影片
午餐叫左豬頸肉米線🍜佢比左超多塊豬勁肉！起碼有7,8塊，每塊都半肥瘦，好爽口，吾會太硬又吾會煮得太稔，但煮得好夠味！之後啲米線份量都好足夠！吾會太碎濕濕！不過，煮耐左，有啲稔！要講下個湯底。海鮮椰汁湯，一點都吾辣！好重椰奶味，吾太閒到海鮮味，不過都算濃郁！價錢$50以內，中位價，質素都已經不錯。啲座位算坐得舒服，又冇限時。午餐都有好多選擇，有飯有麵，而且湯底，麵款都有4,5種，值得一讚！下次要叫其他餐試下
繼續閱讀
難得在繁忙的午膳時間，有座位，就嗱嗱臨入去！落左單之後，十分快速就能開餐！服務效能值得一讚！香茅雞扒麵，份量實在太大份，不過麵條十分有彈牙，爽口！而且，香茅味的麵真是十分少見，值得一試！咖哩雞扒飯，咖哩十分濃郁，雞肉十分嫩滑，薯仔綿密！不過，燒汁豬扒飯的豬扒略為乾身，但口感總算係香脆！BBQ汁雞扒飯的味道則略為鹹，如果去皮食的話，味道則恰恰好！最驚喜是呢度的野飲選擇較多，除左咖啡，茶外，還有好立克，阿華田，最重要是不用另加錢！
繼續閱讀
5點幾係奧海城想食個tea當early dinner除左連鎖快餐廳 同food court好似無乜選擇路過呢間餐廳門口見佢下午茶選擇都好多 價錢雖然略貴但勝在坐得舒服同下午茶餐至到6點總比晚市平除左湯粉麵 仲有飯 意粉 三文治等選擇多又飽肚最後叫左吉列豬蛋包飯 熱奶茶熱飲唔駛加錢 跟餐的奶茶唔太夠奶 偏濃 睇個色就知蛋包飯好靚仔薄薄一層蛋 飯粒分明仲有啲半熟蛋添至於咖哩屬唔甜唔辣 唔算太濃味既汁而吉列豬就較薄身 但鬆脆可口既不過啲生菜撈咖哩汁 有點奇怪呢個餐$51 唔駛加一 算係平晚餐但貴茶餐
繼續閱讀
呢間餐廳以焗飯出名，金牌焗飯系列會用雞蛋炒飯配特製醬料，再加上濃香芝士去焗㗎！今晚去咗試《羅馬式焗豬扒飯》豬扒一啲都唔韌，焗飯最緊要多汁多芝士，真係好正呀下次會去試埋店長推介《芥末汁焗鮮牛肉飯》😋
繼續閱讀
午飯時間經過呢度，朋友提議去快食個午餐然後趕返工，所以就但求就手吧！一向鍾意食海南雞飯嘅我見到呢度都有，所以就點左黎試吓，有去骨海南雞、有上湯、有雞油飯仲有經典醬汁，賣相似模似樣！去骨嘅雞肉相當之嫩滑，帶有少少鹹味，而醬汁方面個黑醬油味道好特別，辣醬可以再辣少少會更加完美，雞油飯好香份量好多，應該可以兩個人share食，上湯用咗冬瓜熬成，好清甜！成件事我好滿意😍朋友點咗焗豬軟骨飯，製作需時，不過出嚟嘅效果佢好滿意，因為焗過既豬軟骨表面脆卜卜好香口，軟骨位亦炆得淋，肉質鬆軟，醬汁亦都好惹味又好送飯！埋單大約$150，商場內的午市套餐來說算是不過不失吧！
繼續閱讀