一粥麵 (樂富廣場A區)

營業中

休息中

今日一個人冇所事事, 週圍閒逛, 經過樂富見到間一粥麵, 還掂好耐冇食雲吞麵, 又過左午飯時間, 唔使等位, 咪入去試吓, 入面有十零張枱, 環境都算乾淨, 坐低見到餐牌雲吞麵$29 呢個價錢都可以接受, 比起其他舖頭巳經算平, 就叫一碗試吓內有五粒細雲吞, 食落感覺豬肉同蝦嘅比例都平均, 豬肉唔會太肥, 蝦肉有鮮味,仲有一棵小棠菜, 麵冇鹼水味, 咬落有彈牙感覺, 湯味道唔會太咸, 啱啱好, 但比較細碗, 不過咁嘅價錢, 都唔可以要求太多,

剛想寫食評見到上一頁食評，寫差，我覺得係差差差！別人是外賣差，我是堂食重差差差，服務差，衛生差。真係第一次到此店食野，因為出左龍躉火鍋粥想一試，嘩落單後等火鍋上枱一個亂字，送錯食材上枱態度差，去經理查問得個吵字。攪完一輪預備食又冇碗，去餐櫃攞見到d碗有飯未清洗乾淨，轉頭再去攞碗都冇。😡見到火鍋材料真係覺得貨不對版，食唔夠10分鐘又冇火，真係火都嚟，真係只此一次，但唔明點解會長龍。衛生服務大失所望，快餐店都有食物同服務質素要求呱？

做到咁不如唔好做la外賣order 全部錯!!!!!!!!返到去諗住食個飯姐 見到全部都唔係我嘅嘢!!!!!10年都唔食一次真係一次都唔可信!!!!!!!!!!!!!!!

昨晚去咗一粥麵食最新花膠雞煲套餐。個餐可以配福建炒飯加荔枝紅茶。價錢$70。等咗約十五分鐘先有得食。個花膠雞煲好香濃。食到有花膠同埋雲吞。隻雞好嫩。屬上等食材。個福建炒飯好足料。好好味。好開胃。杯凍荔枝紅茶好正。夏天飲凍飲就最正。

行街前搵野食，行行下見到一粥麵有刈包😋就入去試一試個包，下午茶時間都唔算多人，都容易搵位叫了風味雞扒刈包餐 +。豉油皇炒麵個雞扒刈包加埋個汁 唔錯 ，幾開胃好味另叫魚片河粉加 雞翼個雞翼炸得好香 ，好好味👍🏻👍🏻👍🏻👍🏻👍🏻👍🏻

我是別店工作，經過看到有宵夜賣，就問店長走出來。。。本來8點開售但我因工作9點幾先出到去買，宵夜是可以雲呑麵加一份小食，本身想要a款，到店見科技先進的螢幕會自動跳邊款有邊款無，剛好還見到有a款，去到叫，收錢話無。。。佢耳機仲快過螢幕我就望下，諗住b都幾好，就換b，點知又話無，得炒麵同生菜。。。。我又望下螢幕，發現摭左a同b，心想點會咁黑，無奈下唯有叫c炒麵同雲呑麵帶回上班地點食。。。。不知是不是針對還是忘了？他們說ok我問他齊了？他說是，我信他帶走了就回去吃，就右上的相片，沒湯的？我以為因爲外帶所以讓麵入面存湯汁再倒去湯，就吃。。。結果真的沒湯，好難吃的麵！連我店賣的29元牛腩飯也比它好吃！我好人就打算淨吃雲呑再吃點麵。。。但發現不行！之後我吃好多油的炒麵。。入數時把麵帶去叫他加點湯，跟收銀的說她竟然一看到我說了句:又是來換野的嗎？ 我心想，是不是好多人來換？我就告訴她，她無表情說:啊，他們沒給湯你？才知道湯是另外上。我到他們那裡，告訴他，叫他直接放點湯進去就行，我說本想勉強自己吃但真太難吃所以要加湯。廚師竟然沒任何反應，就說:好，幫你加點。我去完入數回來看，他說不夠告訴我。我看一下，

自從樂富一粥麵裝修，有一段時間都沒有光顧。有一日經過樂富廣場，發現已從新開業，恰巧想吃得清淡一點，便點了豬骨柴魚花生粥及蒸腸粉嚐嚐。以往在一粥麵等待外賣的時間頗長，至少要等１５—２０分鍾，現在改善了，等５分鐘便能取得外賣了，不用客人等太耐，真好。一如以往，豬骨柴魚花生粥用料豐富，豬骨、柴魚、花生與粥水的比例是一比一，打開蓋後散發著淡淡粥香味。一粥麵會將豉油包、花生醬包、甜醬包附上給點了蒸腸粉的客人，要在蒸腸粉上倒上混醬才好吃呢！蒸腸粉的顏色雪白，質感軟滑，份量頗多，約有１０條小條。就這樣，又吃完了一個豐富的午餐！

今天很想吃雲吞麵,想起附近有一粥麵就立即去買了始終剛開始下午茶時段,很多客人選擇堂食我還是買回家品嚐吧,家裡舒服點似乎加價了,現在細蓉+餐飲 售$25拿回家後,立即起動很欣賞湯和麵是分開的份量好像比以往少了點,是我錯覺嗎?湯底 很香麵質 爽口彈牙雲吞 咬下去啖啖肉,吃得出蝦的鮮味,但吃到蝦殼了唯獨可樂少了點....而且自動走冰了在這大熱天,外賣回家凍可樂都變熱可樂了

呢幾日真係好熱，熱到都唔想出街，咁唯有係屋企休息下啦！不過係屋企又好似冇咩野食，所以見下午茶時間就落樓買個外賣啦，所以就去咗一粥麵！其實我覺得以一間連鎖快餐店嚟講呢度嘅熱狗都算唔錯，其他就見仁見智啦！所以我嚟都一定係食熱狗餐！今次都唔例外，我叫咗熱狗拼雞翼，而平時我一向都係飲熱野，但今日真係好鬼熱，所以叫咗冰鎮奶茶。初時以為叫外賣就算叫冰鎮奶茶，佢都係會俾杯凍奶茶你就算架啦！點知返到屋企打開個袋，嘩~~~真係冰鎮奶茶嚟架！竟然用個膠碗仔裝住D冰，完全估佢唔到！而杯奶茶嘅份量都比例大杯，味道上都算得上香滑，甜咗少少咁，不過因為天氣熱又覺得幾好！至於熱狗同雞翼就分開咗2個盒。呢度嘅熱狗都幾大隻，而條腸仔仲係大個嗰飽嘅！仲有青瓜同蕃茄，而沙律醬就係酸酸甜甜咁！其實話好好食又唔係，不過以快餐店嚟講又算唔錯！雞翼方面係蜜汁燒雞翼，而且仲要係全翼，所以我都幾鐘意！

早餐想食得清淡D，所以去左食粥，幅相係食到一半先影既，所以只供參考。星期一早上七點左右去到，買野食同等拎野食用左差唔多十分鐘，呢個時間通常都幾多人下。我叫左皮蛋瘦肉粥同齋腸，首先講下個粥，粥底本身煮得好綿，沒有一粒粒米未煮開既情況，水同米既比例都幾好，唔會太稀，唔會水溜溜，但味道就比較淡，本身沒有咸味，但好在當中的瘦肉是咸瘦肉，加返少少味，可惜瘦肉既份量好少，所以整體都好淡，而皮蛋既份量都好少，咁大碗粥得兩、三塊，而且鹼水味都幾重，食落有小小"lar"口，所以我最後食左一塊就無食啦。另外齋腸方面，無乜味係正常既，之前佢地會落自家既甜豉油，但今次佢只係俾左一包便利店經常會見到既甜豉油我就算，味道偏咸，不太好吃，而且齋腸本身唔夠滑，可能係整完擺耐左既關係。整體感覺不太好。

一向都好少去食連鎖店，但日常生活真喺少不免幫襯一吓！ 但唯一一間連鎖比較欣賞喺依間中式粥麵連鎖店！今日中午就幫襯依到嘅常餐《蜜汁叉燒意粉》配《火腿炒蛋》加《鮮油餐包》，熱飲《花旗參杞子圓蜜》！叉燒意粉唔算特別好食，但勝在有口感，唔太軟淋淋，其實要煮得難食都幾難！但非常欣賞火腿炒蛋，其實我都問過我媽點整，但佢都答唔出！半生熟蛋已經夠滑，但我估加牛奶，令到依炒蛋更香更滑，有一種入口即熔嘅感覺，真喺幾好！《花旗參杞子圓蜜》就真喺差咗啲 ，冇花旗參嘅甘味之餘，更加冇杞子味，只飲到糖水同少少清香，都算潤喉，但唔算好飲！今餐 total 41 蚊，其實都算貴！

見到咁多人以為唔錯，好失望，幫襯完今次再無下次!!先唔講食物方面，我係外賣自取的，食物出曬係櫃台，等佐成十分鐘先有人幫我打包入膠袋。另外， 成碗皮蛋雞絲粥一d皮蛋都無，而且雞絲唔似雞絲，係一塊塊雞肉。食物的份量及賣相亦不討好，十分失望!!!

一朝早同阿妹辦完公事四圍揾野食,因為唔熟地頭,結果揀左呢間喺平台嘅一粥麵,店內大部份都係公公婆婆!等左陣,好快有位!餐牌幾乎同大家樂一樣,粥同即拉腸粉都有,選擇都幾多.鮮油餐包:麵包軟,不太大.太陽蛋:唔太熱火腿通粉:呢個ok!火腿絲都多,有Ｄ粟米粒,加埋通粉一齊食,幾有口感,通粉亦唔會太淋.冰镇奶茶:奶味和茶味都夠,但略甜同唔夠凍.

樂富一粥麵經常爆棚, 等又耐, 搵位又難, 但真係抵食細蓉 + 餐飲 (tea $20) 細細碗, 三粒雲吞, 蝦及豬肉比例平均, 肉不太肥, 肉質彈牙, 蝦有鮮味 麵爽滑彈牙, 無梘水味, 淥既時間掌握得宜 還有這店既醋, 同雲吞麵味道好夾

今天晏收工就收工同老婆搭左去樂富開餐,向個商場諗左好耐吃乜,間間都睇下,最後揀左呢間一試,見好多人食.見到煲仔飯,好受歡迎賣淨1款,鳳爪排骨飯,就點左呢款,老婆叫左柴魚花生豬骨粥加淨腸粉.鳳爪排骨飯+餐飲$31好大兜比廟街D煲仔大個SIZE~D鳳卮同排骨好大件,餐飲叫左熱即磨咖啡.排骨咸左D,整體都OK熟魚花生豬骨粥,+淨腸粉$26柴魚花生粥好多蔥.好多花生同大粒柴魚,豬骨都唔小,不過都係咸左D.淨腸粉好大碟,熱既,OK第1次黎食,吃飽時8點半,8點半已經有宵夜餐,仲抵食,20蚊.