一冰廳

營業中

休息中

今朝早陪老婆過去長沙灣蔬菜統營處攞水耕菜，所以，跨區過嚟荔枝角食早餐，因為佢時不時過嚟荔枝角買嘢，可以講仲熟過我，而今次試呢間「一冰廳」都喺佢主動推介我試下。晌餐廳鋪面，喺見唔到餐廳招牌，其實喺工廠區通常見到呢個現象因為好多時呢啲餐廳都喺攞食堂牌，不過，就當普通餐廳，照樣對外開放。 入到去，一室鮮橙色襯白，加埋燈光光猛，地方整潔，睇落令人幾醒神；天花更以餐廳嘅英文造成光管，左右兩邊都喺啲4人枱或卡位，而中間就喺6人枱，排得比好多茶餐廳較為鬆動。嚟嘅時候都成十點幾，所以，客人唔多，但望上去就算坐滿，起碼都唔會背貼背，有少少隙位走盞下。 講講餐牌，都有啲花臣嘢。先講講食物，呢度嘅早餐非常多元化，有簡單嘅三文治午餐，亦有扒餐、全日早餐……，甚至乎飯餐都有，而且啲選項好多彈性，定價亦唔會話好貴，絕對突出到茶記嘅精神。用水筆直接喺餐牌上的度剔，剔好就交俾店員落單，另類環保做法。 而餐具就放晒晌枱面側，仲有簡單嘅調味料同紙巾。 歐陸早餐（板燒雞扒） $47老婆話辛苦咗一輪，今早食好啲，再者，今日食得晏就諗住一餐當兩餐。份早餐內容就幾近似另一款早餐「全日早餐」，只喺少少差別，就喺多士換成牛角包，另多

位於荔枝角的一冰廳，雖然午飯時間特別多人，但試過他們的套餐後，賣相和份量十足，選擇內容也很多，跟朋友同事一齊開飯，朋友點了咖哩炸豬扒飯，賣相也不錯，份量也十足，算性價比較好。今次我自己選擇了他們比較出名的是滑蛋蔥花叉燒飯，雖然口味比較濃，但蛋跟叉燒的融合，還是產生很好的口感，但整體還是合格的，另外飲品種類也很多，我選擇了比較多人叫的凍檸茶，茶味適中，用鋼杯令到溫度保持冰凍，這方面也特別細心。整體評分：服務4分 環境3分 食物4分 價錢3分

睇到雜誌介紹呢間冰廳，粟米湯係用新鮮粟米打出嚟，並非罐頭湯，於是特登過去幫襯我哋嗌咗A餐：鮮粟米忌廉湯通粉- 粟米忌廉湯，確實係有好濃郁，同好香嘅粟米味，不過個湯其實味道偏淡- 餐肉：係切粒上，不過都夠脆，冇俾湯浸到林晒- 炒蛋：微暖，微暖嘅炒蛋已經唔合格，我哋係晏晝12:30到，唔知係咪為咗要遷就多人時段，所以啲炒蛋係整定擺喺度？- 我哋加咗$10嗌芝士火腿牛角包，成個牛角包係腍啤啤，一啲都唔脆，更加係唔熱嘅，而且唔好食- 餐飲嗌咗杯凍朱古力，居然飲落去係熱嘅，如果唔係有幾粒冰喺度，我會以為佢俾錯咗熱朱古力俾我總結，成個餐，除咗個粟米湯同餐肉係可取之外，其餘所有全部唔合格、唔好食！！

吃早餐，是我人生養成的第１個好習慣，茶餐廳早餐更是吃了Ｎ年，仍然愛！Open Rice發現荔枝角有一冰廳，坐巴士經過無數次，今次終於來吃，早上未到９點到達，生意非常好，果然人氣暢旺！是日早餐，包括以下的：#餐肉炒蛋公仔麵：雞蛋可以選(太陽蛋、熟蛋、炒蛋)；公仔麵可以揀(軟、普通、硬)，人性化茶記；午餐肉煎得剛剛好，加了芝麻，要讚１個，整碗麵唯一不足是炒蛋不夠滑，可能點煎蛋會更好！#即磨咖啡：多奶走糖，我喜歡的味道！會再來吃早餐。

星期六中午來荔枝角等朋友下班，然後一起血拼購物。開始前先醫一醫肚！據說這個粟米忌廉湯通粉是「一冰廳」其中一樣名物。原條粟米拆粒粒，然後再以機器高速打成蓉，可以說是心機製作。忌廉湯質感偏杰身，甜甜地，粟米味非常濃郁。通粉軟硬度也okay，不會因為浸在忌廉湯中而過淋。原本是配午餐肉粒，怕胖的筆者則轉了做火腿絲。常餐另外跟有西煎雙蛋和厚多士。篤穿蛋黃，蛋漿欲滴的一刻非常吸引，配上烤好的厚多士一齊吃，甚為滋味。

下午茶經過一冰廳，就決定入去坐吓消暑，順便醫肚叫咗個公司三文治（ $44 ）味道簡直有一股震撼嘅感覺，好大堆頭炒蛋好厚，配埋佢個頂級厚餐肉同埋火腿，基本上一邊已經好豐富，而另外一邊就係健康之選，就有沙律醬、蕃茄、生菜同埋芝士食落一啲都唔Hea，每樣材料除咗充足之外，味道都好好，炒蛋唔會過熟，中間仲有啲流心，非常嫩滑，餐肉亦都唔會過鹹，煎完有少少趣邊，好食，至於其他配料就係正常嘅水準啦配埋個熱檸茶，要解一解飽嘅感覺

其實我份人都幾懶，食嘢除咗睇下想唔想食之外，都要睇下佢易唔易去😂 今次呢間茶記係d2 place附近，相當易搵，仲有兩間分店就睇下方唔方便大家喇🤔 💛激烈洋蔥煎豬扒飯（豉油汁）($49)OMG‼️飯如其名，真係好激烈😱 激多洋蔥🧅 洋蔥味好烈，姐係喺辣洋蔥❗️ 如果食唔到生洋蔥嘅話就建議大家試第二樣喇👍🏻豬扒有兩件，薄薄地，冇話好柴👌🏻 味道同普遍茶餐廳嘅煎豬扒味一樣🐷 豉油汁嘅份量同味道掌握得唔錯👍🏻 唔會搞到碟飯太鹹，不過呢間嘅飯本身係較少，我食完都唔算好飽，如果大食量啲嘅人就記得要加飯❗️💛滑蛋咖哩吉列豬扒飯 ($59)吉列豬扒炸得幾脆😍 但就薄咗少少🤏🏻 蛋好滑🥚 咖哩唔辣，連🐡都食到

喺荔枝角返工會喺附近搵好嘢食，呢間一冰廳係我平日食午餐嘅推介之選！間唔中都會同同事嚟呢度食，不過午飯時間好多人，坐得好密，我哋通常都係兩點後先至嚟食嘅，闊落啲坐得舒服啲。個人推介呢度嘅蛋包飯真係必食！良心食店，可以揀兩隻汁之餘，汁嘅份量又唔會好少，一定夠撈飯！（個人好怕啲汁唔夠撈⋯⋯😵）我最想食嘅係芝士咖喱汁炸雞蛋包飯😍，佢啲炸雞都幾大件，有4大舊，每次食完都好飽，如果男士唔夠食嘅話，佢哋仲可以叫加底多飯㗎！除咗個汁撈飯好正之外，啲炸雞嘅肉都唔乾身，重點個炒蛋每一次都炒得好好！👍🏻👍🏻👍🏻 仲有得Mee儲分，你懂的！💛良心小店，希望繼續保持水準！

重要既嘢一定要講三次，等大家記住！！！今朝去咗買早餐，個收銀職員態度非常差，收銀職員態度非常差，收銀職員態度非常差！！！自己掛住係度講私人電話，又落錯單唔認，仲不停發悔氣。叫佢改又唔肯，一直不停叫人等，叫左個包，成15分鐘都未有，叫凍檸茶多甜又冇多甜，話左三次凍檸茶，又問係唔係要熱嘅，熱嘅就唔叫凍檸茶啦！！！呢次之後，以後唔會幫襯呢啲垃圾餐廳，買一個早餐仲要搞到成肚氣，食左都背脊骨落，不知所謂。仲寫住咩有問題向小店反映，最大問題咪就係你餐廳啲人囉

🤔 小編如果喺荔枝角做開嘢，晏晝諗唔到食乜，就會去一冰廳！貪店舖地方寬敞同燈光充足！［ 亂闖試飲試食 ］🍽 日式咖哩野菜飯配牛肉 😋😋😋😋牛肉好滑溜，有唔少菜類喺當中，一定可以攝取到纖維！🍛 咖哩味濃郁，係日式鹹咖哩。飯量亦都有好多，女士食一定會十分飽！☺️ ☕️ 熱奶茶 😋😋😋😋不過不失，係水平嘅奶茶，茶奶比例適中。午餐 💵💵 約港幣$60/人 💁🏻‍♀️ 依間冰室嘅嘢食係幾唔錯，提供嘅食物都唔係一般坊間冰室做開嘅，有花過下心思。不過小編建議大家落單時，同店員覆一覆單，因為繁忙時間，小編發現有兩三次佢哋落錯單…… 😅🙆🏻‍♀️ 最後，喜歡嘅話，歡迎follow @foodirectory.hk ！

一直都好鐘意食一冰廳既常餐，其中一個原因係佢哋既選擇好flexible, 可以加$10把多士換成我最愛既奶油豬，重要烘到脆卜卜有大量煉奶，食完超滿足返公司繼續做野啦！職員全部都好helpful, 試過自己太眼訓落錯單，同職員講完佢哋都好幫手換返我想食既嘢勁有禮貌🥰

平時啲茶餐廳好多都差唔多水準，呢間一冰廳食完幾impress到我去食下午茶，揀咗輕量滑蛋蔥花叉燒飯，個蛋真係炒得好滑，個生熟程度恰到好處，仲有少少蛋汁，而叉燒雖然偏瘦，未去到燒味鋪質素，但都ok唔錯食完覺得唔夠喉呀，所以下次要食lunch set大份啲果個先得🤣

第一次寫食評～就係比左呢間茶記既早餐～可以話用$35既價錢黎講，好好味😋高cp～我order左 A餐 鮮粟米忌廉湯火腿通粉，可以選擇兩款餸，即係腸蛋、腿腸、餐蛋…飲品方面都有好多選擇，例如冷門既熱杏霜最重要既係‼️‼️‼️跟餐既麵包可以揀「奶油脆豬」@@ 仲要唔駛加錢tim ～首先，個通粉湯底已經驚艷到我 🤩 湯底好creamy, 濃濃既粟米味 💯 好多火腿～大大碗 比起其他既火腿通，呢間真係十分出色❗️奶油脆豬 熱辣辣 勁多煉奶+牛油 比足料～腸仔亦炸得好香口，略彈煎蛋過熟～我叫既熱朱古力都夠甜，唔會好似滾水咁～呢間位於荔枝角地鐵站 步行5分鐘到 😊地利位置十分方便 👍🏻👍🏻 早餐仲可以食到11:30唔怕遲起身 趕唔切食～下次試下沙嗲肥牛麵先

早前係網店買左一堆零食終於拎得，門市係香工，我真係咁大個人第一次踏足荔枝角e個站😆😆😆難得由港島區搭過去，當然搵下有咩好西食啦😆係openrice睇左好多間餐廳，好多間都好想食，最後揀左一間有好吸引滑蛋吉列豬扒飯，重點係配日式咖喱醬汁，於是就去試下喇👍🏻👍🏻坐低左係餐廳，睇到餐牌有一個常餐我都想試，但因為得我一條友又食唔到咁多野，最後堅持叫咖喱滑蛋吉列豬扒飯😆😆豬扒外脆內軟，咖喱唔太辣，味道剛好，不過滑蛋就細左啲，包唔晒個飯，個人認為可以多少少滑蛋蓋住個飯就good good 喇！整體都算幾好食😋有機會會再試下啲常餐先😆👍🏻

中午2點, 有得叫下午茶, 所以即管試下門面貼住既尼個招牌菜!!輕量滑蛋蔥花叉燒飯 – 上菜速度超快, 估計只用左3分鐘就送到餐, 其實見到個下係驚喜既, 因為賣相幾好(比想像中)。D蛋睇落炒得好滑身, 而且一D都吾會乾, 仲有丁點蛋漿, 滑蛋滿分!叉燒口感同樣吾會乾身, 只不過個人認為, 如果係蜜汁叉燒既話一定會再高分好多!豉油吾會死咸, 應該係甜豉油黎整體黎講!有驚喜!掂既!飯量好足夠, 講就講輕量, 但其實D飯都勁多, 我當午餐咁食都覺得夠, 再加上奶茶(好飲, 我鍾意茶味重D既奶茶)既加持, 又抵又滿足既!👍🏻🫶🏻