一哥點故 (已結業)

呢間位於摩里臣山道1號嘅小店，叫一哥點故，是一間飲茶食點心嘅點舖，地方雖小但是五臟俱全，食物種類繁多，可算是飲茶食點心好地方，茶位每位4元，可算是現今飲茶地方來講算是便宜，呢間小店有很多特別嘅點心，例如有黑金流少包，紫薯流心煎堆仔、千島醬脆皮蘿蔔糕、亦有很多懷舊點心，例如有懷舊燒賣王皇、鵪鶉蛋燒賣、沙嗲金錢肚、南乳豬手等等。侍應服務態度很好，價錢不算貴，三五知己飲茶傾計算是唔錯嘅地方。餐具都很精緻。

食物種類多，質素係ok嘅可惜服務唔太好，上菜時侍應仲要唔小心將d蒸氣水整到落我隻腳度，好熱，好痛，但侍應無任何表示，直至我地問拎tissue, 其實幫助都不大。如果個侍應識做，佢應該即時拎d冰/凍水俾我。所以我對呢間餐廳嘅服務感到反感。咁嘅服務質素仲要收加一。佢地個加一仲要round up左 （e.g. $182 加一服務費（10%），果個服務費就係$19），但我地睇晒成個餐牌都無講過服務費要roundup🤷🏻‍♀️ 我地同個收銀講，佢好似仲唔知自己錯咩，宜家唔係我地俾唔起果$1嘅差額，事實係佢地無理地收多服務費。再者，收$1外賣盒係ok嘅，但唔應該要加落服務費度，因為我地拎個外賣盒無任何服務可言。咁樣外賣盒就收左我地$1.1強烈建議餐廳review 侍應上菜程序，服務態度，同埋服務費嘅計算。

之前係OpenRice見到一哥點故嘅美食相, 一直好想去試一試可惜佢嘅位置非常尷尬, 係灣仔同埋銅鑼灣交界晏晝就冇得去食啦唯有禮拜六、日特登行去食<懷舊燒賣王>燒賣同蝦餃係飲茶必點嘅一哥點故嘅燒賣同蝦餃可以揀兩粒或者四粒一份, 滿足左大食妹呢啲咩都想食但胃口有限嘅朋友因為大食妹同朋友仔都幾鍾意食燒賣, 所以就嗌咗四粒味道同口感都係一般<一哥鴛鴦蝦餃>至於蝦餃我哋就嗌咗兩隻鴛鴦蝦餃一隻係原味蝦餃, 另一隻就係黑松露蝦餃蝦餃皮都幾薄, 但係裏面只有碎濕濕嘅蝦同少量豬肉, 呢點就真係唔過關<XO醬菜苗餃>係一哥點故裏面, 大食妹最鍾意XO醬菜苗餃雖然菜苗餃嘅皮唔係特別薄, 但係餃皮裏面塞滿左好多菜苗, 配合蝦同XO醬, 出乎意料地好夾<醬皇蒸鳳爪>大食妹另一個飲茶必食就係鳳爪一哥點故嘅醬皇蒸鳳爪口味唔係好重, 而且無左醬汁鳳爪應有嘅香辣味, 層次比較單一<春風得意腸>春風得意腸係其中一個大食妹好期待嘅點心腸粉外皮做得好薄, 中間係脆卜卜嘅春卷春卷裏面塞滿蝦到素菜, 食落唔會油膩<千島醬脆皮蘿蔔糕>

食物有點特色、味道尚可！食咗4款點心，一哥鴛鴦蝦餃👍、山竹牛肉份量足、味精一般、白灼西生菜👌、人蔘灌湯餃期待中！唯廚工口罩😷戴得不好👎！等同無戴！可以做得更好！

Tried on a whim whilst shopping. Huge surprise! Incredibly fresh ingredients, good friendly service, clean pleasant environment. Great find in CWB. No need to go anywhere else for dim sum anymore, this is now our new go to. It has the traditional favorites and also their own new creations (which work!). Not a bad meal in 8 visits so far. Hugely Recommended.

竟然給我找到那麼特別的點心店！！那天我跟朋友到銅鑼灣逛街，忽然就見到這間食點心的地方，便到裡面休息一下！他們的普洱茶非常好渴👍！還有，那個腸粉令我感到非常特別！值得一讚，就是那個辣椒油！好特別！在外面還未試過，那麼特殊的味道！我跟朋友，每個人都嘗了一大碟的！那個小籠湯包，當我食下的時候，裡面的肉汁，滿滿的載滿我的口中！我覺得跟外面五星級酒樓比起，還要好啊！！走的時候，我們還點了幾個特別的帶回去！希望下一次再來的時候，還可以吃到！因為香港🇭🇰現在已經很少這種比較用心製造的小店！！價錢合理，味道又好！！

一直聽朋友介紹呢間餐廳好耐，終於可以同老公去試吓啦！！我哋叫左一個蒸飯同幾樣點心，兩個人都食唔晒，真係好抵食！首先講個排骨蒸飯，入邊啲排骨好新鮮，一d雪藏味感覺都冇！老公叫咗個春風得意卷試吓，非常特別，入邊包左好多種蔬菜，食落非常有新鮮感！！我自己就試咗個黑松露蝦餃，本身可能自己好鍾意食黑松露嘅關係，覺得好好食！！蝦餃入邊d黑松露冇搶哂啲蝦餃味，本人覺得兩者配合得真係好好丫！！而且燒賣上面有勁大隻蝦係度，d蝦食落仲好新鮮好爽！蝦餃同燒賣一籠都有四隻，好抵食！！最後仲試埋一個甜品，叫”紫薯流沙煎堆仔”當我食嗰陣，有個年輕嘅女侍應走埋嚟同我講”呢個要慢慢食，入邊係奶黃流沙餡，好熱㗎！！”我覺得佢真係好窩心囉！！值得加分！！臨走之前，更有另外一個侍應特意，幫我哋換過d熱茶，等我哋消消滯丫！我下次一定會再嚟！試埋其他特色點心！！

之前都食過幾次，品質都算OK。今次同事想飲茶，嗌咗籠飯，仲有腸粉同包等等，味道同份量都OK。但係見到呢舊蘿蔔糕，真心有啲嬲。收成$25件，好似俾人食咗半舊咁。講真，最近去新蒲崗某粥店食蘿蔔糕，$10一舊，仲要係呢舊嘅一倍份量，人哋蘿蔔絲又多好足料。佢唔係難食，但係份量好呃秤。雖然我知銅鑼灣租貴，但係都唔好咁離譜啊。隔離間點點心都執咗，希望呢間唔好執，但係如果俾啲咁嘅質量人哋，叫人哋點樣想再幫襯？！

中午係灣仔附近做野，見呢間點心店咁多好評所以去試試，點知中左伏😅五指毛桃燉豬骨 $35原盅燉湯無味精但味道無咩特別原籠鳳爪排骨飯$42排骨唔新鮮又好多肥膏，無咩肉食千島醬脆皮蘿蔔糕$34成舊都係粉又好實既蘿蔔糕，脆皮炸到好厚身，最好食係個千島醬懷舊燒賣皇$28正常既燒賣春風得意腸$38炸兩好脆但油，蝦彈牙黑金流沙包$28正常流沙奶黃包，蛋黃好香灌湯小籠包$28好小湯汁，肉唔好食，其中一粒既表面附送疑似昆蟲一隻😰

食到一肚氣，嬲到要嚟寫第一篇食評 飲茶要畀茶位同服務費好正常啊，但嗰位畫眼線阿姐喺畀九流嘅服務我哋🙄🙄🙄 間舖寫住收凌晨十二點半，結果十一點八佢已經叫我哋打包食淨嘅嘢走...... 諗住快啲食埋嗰少少嘢就唔阻佢*提早*收工，點知佢行開睥住我哋話佢就收工，你哋食喇食喇食喇咁...... 不過佢都有嘢好盡責嘅，趕客走叫人打包嘅同時，都不忘收取外賣盒嘅費用。 最後，杯茶都唔畀你飲埋嗰啖，收埋。走嘅時候佢喺同緊個拎外賣嘅客人吹水，或者我哋收工前一個鐘仲喺嗰度食緊嘢真喺唔應該喇。

位於灣仔天樂里「一哥點故」吾太就腳，不過點心確系高質，個人認為比隔離嗰間米豬連店推介水準更佳。加上先前在openrice 買了團購，好抵食。「黑松露蝦餃 」食物上添上黑松露基本上都冇得輸，香噴噴的松露已經贏在起跑線，加上爽口蝦仁，蝦皮煙靱厚薄適中，好吃。頗有趣的賣相，開口餃子「Xo 醬豆苗餃」味道比黑松露蝦餃清新，亦多了一些蔬菜元素，口感更豐富。振店之寶「春風得意腸 」每碟也是即點即造，新鮮出籠，離怪入口雙重脆卜卜，蘸上豉油令味道更提升，必食之選。「黑木耳蒸雞飯」以荷葉墊底蒸，蒸出來陣陣荷葉香，像是荷葉飯一様，蒸飯軟稔亦吸收了鷄油，令口感更油潤，雞肉有香昧點了兩款湯「牛肝菌燉瘦肉」、「蟲草花燉雞」前者味道相當濃郁、後者較為清新，個人較喜歡清甜的後者。茶錢@$4人均消費@$120 已經捧住個肚走。

went again today it was so good as always so i decided to post my first rewiew on open rice ! we be here again sooni did try hor fun with crispy prawn was good as alwayand mixed dimsum platter which all are goodfor dessert i did order milk pudding it was good but a bit too creamy

From the new territories yuen long to the city. DS heritage has branched out to CWB with a shop on the corner according to the staff gossiping with family in the UK as well.Anyway, expect this shop to be busy during peak hours as dimsum is always popular at any quality.Tried the rolls which were crispy and oily inside.The dumplings were a bit bland.The only thing I liked was the soup.

突然想食點心，一搵說搵到呢一間點心店。以前從未試過一哥點故，再加上店鋪外的設計不花巧，走過了頭也不知道，回頭看才看到它的招牌。平平無奇的外表，卻有令人讚嘆的內裡。喜歡吃點心的我不只喜歡傳統點心，也喜歡創意點心，嘗試嶄新食物。一共點了五款點心，綜合來說，點心新鮮熱騰騰送上，該脆的脆，該入味的入味，創新的蘿蔔糕的脆口感覺使我覺得不像吃蘿蔔糕，但又十分喜愛！最後點了一碗老火湯滋潤一下身心。整頓飯不設加一，如不點老火湯，二人五點心也只是一位$90。十分抵食！

夜媽媽想食一盅兩件，揾到灣仔近鵝頸街市有間手工點心店，而且d點心都幾有特色，價錢又合理。春風得意腸🦀原來唔係普通既炸兩，入面有蝦膠，包住層脆皮，而且出面係好薄身既滑滑腸粉皮，仲要有蟹籽點緻下，入口有啖啖芫茜味，蝦膠又爽口彈牙，真係又睇得又好食。荷葉糯米飯🍲一上枱就已經嗅到香噴噴既荷葉味，糯米飯煮得夠乾身，仲有好多臘腸同其他配料係入面，足夠兩個人分享！黑金流沙包🥯有一種高貴既氣質，好少見係黑包既外表。一咬入去，d流沙奶黃饀爆晒出黎，食既時候真係要小心小心，唔係會燙親咀仔。奶皇唔算太甜，外皮軟熟，加埋爆漿效果，值回票價。3.6牛乳奶凍太陽蛋🍳賣相得意，上面有類似啫喱整成既蛋黃，下面就係奶凍，濃郁既牛奶味，口感又滑滑的，岩晒做飯後既甜點。總括黎講d點心都幾有特色，價錢又大眾化，點心價位都係20-30蚊左右，同酒樓既中點差唔多價，兩個人食都係平均一百蚊左右，超值！