一休(居食屋)日本料理 (38廣場)

營業中

休息中

以前都有幫襯開一休既，但今次係搬鋪後第一次黎地點當然係以前地鋪方便d，不過新鋪就坐得闊落d上到去，咁岩有個卡位，可以同豬仔撐枱腳同之前一樣，有個39.9優惠食10件三文魚刺身好肥美叫左呢個蕃茄海鮮鍋，好濃郁既蕃茄味食到後期就算凍左，個湯都依然好味！牛油果炸軟殼蟹卷，全晚最好味！唔係食太飽都想encore！炸雞！配以小丸子既醬汁雞肉嫩滑，而且炸得岩岩好，唔乾又juicy滑蛋豬就有點普通，下次可以試第二樣叫左咁多野，飽到上心口都係2xx又要咁好食！坐得又舒服！我地都覺得好食過以前地鋪果陣真係愈來愈出色！下次再食過

位於旺角山東街一商場二樓的日本餐廳（一休），雖然不太起眼，但食物質素､ 款式､價錢可媲美任何一間日式餐廳。我踏進此餐廳時，已經是零晨十二點幾，但是還沒打烊。這兒環境優雅舒適， 播著一點點柔和的歌曲，讓人可以放鬆心情用餐。我粗略看了一次餐牌，當中有幾款食品幾吸引我的：虎蝦沙律､珍寶蕃茄海鮮鍋､ 黑松露帶子炒飯､ 泡菜炒豚肉和地獄拉麵。但我得一個人，最後只好選了泡菜炒豚肉和黑松露帶子炒飯作作為我的宵夜再加了一罐coke zero。等了大幾五分鐘，店員首先端上泡菜炒豚肉，這碟泡菜炒豚肉份量很多，雖然賣相一般，但味度卻是不一般，泡菜和其他雜菜炒在一起， 辣味適中，加上豚肉不會炒得太老，這碟泡菜炒豚肉有水準。大概當我食到三份一的時候，炒飯也炒好了。這炒飯的賣相十分吸引，因為黑松露份量很多，炒飯也是滿滿的一碟。第一口沒有食到帶子，到了第二口才食到，帶子是珍珠帶子，比較小，食不出鮮味，卻帶少少苦味，但整體來話，這炒飯還是不錯之選。

今日行開旺角，突然好想食壽司，就上openrice search，見到呢間價錢唔貴就決定試下。我地本身食左少少野，所以只係叫左啲壽司、小食，無點到飯或拉麵。我地點左壽司拼盤（花）（$118）、蒜片牛柳粒（$68）、赤貝壽司（$9/1）、黑松露和牛壽司（$9/1）。同埋食滿$100就可以加$39叫十件三文魚刺身。刺身都非常新鮮，價錢公道！牛柳粒份量都ok，配合蒜片味道香濃，牛柳粒唔會太熟太難咀嚼，推介！第一次黎呢間餐廳，比我嘅感覺都非常好。我地兩個人都安排左張卡位比我地，坐得舒服。期間店員都不時主動添加茶，服務態度良好。行開旺角嘅朋友都不彷一試！

通常想吃壽司、日本菜，大多數的人可能第一時間會考慮日式放題，貪可以嘗試很多款不同的食物而且可以無限下單。但最近幾年旺角放題質素參差，所以我寧願用差不多的價格吃散叫的日料，至少食物質素會比較有保障。這天我和很久沒見面的中學同學聚會，就選擇了這間位於朗豪坊附近的「一休日本料理」。這間餐廳絕對是滄海遺珠，客人並不是特別多，隨時Walk-in都有位置。來張食物全相，這麼多東西也不過$575，人均算還不到$200，超級划算。我花一點點時間逐一介紹一下，皆因每樣食物都好吃，無法捨棄其一。首先是三文魚刺身，這個刺身好像是要點滿150元才可以半價（$40）下單，一共十片三文魚。黃白相間，顏色鮮豔，肥美而且鮮甜。黑松露三文魚沙律，生菜清脆爽口，三文魚切成骰子大小，用沙律醬拌過，但撈著生菜吃不會膩，很開胃，唯一缺點是黑松露味不是很重。壽司拼盤（戀火），原價$198但是在7點半前下單就可以打八五折，一共14塊壽司。這盤壽司非常霸氣，分量很足，重點推介原隻鮑魚壽司、海膽壽司和超肥美吞拿魚腩壽司。鮑魚有半個拳頭大小，比起尋常的鮑片壽司，吃起來滿足得不得了；另外海膽壽司甘甜鮮美，伴著青瓜絲一起吃非常Fresh。而

真心好抵食 三文魚39.9 有十片不過不失但拉麵可以免叫 實在太普通 價錢60左右個煙三文魚沙律好開胃🤤酸酸地而壽司就還可以啦呢個價錢唔係話特別新鮮，好味呢個蕃茄海鮮鍋值得一讚 真係好濃郁嘅蕃茄味！有d衝動想飲埋d湯58蚊 好抵食！整體離講呢個價錢真係ok！不過唔好期望太高

自從沙嗲王係咁加價之後，一d價錢抵又質素高既餐廳真係唔係咁易揾。最近終於俾我又揾到間！真係要多得朋友好介紹！呢間一休係朗豪坊斜對面KFC樓上，因為係樓上鋪，門口就真係唔多起眼架啦！但食完我真係要勁俾Good! 好有驚喜！唔只價錢抵，食物質素仲好有保證！真心覺得要推介！餐廳做緊星期一至日唔同既優惠，我地去個日咁岩係星期二，所以叫左個一休海鮮沙律。本來$38真係唔會期待太多，點知上菜個陣個沙律勁大份！係大份到我同男朋友都覺得賣$55都唔貴！個沙律仲好真材實料！唔會話用好多菜黎扮，真係有魚生同刺身，菜同海鮮既份量岩岩好，完全無話最後會食剩邊樣！d刺身都幾好味！加左甜甜酸酸既沙律醬真係好開胃！我叫左個地獄拉麵，都係好大碗既！拉麵好幼好彈，份量都多！叉燒好香，肥肉同瘦肉既配搭令口腔充滿濃郁既豬香味。因為我同男朋友都鍾意食辣，所以對辣都有d要求，個拉麵唔算好辣，但佢個辣味係有d後勁既，而且都會留係口到一陣，所以都已經幾過癮男朋友叫左個三文魚親子丼。你睇下d三文魚籽幾多！咁都係$68咋！三文魚同魚籽既質素都唔錯，好滑，魚籽個種好鮮&少少咸既味配飯真係好過癮！炸雞軟骨就食得多！雞軟骨餃子就真係未食過！

係旺角朗豪坊行街，行到夜晚食飯時間，^_^落商場見到對面有間叫一休日本料理，近近地就去食啦^_^日本和式設計裝修，大部分用卡位設計，座位舒適，私隠度還好。上菜時間快捷，食物熱騰騰，不錯。大板燒用鐵板上能保持温度，煎得香口，味道不錯。燒雞泡魚干，上枱時還暖暖的，香口惹味。真心抵食刺身，二百幾蚊有一板海膽，大大塊刺身口感一流。三文魚腩、劍魚腩、吞拿魚、牡丹蝦，四款刺身。原隻燒魷魚加上燒汁，咬落juicy 彈牙。餐牌有食品相片，的確方便選擇。仲有我最愛的波子汽水。

當晚要去旺角朗豪坊睇戲，時間未夠前，就喺附近搵食食晚飯。喺斜對面看到一間叫一休日本料理。就諗起小時看卡通片時候的人物，地方又近，所以最後決定想去食啦。餐牌有食物相片，有介紹每種食物，方便選擇。價錢亦大眾化，種類亦算多，刺身熟食一應俱全。刺身拼盤只是＄228，抵食！有一板海膽、三塊三文魚腩、三塊吞拿魚三塊劍魚腩、兩隻蝦刺身算新鮮，沒有雪味，切法用厚切令口感更豐富。鐵板大板燒，即叫即整，外層香脆內層軟熟，不錯。燒雞泡魚干事送啤酒必選，香口惹味。燒鯛魚飯，香濃醬汁配上肉質嫩滑鯛魚，相當美味。

👧🏻為食妹經常會俾街邊嘅易拉架poster吸引。睇落幾吸引。咦。原來就喺附近。一休日本料理喺 38 Plaza 嘅 1/F 丫。唔好去錯。一開lift 門就見到大大個玻璃牌。環境睇落唔錯。仲提供free wifi 添。sofa位設計比較高。私隱性都高一D。Wow。。有好多promotion 。星期一至星期日都提供。日日唔同。優惠價食🧀cake 。🧀控唔好錯過。👅胡麻豆腐沙律～豆腐冰凍滑啫啫。沙律菜新鮮。配埋芝麻粒+芝麻醬。芝味無窮。🍣拼盤～（戀火）有選擇困難症嘅我倆。揀咗🍣拼盤。有和牛。鮑魚。海膽。拖羅。帶子。牡丹🦐。三文🐟腩等等。。。味道大致上新鮮。壽司飯唔會一夾就散。紫芋甘🌰餅～為咗方便大家睇到d餡有幾足料。close up 影多張相俾大家👀。饀料足。又香又甜又香脆。不過有小小油膩。一休炸🐔球～🐔啖啖肉。份量相當驚人。有十幾件。配埋沙律醬同香蔥一齊食。囗感豐富。好滿足。必點之選埋單平均$180 一個人。絕對稱得上價廉物美。

一休是我年輕時的回憶，那時錢不多，親民價錢可以吃到質素正常的日本菜，已經足夠吸引我和朋友常常去了。早陣子在旺角覓食見到一休上了樓，決定回味一下。本來價錢也算合理，特價餐牌更吸引。火灸A5和牛壽司（右）以價錢來說，很有驚喜，有牛肉味，口感不錯。鰻魚加州卷（左）鰻魚沒什麼特別，味道也可以。厚切三文魚壽司（右）三文魚肉質肥美，入口溶化，沒有腥味。赤貝壽司（左)表現正常，入口夠爽。吉列流心蛋漢堡覺得有趣所以點，炸得不錯，沒有很油膩的感覺，蛋也真的流心呢。海膽軍艦海膽一片片的很分明，份量不算少，入口也新鮮沒腥味，淡淡海膽獨有的鮮味。天婦羅蝦壽司上桌時熱騰騰，入口脆卜卜，粉醬夠薄，內裡的蝦也夠新鮮。42cm芝士腸男人要點的，想不到頗好吃，腸是脆皮的，咬下去會有芝士流出，很重芝士味，而腸肉不會太鹹。鹽燒牛舌串燒得剛好，牛舌入口有咬感但不韌，有牛味。鹽燒鯖魚很大條，但可惜燒得有點過火，肉質略乾及粗糙。牛油果軟殼蟹卷軟殼蟹炸得恰到好處，牛油果熟的程度亦剛好，兩者份量適中，口感味道都很豐富。多年後再嚐一休，感覺更進步了，但價錢仍然很親民呢。

旺角食肆種類繁多, 不是被傳媒捧高人氣導致大排長龍, 就是來來去去都一式一樣的連鎖式餐廳, 要是想自行去發掘一家又膽心不好食往太子方向沿彌敦道轉入山東街路口有個一休居酒屋的易拉架而店址也不難找, 就近雅蘭二期對面既然對晚餐未有頭緒, 就一於食個early dinner位於一樓全層, 環境闊落, 卡位隔板高, 私隱度高清酒牛油煮蜆一上枱便聞到很香牛油味, 清酒湯底略咸, 酒精味亦已揮發, 蜆經湯底調味味道剛好, 旁邊有檸檬片提鮮而每粒蜆都飽滿無沙和牛粒串燒比想像中大串, 份量十足和牛粒黑椒味濃帶甜, 肉質鬆軟很腍, 完全不乾身牛與牛之間夾雜著爽甜洋蔥及青椒, 減輕肉類的油膩感之餘, 賣相吸引厚燒玉子外相吸引, 很厚身. 這個一定一定要襯熱食, 絕不能_慢上枱時熱度夠, 外皮略脆而內裹非常軟熟, 蛋香味濃, 甜度剛好沾上少少醬油令味道不單調柚子冰鎮海鮮冷麵微酸的柚子湯浸著的麵挺身彈牙內有幾款海鮮刺身連同凍冰冰湯底共嚐食,很醒胃三文魚要襯早食, 免得浸得過腍凡立貝既爽甜又無雪味腥味魷魚大片又爽口這個冷麵第一次食, 有意想不到的驚喜壓軸出場是三文魚海膽飯海膽味道先甜後甘, 三文魚則爽甜又大片,

有人時候諗左諗右，都係想慳返啲錢去買啲靚嘅嘢又或者去食返餐好嘅。其實慳埋慳埋都幾多架。提供一個秘訣比大家，就係好似呢間餐廳咁七點半前食，主餐牌嘅壽司有八五折優惠。其實有時候食飯早少少都唔係話好過分嘅啫，唔一定要睇完戲先至食飯，可以食完飯先至去睇戲架！咁就可以幫你係咪戲飛錢呢。呢間日本餐廳除咗有壽司刺身之外，仲會有日式嘅湯鍋，炸物，串燒，沙律，應有盡有。壽司除咗最普通嘅三文魚壽司又或者某啲魚嘅壽司之外，仲有啲特色嘅例如黑松露帶子壽司，黑松露和牛壽司，特大嘅珍寶帶子壽司或者火焰皇帝蟹棒壽司，都係比較特別嘅。我特別鍾意食嘅就係佢嘅黑松露帶子壽司，估唔到黑松露配埋帶子嘅配搭都幾好。雖然黑松露嘅味好重，但係佢只有少少係上面，所以唔會搶咗帶子本身嘅鮮味，反而令到普通嘅帶子壽司仲增加左一啲特色嘅感覺。另外就好鍾意食佢嘅特大帶子壽司，我個人比較鍾意食帶子壽司，特別係啲大大粒嘅。因為咬落去要大大粒先至有箇中口感，先至會有一種好滿足，好豐盛嘅感覺。出面嘅壽司就只會有一半嘅帶子份量，而且仲要再將一半再切一半，完全冇口感。呢到就完全唔同啦。海膽壽司嘅海膽份量好足，起碼有一板海膽嘅三排咁多。呢種海膽嘅口味雖然唔

星期日難得的假期，去了油麻地果欄，人很多，非常熱鬧。黃昏時的果欄，懷舊的建築，窄窄的街道，別有一番滋味。而今期當造生果非士多啤梨莫屬，每檔也是擺放著一盒一盒的，也不用一百元一盒。由果欄行到旺角，走到了山東街吃晚飯。今晚吃日本菜，選了一休日本料理。被安排在卡位，晚上七時的餐廳人不多，在繁囂的旺角裡找到了一點寧靜。飲品是人性價，一點也不貴。雖然有茶奉上，但也很想喝些冰冰的飲料，點了蜜桃梳打$18，淡淡的味道，解渴，很快就喝光了。天婦羅拉麵 $68，賣相普普通通，主調偏白。天婦羅炸得不錯，有南瓜、茄子、青椒和大蝦，蔬菜特別好吃，最愛青椒。拉麵相反很一般，雖然遞上的時候有煙出，但吃時湯還是暖暖的不夠熱，而且拉麵有點淋。重點是配上拉麵的流心蛋，味道很夠，香香的。大阪燒 (日本風) $42，大阪燒鐵板上，熱辣辣，正合我心意，令食物更出色。味道很不錯，燒餅內有少薑味，配以沙律醬、木魚，好吃。 三文魚頭鹽燒 $38，是我吃日本餐廳必點菜式之一，份量很多。肉質嫰滑，可惜燒得不夠香。牛舌串鹽燒 $38，香噴噴，有肉汁，有口感，價錢吸引，推介。 帶子壽司 $30，帶子鮮甜，配以芥末一流。醬皇燒皇帝蟹棒壽司

在旺角食日本菜的選擇十分之多又有放題又有迴轉又有單點的貴有貴吃平有平吃這次我要吃的算是屬於中價但想不到食物質素卻不錯!!我們一行二人點了幾樣野食壽司：辣汁三文魚，油甘魚腩，火炙黑松露油甘魚壽司刺身：三文魚小吃：雞軟骨，煎三文魚主食：鰻魚炒飯壽司食評：最好味的當然是辣汁三文魚和火炙黑松露油甘魚壽司，前者辣汁多到咇哂出黎，而且三文魚口感極佳，完全沒有打咋的情況出現，而後者則好香黑松露味加哂分！！同油甘魚好MATCH！刺身食評：原本價錢算是正常價，有10塊三文魚塊，份量都算大，但埋單個下先知原來今天三文魚刺身做緊優惠，有半價即使覺得超抵食，半價後和廉價的壽司店價錢相約，但味道就好味得多小吃食評：先說雞軟骨，炸得很香脆！而且份量想不到有那麼大，應該有二十至三十粒吧！！而且是鮮炸的，熱到有點辣口！點埋D他他醬同個雞軟骨很MATCH！煎三文魚的魚件是尾部，細骨比較少，而且近尾的肉質會更嫩滑，正！！主食食評：這個份量兩至三人SHARE也夠吃，很香濃的鰻魚味，而且鰻魚的份量絕對不少！！炒得亦很平均，而且鰻魚骨應該已被拔走，食的時候可以完全放心吃吃了那麼多東西埋單都只是3百幾，而且份量都不少，最欣賞是所

週末要諗去邊度食飯最頭痛，如果冇特別安排的話，我同男朋友通常都係求其食。禮拜日買左戲飛睇戲，仲有一個鐘左右開場，都諗住喺附近頹頹地食晚飯。一休就喺戲院冇幾遠，門外仲放住7:30pm前落單刺身、壽司有85折。由於時間尚早，入座只有幾枱客人，餐廳幾大，位置頗多，空間感足，枱與枱之間都唔會好逼。店員好快安排左卡位俾我地。除左刺身、壽司有優惠，仲有幾款特價壽司，以及星期一至日都唔同特價野。餐牌選擇好多，媲美連鎖店，刺身、壽司、沙律、小食、燒物、一品料理、炸物、鍋類、飯、拉麵、烏冬、由於時間無多，所以都冇諗太多，點左刺身、壽司、小食就算。三文魚肥腩刺身 $98/8片果然腩如其名，夠肥啊！一共有8片，片片都厚切，非常肥美不過由於冇冰底，我地都急急食哂！壽司拼盤 $118/花拼盤有三款，比較啱我地食，係呢款價錢最平嘅「花」。有三文魚腩、吞拿魚、魷魚、熟蝦、鰻魚、蟹籽、醋鯖魚、北寄貝、劍魚腩，加兩件是日精選。睇落都靚靚仔仔，壽司飯唔係好大舊，唔怕食到好飽滯，刺身都算新鮮。見個壽司拼盤冇火炙嘅壽司，我又突然想食，所以單點左兩件。醬皇燒皇帝蟹棒壽司 $15/件火炙芝士帶子壽司 $16/件火炙嘅系列全部單件