睇過Menu款式都幾吸引，而且價錢夠大眾化由$49至$89。
份量都非常多而且好足料，和牛羅宋湯好香，好惹味！
佢哋嘅咖喱飯都好有日本風味，微微辣度加小小甜嘅咖喱送飯非常之好，不知不覺就食晒所有飯🤤而且佢都有好多牛肉同埋野菌！
食完隔幾個鐘喉嚨都無唔舒服！無味精添加健康輕食🥰
Set B 湯+一品料理+日本米飯 $79 
Set C 湯+咖哩飯 $89
🫕北海道產甜粟雞肉豆乳濃湯：雞塊嫩滑大約有2塊，有西蘭花🥦粟米湯味道唔會好甜粟米味濃郁～好有日本感覺
之前經尖沙咀同觀塘已經見過「一汁一菜」呢間外賣小店🥡，望落好似幾得意，而且係日系菜式，吸引力大增。呢日喺銅鑼灣做完運動返屋企休息之前，就順路喺度買埋嘢食。
小店門面幾靚，但裝修有著一種神秘感🙃，你就咁望入去其實未必好清楚係食乜，間接地令人想進一步了解，哈哈。眼見店內放咗幾個大湯桶，自不然令人聯想起自助餐👀。
呢度推廣一種「一汁一菜」嘅飲食哲學，即係著重提供一碗熱辣辣嘅湯♨️，再配以主食或一品料理。餐廳提供三款套餐以供選擇，價錢由$49至$89不等，食物可自由組合，彈性幾高。
法式龍蝦濃湯(原價$49)，🦞湯品唔馬虎，魚湯底混入多種蔬菜同酒以熬出濃稠的橙紅色湯頭，當中並附有小龍蝦肉，算係能夠呈現經典風味。
北海道產甜粟雞肉豆乳濃湯(原價$39)，佢唔係一般忌廉湯，而係散發住豆乳嘅味道🥛。湯品比較杰身，入面仲有雞肉同西蘭花等，飲完好飽！
蕃茄菠菜芝士雞肉卷($25)，雞卷一客有三件🐔，薄切雞髀肉之中加入咗芝士同菠菜，以提升滋味。伴旁嘅蕃茄汁亦唔失色，甜酸度適中🍅。
油揚豆腐黑豚薑汁燒($25)，油揚豆腐即係索汁一流嘅炸腐皮，再配合埋豬腩片🐷同洋蔥椰菜，整體好有住家菜嘅感覺，但薑味就唔算突出。
套餐主食會跟白飯🍚，但佢亦提供輕盈啲嘅替代方案，而石窯麵包就係其一。麵包好的骰，味道正常，最起碼質感夠軟熟🥖。
野菜沙律杯係健康之選🥗，杯中裝住青瓜、紅蘿蔔、生菜、椰菜、車厘茄同奇異果等食材。醋汁分開上，可自行調節，而佢係柚子醋，好酸啊。
總括嚟講，一汁一菜嘅出品幾有自家特色，佢以輕食作為賣點，相信係一眾OL嘅午餐之選👯♀️，食完都無咁大罪惡感嘛，加上又唔係得陣風。
影片
