。下次有機會一定要再嚟試吓其他啲signature！👌🎉

叫左個粥話走芫荽，單出左走蔥，都算啦。個餐出到黎芫荽同蔥都冇走，問出餐個男人竟然話個個都話走做唔到，另一個啊姐又話芫荽同蔥放埋一齊，走芫荽要走埋蔥。我完全明白理解，咁我落單嘅時候點解唔話我知？負責出餐嘅同事睇到單點解又唔問？我唔介意全走，介意嘅係第一，佢地無視客人嘅要求，照出餐，重要完全覺得冇問題。第二，落單同事冇同㕑房同事溝通，好似唔知，亦都冇同我講要走埋蔥，或者係唔可以走。如果一早話我知唔走得芫荽蔥，我照買我係問題，你地乜都冇講，出左餐先話唔得就係你地嘅問題，就係要我硬食啦！離譜！三個字，服務差。其他都冇乜野，但已經對一粥麵冇乜好印象

鮮蝦雲吞麵配蘿蔔糕 ($41)買完先知呢度嘅手工鮮蝦雲吞選用100%新鮮丹麥豬腩肉，三七肥瘦黄金比例，肉質鮮嫩不油膩；每一粒都好大粒，搭上原隻大海蝦肉，口感爽滑。呢種傳統手包散尾雲吞，皮薄餡靚，鳳尾滑溜。一碗有成五大粒真係好抵食👍🏻蘿蔔糕都有三大件，全部都好足蘿蔔，美中不足係有部分煎得太燶

今晚用手機app外賣自取食咗煲仔飯，估唔到九月尾已經有煲仔飯食。落單之後15分鐘到就有得攞， $56包飲品同送$6現金券，如果食滿$100仲有九折。個包裝都唔算太重，返到屋企食都仲好新鮮熱辣辣，有少少飯焦，啱啱好，會再幫襯。

喺麗港城尼個美食沙漠，嘢食其實來來去去都係嗰幾間快餐，麥當勞嘅下午茶已經同散叫差唔多一樣唔抵，大快活下午茶嘅選擇又小，份量又夠。美心其實叫做好dd,但係又執咗。星期日瞓到晏晝2:00啱啱好下午茶時間。係冇選擇嘅情況下就揀咗一粥麵。疫情關係一粥麵而家多咗個電話qr code order，可以係屋企㩒完之後，慢慢去拎。如果親自去門市買，星期日可能要等成20分鐘先有得拎。一粥麵嘅細蓉下午茶其實唔多，不過下午茶就啱啱飽，勝在CP值夠高。連埋紅豆冰30蚊有找。有時會送咋喳。我阿媽同我講長者咭有優惠不過就冇得喺電話order

Last Thursday, I visited the Chinese restaurant with my friends . I ordered lunch set: dumpling 🥟 noodles and fried noodles ! Very yummy. The red bean ice was also good and sweet!

之前去一粥麵食過牛腩撈麵，係唔好食既，所以再黎就試下佢既飯，本身打算食頹飯，見到佢有個菜飯好似幾吸引就叫左，個魚有驚喜，呢種魚既骨都係偏大條既，怕骨既朋友可以放心試。味道好好，煎得都幾香，好味到連魚皮都食埋。不過菜飯同埋碟肉燥豆就差啲，個菜飯普普通通，啲豆好生，好似未熟咁，不過我都食晒。係藍田呢個屋邨商場黎講都算係貴，學生未開學，Lunch Hour都好易搵到位。同事就好中意食佢地既粥，話好綿好好味，我就唔食粥既，所以唔會考慮試。價錢貴我都唔會成日黎食

有次機緣巧合之下試左佢個雲吞麵，竟然充滿驚喜！拍得住出面啲出名嘅雲吞麵檔喎又！唔會好似出面啲hea野咁溝肥豬肉，入口仲幾彈牙添！午餐39蚊可以加配埋即做炸兩或炒麵或菜，而我每次麵一定配佢個即做炸兩！ 由於最近疫情影響，多數會叫外賣，值得一讚係佢都幾細心會將麵同湯分開，盡量唔影響質素！而炸兩亦會配返哂甜鼓油，麻醬同甜醬！以咁嘅價錢食到呢個質素真心係值得推薦，但其實我試過其他分店嘅同一個餐，都冇咁嘅水準😝

有次機緣巧合下喺到食個lunch，發現佢個雲吞麵真係有出面啲出名雲吞麵檔嘅水準！雲吞都算足蝦料，唔會溝埋好多肥豬肉，兼有咬口又彈牙！最難得係佢可以加配即做炸兩/炒麵/菜都只係39蚊！我自己就比較欣賞佢炸兩啦！最近疫情關係我會叫外賣拎走，佢地麵好細心分湯出，炸兩亦會分關甜豉油麻醬同甜醬。真心推介！試過第二間分店都冇佢咁掂！

一粥麵的酸菜魚可配牛肉或豬肉，我就要了牛肉，可選飯或烏冬二款，我就要了烏冬，但如果有飲品或茶就更好，六十八元都可以，就叫了一個來吃，不久食物就來到，原來仲有菜都有驚喜，烏冬是獨立包裝，姐姐很快就幫我點火好快有得食，原來這鍋仲有豬肚在內，魚肉都不少不過就比較淋身，滑度一般。豬肚幾爽口，但湯底十分失望，完全沒有酸菜湯底味，感覺只有好輕微而有少少咸的鍋，牛肉口感都幾好，菜不少都新鮮，今次有點失望，記得之前比較好食才再叫。

今晚見一個人食飯，就求其揀左呢間連鎖店食晚飯，見佢有羊腩煲咁特別就試下，點知唔小心中大伏！呢個煲係燒住咁上，仲配豬肉片俾你好似打邊爐咁食。個羊腩煲味道極鹹，好似食緊成啖鹽咁，好難頂；羊既份量都好少，係枝竹多，有啲俾人呃左既感覺！羊既羶味有啲重，唔合格。豬肉片同菜都正常，但份量都係少；飯既濕度同軟硬度都合格。雖然唔可以對連鎖快餐店有太高要求，但佢既調味真係太重手，咁既價錢食咁既質量同數量，真係唔推介！