一碗肉燥 (喜薈)

營業中

休息中

落單後30分鐘，也沒有吃的。副經理的回答只是叫你等，等，等，等。。😂沒時間的真的不要去吃中午時飯見他，沒什麼人諗住去食。中伏就從此開始，下單後二十分鐘，服務員送上一份午餐給我,我把筷子插進飯內,阿姐突然叫他說是後面的。服務員取回我檯中的飯,然後直接送到後面的客戶後面的客戶見現象,立即投訴重新再做😂這時候我只好在等,等了25分鐘之後,我只好找他的副經理黃智x反應問題,他說叫我等,😵😵‍💫比我還要遲進店舖下單的人,已經接近吃完~這個時候我直接,行出位置找他的副經理,了解問題。他說要我等,😂我對他說的中午飯時間已經超時了,可否給我轉為外賣~副經理又說好的等等~😵‍💫我站在櫃檯,只看見副經理,出了十多個其他的顧客午餐🥴我再次問他,發生什麼事,我的午餐去了哪裏。副經理說事樓面的阿姐問題😂😂😂完

本來想去Cafe探店，可惜關門了🥺來到長沙灣便找其他嘢食，平時喜歡台式，見到這間一碗肉燥便來試試，座位算是寬敞舒適，食物味道就一般般點了一個餐，比散叫貴一點，預期想是豐富，可惜鹽酥雞扒只有半塊，肉燥麵俾散叫細碗一點，就是多了一個小食，小食點了娃娃菜，另外叫要加$10，包一杯飲品！點餐性價比不高！另外追加鍋貼$12有兩隻鹽酥雞，肉質都幾嫩，略嫌外皮唔夠香脆同唔夠椒鹽味肉燥撈麵係唔錯，肉燥幾香面都彈牙金銀蛋娃娃菜，清清地又夠味都唔錯鍋貼裏面有啲韭菜皮略為硬，味道麻麻哋；炸花枝丸味道可口另外散嗌了一個麻辣肉燥拌麵🍜，麻辣味很微，比BB辣還小，有半隻糖心蛋和鹹菜，鹹菜很解膩追加一份金銀蛋娃娃菜喎，芋圓，點了杯熱台式奶茶，熱台式奶茶，和珍珠奶茶味有點像，味道卻一般味道怪怪哋😳

長沙灣既台式餐廳「一碗肉燥」有傳統的鹽酥雞肉燥飯,好味極了!雞皮酥脆香口,肉燥色香味都正好。白飯軟硬剛好，跟雞肉同肉燥攪在一齊,每一口都幸福到爆。間舖環境舒服,價錢公道 。想食台式野食嘅朋友唔好錯過,一碗就夠,簡單正宗,回味無窮。

營業時間標明至九時半，然九時搭正即閂冷氣，落窗簾，趕急收拾碗碟。且未飲完飲品之際，竟被催促埋單，感覺店員趕收工並不歡迎食客繼續享用食物，此等等同被趕離開。另根據《預防及控制疾病（規定及指示）（業務及處所）規例》（第599F章）向餐飲業務發出指示，訂明提供堂食的餐飲處所在換氣量或空氣淨化設備方面須遵守的規定，關閉冷氣明顯不符合規定，涉嫌違反法例。員工態度一般，工作表現欠佳。絕不再惠顧。

今次又來了這間食午餐，這次叫了兩個套餐及加了兩個小食，套餐份量OK，味道唔錯，天氣開始涼了，所以叫了兩杯熱飲(套餐包的)，味道偏淡。小食方面，炸豆腐幾好，而拍青瓜就比較鹹了一點。整體來說食物質素都可以。

午餐時份，跟朋友討論後決定嘗試一碗肉燥。份量不算少，性價比總體來說，算是蠻高的❤️餐點方面，肉燥的味道不過不失(正常發揮)～蘿蔔卻非常入味！下次再經過這邊如果回頭再吃的話，它一定榜上有名，回頭必點😆

平日晚市套餐$70因為想食台灣野，見到套餐分別有幾款食物可以選擇，然後免加一又有得比八達通，結果選擇食呢間入到去，環境燈光都好足夠，設計都幾得意幾靚，點餐係用qrcode 落單，方便嘅而且食物上枱速度都快。食物方面：1.鹽酥雞扒（細）：一細塊完整無切過嘅，如果係雞粒狀會吸引啲2.啪青瓜：少少辣可以接受，無特別，配搭肉燥飯會遮哂肉燥嘅味3.鍋貼2隻：唔知咩肉跟一個少少甜加酸嘅醬4.加$8 黑糖炸芋圓 ：除咗煙韌，無特別對於我泥講可以回頭機率10%唯有最好係環境舒服，接受八達通付款🤭

餐廳環境唔錯，座位OK，食物質素都好。份量方面，肉燥飯0K，海鮮麵比較少些，拍青瓜辣味剛好。用餐時，侍應來了2次加筷子和匙羹，覺得應該等客人用完餐才做比較好。而且當時客人唔多，亦不急需即時補充餐具。

店內裝修以黃白色為主題色，以米粒作為象徵店舖的卡通人物，行可愛工業風，也令我諗到蛋黃哥😂🍴雞翼肉燥飯+凍檸檬桂花薏米特飲大大碗肉燥飯，米粒分明，味道屬中等水平，雞翼炸的好香也好酥脆，溏心蛋好食有滷水味，唯肉碎比較鹹，而且肉碎是切成長碎形的五花腩，我自己較喜歡肉醬形式既肉燥。睇下你地係咩喜歡食到一條條碎碎地既肉碎同埋係唔係重口味人士。如果係，應該會鐘意食。另外，份量都大碗，我食剩左少少飯。凍檸檬桂花薏米特飲好飲，好消暑解渴，唔會太甜，可以食到薏米。中和返肉燥飯的飽滯感。

好味指數：😋😋😋推薦指數：⭐⭐⭐台式滷水套餐$58叫咗滷水雞翼+牛脷+豆腐+大豆芽+肉燥撈麵肉燥叫咗香辣，份量都幾多，但係呢隻辣我唔算太中意🙈不過麵質幾好，而且仲有溏心蛋😋雞翼同牛脷都好入味👍🏻但係豆腐同大豆芽無乜味☹️另外跟餐包野飲，檸檬桂花薏米特飲，味道清新，桂花同檸檬味好夾，啲薏米煮得好淋，野飲幾好飲有驚喜！😍😍😍朋友叫咗黑糖珍珠伯爵奶茶，估唔到又幾好飲，黑糖味好香😋😋呢度環境好舒服，位置寬躺，仲有好多特色裝修。

一碗肉燥 試咗❤️$67少貴，味道可以試吓都👌🏻，而朋友叫的紅燒牛肉飯份量普通加免費飲品$57都正常價。等約5分鐘食物開始嚟到，幾精美加分，我的精挑細選套餐$62+奶茶$5..肉燥飯可轉辣，味道剛剛好，飯多少少更好。鹽酥雞唔熱好彩不油身。貢丸湯正常。桂花果醋雞翼勁怪，味道感覺甜品，偏甜但咬住雞翼不好吃。台式奶茶合格，不太甜，另外仲可加糖。朋友的紅燒牛肉幾淋身，肉味都有不錯，仲有半隻流心蛋，送的薏米水幾好飲。

呢間食過幾次，入到去環境都算幾好，夠大夠光鮮。試過叫鹽酥雞排飯同乾拌麵，一上枱雞排真係好巨型，都幾脆口，但係肉質偏乾唔夠嫩滑，個人中意配麵食多啲，而且佢有提供紫菜粉、七味粉同梅子粉比你自己落。另外不得不提嘅係佢杯凍薏米水意外地好飲，不過奶茶就比較一般。

開頭覺得冇咩野 以為自己味覺問題 食埋個白肉 肯定係間野問題牛肉酸同佢講 佢唔理我白肉生佢話蒸熟左粉紅色 咬唔開 咁都熟？落單又落錯 態度又差啲肉燥又唔知似咩食緊柴咁 咁樣都開門做生意是但搵間茶記都做得好過佢

今日喺app叫咗個（$64）香酥雞扒肉燥飯配熱檸檬薏米水（+$0）再加咗個生菜（$21）。運費加$15。嚟咗一碗令人嘩然嘅生菜。雖然味道唔錯，但份量真係… 嚇親我四位同事😂😂😂另外，呢個招牌香酥雞扒肉燥飯，唔知係咪因為外賣嘅關係變到唔酥脆同出晒油，可能都係堂食比較好。

廢話不多說，馬上點評。#精巧香蔥肉燥拌麵 (原味)可轉飯，有辣可供選擇。麵條有咬口（似伊麵），肉燥啲油偏多，要自行撇油，撈勻咗之後又味道ok。#桂花果醋雞中翼雞翼我就食得多，呢款小食聽個名幾清新嘅口味，覺得冇預期咁好，汁液似酒釀小丸子嘅味。#熱檸檬桂花薏米特飲唔好飲，成杯嘢似擺咗一段時間，唔太新鮮，薏米已煲爛。#海苔蛤蜊湯分量少，不過海鮮味出，有豆腐。#三杯翠瓜豚肉呢款小菜最好食，豚肉唔係一片片，而係好似肉排咁一塊塊，翠肉瓜同肉都非常入味，有紅椒絲。#桂花仙草雙色丸子最失望係呢款，要追加足足7蚊先試到，丸子係一舊冇任何味嘅粉團，連糖都冇落，口感差。