一本日本料理 (已結業)

去過呢道都幾次事實上都幾平所以一分錢一分貨,一定唔可以要求同出面果D出名GE比較SUSHI細細舊,而且叫得多GE時候就會慢鐵板燒就幾正,睇住佢即整,幾有FEEL有D好平GE套餐,有粥,不過就好水囉,因為太平啦可能而且要提GE係,夏天去會好熱,唔夠冷氣,有D焗同唔多舒服

人生不需要极致就像朝代不需要鼎盛时期一样极致永远是一个点鼎盛终有一天会下落平平稳稳的走安安静静的看山是山，山不是山，山还是山……——————————————果壳苏三饕餮走四方 餐厅名称 香港一本寿司 餐厅地址 紅磡蕪湖街28-30號地舖 交通 离港铁站很远，如果在红磡附近转的话，总能找到。 餐厅电话 27646166 营业时间 12:00-00:30 就餐时间 2009 年 1 月 25 日 15 时第几次用餐 第 1 次 可否刷卡、八達通 现金 共几人用餐 3人 总花费 35元 如何知道该餐厅 高中同学来PolyU交流后，推荐过这家餐厅。 用餐目的 尝鲜 菜名 鳗鱼寿司 加州卷 鲜虾寿司 三文鱼寿司 价格 寿司单点7元一份均一价 评价 鳗鱼寿司表现正常，饭比较Q软，咸甜适中。 想吃蟹子，所以特别点了加州卷。太大，比较松，所以入口扑扑簌簌，不太能够一口享尽美味。 虾很小，挺新鲜的。 很不喜欢鱼生，特别是脂肪多的鱼，吃了有要吐的感觉，都是姐姐吃的。 环境如何 木质台面椅子，我们去的时候只有两桌客人，感觉如果人一多就没地方转身了。寿司台在餐厅中央，正在操作的师傅是个年轻人，纤弱的有点像偶像

朋友話呢間野係紅磡區好出名, 所以專程過黎試!七點幾去到門口要等位, 就係門口睇定餐牌食咩. 不過見佢d野真係好抵. 百幾蚊一個二人餐已經有好多野食. 最後我哋兩個人叫左個$165既套餐.三文魚刺身 (5件), 麵豉湯都係普通野, 無咩特別. 雜菜沙律: 佢比左少少菜但係一大匙沙律醬...-_-"鐵板大蝦皇 (2件): 隻蝦確實真係好多隻, 而且師傅煎得好香, d汁又好味, 蝦肉都幾彈tim. 不過.... 問題出係隻蝦本身... 無蝦味!九州拉麵, 牛肉薄燒飯: 正常港式日本料理, 即係食唔食都無所謂.炒雜菜: 呢個最好食, 我估落左好多牛油, 所以炒到好香.... 明知佢肥都食晒成碟咁濟, 哈哈. 另外仲叫左個鹽燒三文魚頭 ($35), 個魚鮫位好多肉好食, 不過就差少少"鹽"味囉.埋單之後仲送每人一粒雪米滋. 呢到既價錢絕對係抵食. 少有地我哋2個人食2人餐都有食淨野既情況出現. 我覺得抵食係佢呢到爆場既原因.

沙巴之旅後的第一篇食評(補寫)好0野終於教0左水啦, 好開心呀!!! 而且聽日就出發去沙巴啦, Yeah!!! - 出發前一日的心情當日(29/8)教完水, 祖安就過0左0黎搵我食晚飯, 本身我想食<上海飽餃店>, 不過祖安話近排食得太多上海0野, 咁又係0既, 哈哈!!! 祖安就話想食壽司, 但係我又冇上到網睇邊度好食, 咁我地就周圍搵, 最後見到一間都幾平0既日本料理喎, 叫做<一本>. 去到門口時, 個接待員係度不斷同人傾計, 連入面有位都唔叫我地入去, 咁就真係差d. 入面0既環境都OK!!! 1. 壽司 ($8-15) ~ 壽司就真係好抵0既, 不過真係一分錢一分貨, 我都好耐未食過咁低質素0既壽司lu, 三文魚就細細塊, 味道普通啦, 其他都差不多, 不過舊飯真係好唔掂, 真係未食過咁實0既飯, 實都不得了, 如果一不小心真係可能會哽食, 下次一定唔會再試lu!!! 1. 串燒 ($6-8) ~ 串燒都係麻麻地, 豬頸肉太薄, 燒起上0黎膿膿地, 可以不試. 至於牛肉串燒都係普通!!! P.s. 今次證明了Openrice 0既重要性!!!

去到<一本> 就食鐵板燒啦...order左一個一人set ( 麵豉湯 / 沙律 / 鐵板秋刀魚 / 燒厚牛扒/ 鐵板魷魚圈 / 炒雜菜 / 三文魚炒飯 ) 重有叫左 鐵板魷魚鬚 / 雞軟骨串 / 牛俐串 / 燒三文魚骨 ..哈哈大家有目共睹啦...叫到一台都係但得2個人食jur wor! 但真係好好味呀! 而且又坐係吧台可以睇到大廚既手藝wor...兼一d都唔食油煙架!

又係另一食lunch 好地方．．不過不失啦．．通常叫一個午市定食加三文魚腩．．其實我都幾食辣，但唔知點解都覺得佢d 咖哩好辣．．咖哩飯得好少．．食唔飽我．．所以要加三文魚腩．．海鮮炒飯都ok o既．．但都只為填飽肚．．三文魚腩就幾抵食，六蚊就有兩條．．不過有d 滯．．一般般痳痳地．．

住左紅磡咁多年.經常幾過一本,但今次都係第二次去.第一次已經冇咩印象,今次兩個人去,7點多,入去冇咩人,可以坐四人位不過侍應既服務態度應該要改善一下,客人已經少,只有兩三枱客,但佢地都可以睇你唔到,入到去自己招呼自己,我地睇左一陣menu叫左炸軟殼蟹,但食落唔知點解好似炸魚咁,唔似軟穀蟹,冇咩味道,只食左一舊曼魚飯定食:因為想食飯,而散叫飯類選擇少,所以叫左個定食,曼魚唔錯,咁多樣食物最好呢樣,曼魚好多汁,而飯係我最鍾意既珍珠米,而且每粒飯都有曼魚汁包住炒雜菜:好大碟,而且雜菜炒完好爽口,仲好多汁,亦都係最好食之一金茹肥牛卷:牛肉比較"鞋",有D乾身,但味道唔錯汁燒鯖魚:鯖魚好大件,有兩大件,不過冇咩汁,但已經夠味,魚肉比較實鐵板燒多春魚:朋友要食,我冇食,不過$10有4條好低另外叫左幾款壽司:三文魚壽司.舌拿魚壽司,蟹子沙律壽司,加州卷,外表已經好散咁,一D都唔靚,壽司飯唔得,下次可以唔食壽司食物方面都唔錯,只係侍應行過當睇你唔到咁服務態度可以有改善,埋單$250

有時也會來這些港式日本料理吃一吃，其實價錢夠便宜，也不是全沒可吃之道，只要不吃未熟的食物，應該也可以的。周日的下午來到，已沒有卡位，就坐上了吧檯位。平時在正宗日本料理店坐卡位是享受，因為可以更清楚的看到師傅在工作，與及各式料理的準備情況。不過在這裡坐吧檯就似乎不太好受，因為廚房內的凌亂及清潔情況就瞭解得更清楚：如看到師傅在一邊握壽司，又一邊幫忙遞客人吃完的碟子…看到這裡，就要了個鐵板牛肉定食及咖哩豬扒定食，另加一客炸軟殼蟹。坦白說，如果只在這裡只選一味來吃的話，必選鐵板燒，因為是即叫即燒，算是認真的。而在幾款材料之中選擇，就應該是牛肉最穩陣的了。吃起來不韌，有點點油香亦有肉味，以38蚊的定食來說，不錯的了；咖哩的味道十分之「咖哩磚」，亦頗鹹，豬扒已給揦得鬆軟，非我所好；軟殼蟹炸得乾身，卻不太脆，而蟹本身有蟹羔，也肥美。索價48蚊，在這裡是貴價的了，算物有所值的。主菜還交到功課，那周邊食物當然不寄厚望，如米飯是硬硬的，味噌湯是包裝貨，前菜的漬海帶是又綠色又太甜，三、四十蚊的定食，也不能苛求太多的了。人手短缺，兩位女侍應是走來走去也忙過不停。衛生方面，也一般。埋單一百零幾蚊，又真的是幾便宜

刺身少but勝在好新鮮,夠魚味同價錢合理.熱食 - 燒牛利, 三文魚頭, 竹筒飯, 炒什菜好好食 - 金菇牛肉卷, 大蔥牛肉卷等小食都ok但千祈千祈唔好叫壽司, 因為壽司飯完全唔掂, 唔掂到會打消你想食其他野嘅食慾, 雖然好平, 但信我, 真係要忍~~同埋要有等位嘅心理準備.

好幾年前,朋友介紹黎一本食消夜,我覺得食物幾好,又好耐無食鐵板餐,就想去,去之前當然要上來睇下食評,一睇,講到差左好多,但我都堅持要去睇睇.當晚大約9:30去到,剛剛吧檯有,唔使等,但係檯係未執既,侍應示意我地坐底先,都好快幫我執檯.打開menu價錢依然係平呀,叫左10數件壽司,龍蝦鐵板餐,燒三文魚頭,薄燒牛肉,啤酒買一送一,由於我朋友唔飲酒,所以我叫先開一支飲先,其間都有加茶,侍應雖然唔係笑面近人,但算有交流,當我針完支beer,剛好有侍應過來話上埋第2支,oh~~好醒呀~值得一讚.食物方面都幾好,壽司飯就麻麻啦.

住了紅磡區多年, 時常經過這間門口大字寫著「壽司6元兩件」,可是從來沒幫襯過。08年4月4日晚上, 終於有幸一試。發覺樣樣食物都很便宜, 我們2人不經不覺便點選了十多款食物, 睇相吧!我們坐在鐵板師傅旁邊的吧檯, 邊看著師傅整食物, 一邊進食, 別具風味。大部份壽司只是6元兩件, 真超抵食!最後埋單都不過200元, 真意想不到。過了數天, 發現門口大字已改成「壽司7元兩件」了....但仍不減我們再幫襯的意慾。

食物方面其實唔太差，始終不是高級大店價錢不貴，要求也不可太高吧。鐵板食物方面不差，但鐵板就得一個...點都要等比較長時間。師傅都好辛苦...呢點點都要體諒。壽司及魚生方面:魚生ok新鮮size都ok大舊;壽司有一次食到有怪味，之後幾次去就沒有了...個別事件...都可入口的串燒: 份量好少，但好味的服務方面: 侍應樓面很差很差，10去到10次唔show人，問完幾位之後唔睬你；轉位會黑面(明係對住你黎黑)；不會主動加水收野，有次見個小姐叫左加水多次都冇人理佢；收$係最好服務既時候。廚房部的員工好好多...起碼未見過佢地黑面。

一看標題，就知道這間壽司店食野的重點係"平"對於一分錢一分貨的食肆，我會欣然降低口味去評價壽司的質素。我的結論係: 唔錯^ ^因為今日同朋友食午飯，叫了七份壽司，另加金菇肥牛卷及燒秋刀魚，都係八十蚊埋單，每人四十左右。當然，有心去食好的壽司就唔好揀呢一間，呢一間只係適合你無錢但又想食日本野的地方而設。主要原因係:1. 待應人手十分短缺2. 壽司的飯麻麻3. 壽司的料太薄身不迥，我今日倒喜歡看到新鮮的秋刀魚，放係鐵板上燒的感覺，因為你會看到他們真的新鮮烹調食物。

今次系第二次食，因為"抵食+好食"，系襯借庫個晚黎食過。今次叫左三文魚刺身HK$18(抵得黎系新鮮既，唔會因為平而影響質素),鮑魚刺身; 鐵板方面叫左炒芽菜(唔好食)，餃子(極難食, 食左半個頂唔順, 抱住唔浪費既態度, 其他只好男友食晒)，雞翼尖，錫紙白菌，八爪魚鬚(必食)，秋刀魚(必食, 而且會起米魚內苦既地方, 值得一讚)，多春魚，壽司方面叫左5樣野，全部都系HK$9二件, 禁既價錢食既野都算唔錯，走個時仲有D免費既小食卷送。埋單HK$260 ，非常抵，平時食迴轉都唔止，雖然壽司方面唔系好出色，但多類型系佢依到既優點，好多野想食，人手方面唔系好夠，落單同加茶都要等一陣，而且有D會木口木面，不過可能太忙啦，可以理解同原諒既!

嘗試過新店「一本」，好奇之下就來到這間老舖「一本」試試有什麼不同。每次行過老舖，門口總是擠擁了一大群人，有情侶有一家大細在等，今次我都等了約一小時才有位。店內外貼滿了大大張手寫的餐牌，價錢好吸引，二話不說我就點了三文魚刺身、帶子sushi、九州拉麵、鐵板牛柳等等。無可否認，這裡的三文魚刺身確實抵食，五件$18，厚切又夠肥美。鐵板牛柳不錯，唔會燒得過火，好juicy!但拉麵真是令人失望，唔推薦嘗試。由於全店滿座，侍應的效率有些不足，沒人加水，而且店內比較迫，這兩方面有待改善。總括而言，「一本」還是紅磡區內平價抵食的日本料理，途經紅磡區值得一試。