一方燒肉

營業中

休息中

屋企附近又開左新餐廳😆，仲要係我最愛既日式燒肉！週年紀念即刻嚟試下！可能新開仲未被好多人發現，幸運地安排我地入房坐🩵！刺身沙律刺身用料新鮮，仲有竟然有我最愛既左口魚！呢到主打食燒肉，牛肉一定唔少得！我地叫左牛小排、和牛小排、牛肋骨、肉眼同和牛大判燒！呢到嘅🇺🇸美國牛係Prime Grade，而🇯🇵日本嘅和牛係嚟自鹿兒島！美國嘅牛牛味重，而日本和牛油脂分布均勻，口感好有咬口！推薦牛小排，和牛小排同和牛大判燒👍🏻，大半燒係壽喜燒，點生蛋黃食好正！冷稻庭烏冬扁烏冬口感彈牙，食完牛再食可以解一解油膩感。燒飯糰外層焦脆，入面嘅米飯又好軟糯💙牛油🧈粟米同雜菇好香😌，一定要有耐性等佢地煮到腍哂先最好食！呢到服務好好，侍應有時會幫我地燒仲會同我地傾下計😆，宜家仲有9折添！

“一方二人前”($368)好耐冇嚟大角咀搵食啦🤣今次發現利奧坊有間新開嘅燒肉店🔥餐廳提供唔少燒肉set就連和牛都有提供🐃我地就點咗一方二人前套餐當中包括美國牛小排🐂,鹽燒牛舌,黑豚豬梅肉🐷,日本雞排🐔套餐跟埋前菜,湯,沙律,白飯/冷麵,甜點白飯更可以加$10轉溫泉蛋飯😍其實都真係幾豐富☺️而且肉類嘅品質都非常唔錯🤤牛小排肉味香濃😋牛舌厚得嚟又爽口豬梅肉脂香十足,雞排就夠嫩滑😚餐廳除咗燒肉,另外都有壽司刺身提供同埋見午市套餐選擇都幾多喺附近返工嘅朋友有福了🤣

大角嘴呢一兩個月開左間新燒肉🥩 見到門口有9折就即管去試吓佢🤘🏻 一方二人前 $298（$15轉溫泉蛋飯）個Set包個4款肉，兩個飯/烏冬，沙律，味噌湯，同甜品！我地額外加咗$15升級咗溫泉蛋飯🐣 撈埋啲飯素同紫菜一齊食超正😋 冷面雖然望落細細碗，但係份量都唔少，涼涼地都幾適合配燒肉食黎解濟。但湯頭偏甜，個人口味比較鍾意比較鍾意溫泉蛋飯！🍚燒肉平盤有牛舌，美國牛小排，黑豚豬，同雞。全程有師傅幫手燒就唔驚自己手殘啦～ 雖然唔係厚切牛舌心，但驟眼睇都有3/4mm厚！最推介最普遍食法 — 點檸檬汁🍋 口感彈牙，好鍾意牛舌口感😋 美國牛小排油脂感重，個人鍾意點鹽再配埋溫泉蛋飯食🤭 豬肉同雞肉師傅都燒得十分嫩口魚生粒沙律 $38雜錦魚生包括有三文魚，帶子，八爪魚，牡丹蝦同油甘魚。沙律汁帶有柚子味，仲有啲青瓜絲，口感豐富又非常開胃。鍾意食日式沙律嘅話值得一試和牛大判燒 $80/1片呢個大判燒不得了！油脂分佈均勻，入口即溶。燒完仲會yam一yam蘭王蛋汁🐣，完美咁調和返啲油脂感🤤！大推！💯鮮鰻魚 $68/4件師傅yam咗醬汁先燒，外皮帶少少焦香同啲邊邊位脆脆地。肉質彈牙，鰻魚帶骨但唔影響味道🐟。食得

大角咀嘅一方燒肉，主打日式和牛燒肉！晚市燒肉一人前$188起，包前菜、湯、沙律、飯、甜點！肉品質素頗高，而且服務好，值得推介！和牛一人前 $360全Set採用日本A5和牛，油花真係靚到冇得彈！肉品包括幼嫩細滑肉味濃嘅和牛西冷、肉質柔軟香甜嘅和牛牛小排、厚切又夠濃香嘅和牛舌、一咬即爆汁嘅和牛角切、仲有大大塊點蛋黃食嘅和牛大判燒！店員亦會幫忙燒製，咁就唔怕自己操作失誤浪費咗啲咁靚嘅肉！美國牛小排 $248厚身同時帶適量嘅油花，肉味香郁！鮮蠔石頭湯泡飯 $118以石鍋嘅熱力煮滾上湯同埋浸熟鮮蠔，蠔嘅鮮味落晒去啲湯同埋泡飯到，啖啖都係鮮香味，正！唐揚雞爽肉 $88炸到香脆可口嘅雞頸肉，係佐酒嘅良品！

老人家本身唔中意食日本餐，本着乜都試吓嘅心態過嚟，最後佢哋係有驚喜嘅！因為我早前過嚟試過，新店開業，味道唔錯，所以帶屋企人過嚟食！牛舌簿切老人家同小朋友都中意，口感又爽又滑肩胛小排肉味濃脂肪少，小朋友非常鍾意牛小排係我既最愛😍肉味濃，脂肪分布啱啱好，食落去好Juice！個溫泉蛋飯諗住俾小朋友食，點知最後俾大人食晒，佢哋原來用蘭王無菌蛋，蛋嘅香味好濃，但佢哋加咗啲嘢入去，食落去又香又滑！炸雞爽肉師傅俾咗啲Wasabi落去，食落去大人細路都鍾意！琴日師傅哋話出咗新嘢，有個三文魚撻撻，要自己燒香啲包，然之後放啲料上去，包脆上面啲料係三文魚同八爪魚，仲有啲洋蔥，味道酸酸地好好味！最後我哋加咗個野菜海鮮鍋，食完之後再加多咗碗飯落去煲粥，所有精華喺晒度，超鮮甜好味！

經常去大角嘴搵野食，經過利奧坊見到有新餐廳開左，仲要係燒肉餐廳。今日過開黎奧運，即刻去食佢既set lunch，價錢平均百幾蚊就食到燒肉，如果唔食燒肉，$100內搞掂。每個餐包前菜，湯，蒸蛋，白飯同甜品。自選一人前，揀咗三款肉，包括牛小排、牛舌、肩胛小排，每款都有三舊，肉質望落去好靚同埋粉紅粉紅。配左個冷麵食，好適合。最值得要讚嘅係，餐廳個抽氣扇喺下邊抽走，抽得好勁，食完燒肉一啲味道都會留喺個身度，食完再去返工一啲都唔驚，有油煙味。

#燒肉#大角咀週末放假同老公撐臺腳​一方燒肉，肉質好掂吖～Lunch仲免加一添，而且職員仲會很體貼咁講解燒肉技巧同埋大概燒肉嘅時間，唔駛驚燒得唔好咖其他職員仲會定時幫我哋加茶，唔駛自己系咁叫人加茶，服務態度真系無得彈會有下次

個人應為食物質素高，性價比亦都相當高既餐廳🌟俾大家參考吓我哋今晚食咗嘅嘢刺身價錢同出面嘅差唔多但係份量會多少少👍另外天生嘅質素都唔錯，好咁好同埋非常新鮮散叫咗個蟹子沙律食🥗 推薦👍(套餐都會有沙律，湯同飯/冷麵附送)如下圖:我鍾意食呢個冷麵佢哋係冷烏冬，個人覺得好好食😋 口感好之餘個味道亦都好👍推薦輪到下面嘅主菜啦就係燒肉set🌟極力推薦：和牛一人前，呢個真係不得不介紹。3百幾蚊(未折)食到呢個set我覺得性價比非常高因為早幾日嘅時候喺尖沙咀同樣叫咗個和牛Lunch set需要五百幾蚊，質素差唔多但係份量再少啲.. 呢個完全可以encore🤣🤣之後係五品一人前，原來最大塊嗰塊係豬黎架🤣我哋一直以為係牛食落去同平時嘅豬完全唔同，所以呢個比較有驚喜既係豬😆最後嘅係一方二人前豬。牛。雞。3款食物都有齊晒佢地依家好似全日做緊八折優惠依個食物質素，依個服務，呢個環境..如果唔介意唔就腳嘅話，其實無得輸

一方燒肉店新開張，喺門口見到店內環境寬敞舒適就入去試吓，入到去見到店內唔同位置都有唔同嘅風格，等客人有唔同嘅感覺。我哋三個大人一個小朋友去食飯，叫左一個二人前同埋一人前餐，另外經佢哋介紹再叫咗一個冷盤長腳蟹，長腳蟹肉質鮮味多汁，小朋友食到舔舔脷。跟餐附有餐前沙律、麵豉湯，同埋飯團/白飯或者冷麵提供俾你選擇，等到啲肉送上黎，店員會喺側邊幫你介紹同埋教你點樣燒，係一個幾體貼既服務，之後試埋啲和牛，都冇令我失望，下次都會帶朋友再去試其新菜式😋😋

我地兩個人叫左一份「一方二人前」燒肉套餐，Dinner兩位都只係盛惠300幾蚊 套餐有美國牛小排、鹽燒牛舌、黑豚豬梅肉、日本雞排，另附送前菜、味增湯、白飯/冷麵和甜點  一般燒肉都會主攻食牛肉，但呢間嘅豬肉同雞肉比想像中好食！好想encore！😋 尤其黑豚豬梅肉，完全唔韌，聽waitress 講話隻黑豚豬係食橡果長大嘅，所以肉質好柔軟，醃製嘅醬汁都好特別微微甜，好食過屋企自己煎豬扒🤣 見到Menu午市定食好抵食，下次會再嚟試下！

路過利奧坊時發現有一間新開張的日式燒肉小店，裝修特別有和風感覺 新開張有限時8折優惠，超抵食！難得午市和晚市套餐都有8折！ 我們兩個人分別點了一份和牛set（$360）和一份自選set（$188），自選選了美國牛小排、肩胛小排和車海老。 驚喜發現美國牛肉用的是prime，吃下去牛味較濃郁。比較推介牛小排，車海老肉質都新鮮彈牙，自選set簡直是性價比之王！ 和牛set都不負所望油脂分佈很平均，和牛西冷相對厚身，但口感柔軟，完全是入口即融！和牛小排都十分推介，明顯比連鎖店要優質，燒老了少少都不會很韌，和牛油脂的香味在嘴內湧出超美味！ 和牛大判燒竟然配的是蘭王蛋！將牛肉燒完卷起後再放在已經拌好的蛋漿中配上一口白飯，蛋香味濃，正！ 值得一提的是，燒肉汁不會太鹹，反而帶出燒肉的甜味。但最愛是檸檬汁，燒肉後期解膩一流。套餐有配送沙律，白飯，味增湯，吃完大滿足！職員都好好人知道我們第一次來，就主動介紹燒肉方法，還幫我們示範燒了第一轉的肉，之後就交給我們慢慢享受燒肉的樂趣，店內都不會好大油煙味，和男朋友一致好評，會有下次。