一休(居食屋)日本料理 (38廣場)

營業中

休息中

聽朋友講，喺朗豪坊附近有一間食日本菜非常之唔錯。所以，今日行完街就book咗去一休食晚飯。雖然時間好早，但已經坐滿人，等左半個鐘，終於有位坐！呢度淨係壽司嘅選擇已經好多，當中，最好食嘅應該就係炙燒左口魚裙邊壽司同埋帶子壽司！最怕食到韌嘅左口魚，但係呢度嘅左口魚油脂分布好好，入口即溶，燒過之後更加甘香，香味四溢！帶子好鮮甜，值得一試！另外，要咗個燒魷魚，原隻魷魚上，食落好有鮮味，好脆口，燒得啱啱好！朋友係雞翼控，去到邊都鐘意食雞翼，於是就叫咗個燒雞翼滿足佢。啱啱好三隻，我哋一人一隻，食完都覺得你夠！一上到黎見到佢燒到金黃色，就已經好想試，食落果然冇令我失望！真係色香味俱全！當然唔少得主食啦，要咗個黑松露帶子炒飯！黑松露香味好濃郁，配上帶子呢啲淡食物，令成個飯提升咗一個層次！

次次想坐得舒適吹到水又可以食到平價日本菜嘅揀一休就無得輸佢啲卡位多到打平瞓係到都得兩丁友，安排到近窗口位望景嘅四人卡位對於香港黎講食餐安樂飯真係好難得刺身拼盤(松)有板海膽，三文魚腩，吞拿魚，甜蝦如圖所見，所有野都大大份除咗吞拿魚之外，其餘都超鮮甜，尤其腩位，魚油脂香真係好好食點解調極都調唔轉到張圖呢個係牛油果軟殼蟹卷發覺同上次係青衣一休食嘅野品質差唔多好軟殼蟹熱辣辣配合恆溫壽司飯，唔會過硬過散牛油果亦熟透，成件野好好食梅酒一定要配雞軟骨餐廳好貼心配有檸檬同沙律醬最後搞到要encore咗杯梅酒

平日放工六點幾黎到未係好多人有好多種類既食物海鮮盛盒拼盤＄１８８三文魚魚生飯＄５８三文魚味濃，份量都唔少，食到最後唔會得白飯唔夠三文魚58蚊黎講算係幾抵食火焰三色卷＄５８好有味，好多料鹽燒三文魚腩  ＄７８三文魚腩十分肥美燒得皮脆，油香味出唒黎多春魚鹽燒＄２８肚仔飽滿，非常多春岩石燒牛舌薄切＄６８牛舌切得夠薄，一啲都唔ｕｎ好多蒜片，夾埋牛舌食非常香口蒜片牛柳＄７８蒜片煎得好香，夠唒熟食左唔會口臭牛柳好入味，肉質好嫩，完全唔ｕｎ

呢幾日時晴時雨好麻煩見到差不多時間就拿拿林搵野食醫肚雅蘭中心對面原來有棟大廈有幾間餐廳因為見到個招牌都顯眼 我地就去左打開餐牌都幾多野食 刺身壽司卷物串燒鍋物都有仲有幾款特別推介我個人推薦呢款岩石燒薄切牛舌牛舌爽嫰 蒜片同黑椒加埋味道超香仲有另一款蒜片牛柳肉質軟腍 調味偏甜 似黑椒黑仔骨個種火焰三色卷有帶子、吞拿魚同三文魚 一次可以滿足幾個願望海鮮盛合拼盤有磯煮鮑魚同生蠔 好特別 而且蠔都好新鮮三文魚生飯魚生飯既三文魚較瘦一啲 無咁漏燒多春魚好耐無食啦 都好少見到有好考心機既一個串燒 燒得好脆好味鹽燒三文魚腩好肥美 超滑 怕肥既朋友可以避開吉列廣島炸蠔吉列炸粉做得好好 夠哂酥脆 食完同朋友都傾左陣餐廳都無趕住要客人交店台 都幾好

我地六點幾尼到旺角尼間一休，唔算好多人，到七點開始，陸續有人尼，啲侍應反應都算快，而且啲野食都上得好快呀，唔使五分鐘，啲野食已經上齊哂我地叫左生蠔，佢有啲茄汁+少少酸辣，一啲都無鯹味，而且都食都好甜，同埋都係大隻架啲蠔超級鍾意尼個黑松露三文魚！一塊菜包住一兩舊生文魚食，非常fresh, 黑松露比例亦都好高，唔係象徵式一兩舊有就算我都叫左一杯荔枝梳打，唔會太甜！叫左一個最貴嘅壽司拼盤！（$218 14件壽司）但係真係物超所值！我覺得佢嘅壽司飯質感好好，有少少醋嘅香味，比例上唔會太大舊，個咀細啲都可以食得哂，而且上面嘅魚都係非常新鮮，每種嘅味都係好突出！好鮮甜，每件食落去都有叮一聲嘅感覺！最後，兩個人真係食到超級飽，雖然同放題差唔多價錢，但質素上真係非常高！

琴日食左屋企樓下嘅日本菜，雖然係平，但質素真係好麻麻，真係寧願俾貴啲，又可以坐得舒服啲，真係一分錢一分貨一休係雅蘭中心附近，位置方便，好易就可以搵到我地叫左一個黑松露三文魚沙津，估唔到個醬咁香，而且個份量好夠，唔會係啲沙津菜仲多過三文魚，食完都真係開哂胃佢尼張晚市推介都好吸引，價錢都算好合理帶子非常大隻！牛油好香，再加埋有啲菇係中間，平時見過牛油焗帶子會係細細粒，或者痴哂底咁，但佢唔會，食落有啲啲邪惡🤣🤣當然要食下刺身，今次就揀三文魚腩同蠔唔少得我嘅最愛—鰻魚喇尼盤壽司全部都非常高質，好鮮，完全唔使點豉油已經好夠味喇！特別係尼個海膽，夠料，亦都放得好靚，壽司飯亦都痴得好好，唔會一夾就散哂！值得推介！

依間餐廳真係性價比極高，一定會推介比身邊啲朋友食，下次順路都會再黎食！我同朋友兩個人都好肚餓，叫咗好多野食。首先有火焰三色卷 $58，有三文魚、吞拿魚、帶子，每樣2件。我一睇到依個壽司有三隻唔同味就好覺得好吸引，仲要剛剛好有6件，同朋友每人可以試曬三隻味，唔會怕同一隻既壽司要食幾舊。我最中意係帶子壽司，因為好大粒同埋夠新鮮！加埋少少日本醬汁+好似蛋黃醬咁on top，再沾豉油同wasabi，好多重既口味，好正😭然後有煎餃子，6隻就$48，日本料理黎講都抵食！最好要趁熱食，溫度都好夠，入面有豬肉同埋菜絲，幾好唔錯！鮮茄濃湯海鮮鍋 $65依個價錢就食到海鮮鍋真係抵到爆，而且佢個鍋仲好足料，有蝦，帶子、蛋、豆腐、蕃茄、娃娃菜、冬菇、三文魚、紅蘿蔔、青口。除咗好多三文魚之外，而啲菜都唔少架，好適合我依啲多菜少肉既人食，同埋個湯底都好正，係新鮮蕃茄湯！好健康無咩味精。天婦羅蕎麥冷麵 $72打邊爐緊係要叫返個麵食下，本身想叫烏冬，不過朋友來食蕎麥冷麵，佢話佢竟然無食過！啲蕎麥汁麵好正宗、冷麵麵夠凍，過咗冷河，仲加咗啲紫菜係上面。好好食！芝士蛋糕 $18最後叫咗個甜品，芝士蛋糕，好食！好濃既芝士味😋

唔知食咩好，好耐無食日本野，就來到旺角一休日本料理。點左幾個款，有四點刺身，三文魚刺身，鰻魚卷，三文魚頭煲。首先，刺身同鰻魚卷都無特別，但唔係特別好味的魚生，普普通通，但食得出唔係超靚果d貨式，但呢個價格唔算貴，唔會比超貴果d料都正常，都算入得口既。但重點想講下個三文魚頭煲，講真，料不是太足，唔緊要，但實在太鹹了，唸住飲下湯都唔得，所以我個人不喜歡。總括而言，呢間麻麻，食前三思。

今日同屋企人出街食飯，上左黎呢間日本野，原來都幾多人食架喎，餐廳幾大下，我地坐卡位都幾舒服，　不過有Ｄ熱～ＭＥＮＵ好多野揀，刺身／壽司／沙律／小食／飯／拉麵都有，我地叫左刺身沙律，海鮮鍋，同埋燒三文魚腩。刺身沙律比相像中靚，好似６０幾蚊，有三文魚吞拿魚等等，感覺幾新鮮，而且個醬分開上，刺身可以配埋豉油ＸＤ海鮮鍋未到就黎到烏冬，蕃茄湯好濃郁好好飲，海鮮都幾多，隻青口超大隻！燒三文魚腩真係必叫，４０幾蚊有４大件，魚肉肥美，燒得脆卜卜，不過一人一件就夠，有Ｄ膩

聽人講旺角有間平民日本菜質素好好，但價錢親民，所以要去試一試！去日本餐廳，最鐘意就係食新鮮嘅三文魚刺身，見到圖上面嘅三文魚腩咁正，就嗌咗試試！一上到嚟，就見到同圖一樣，油脂分布好平均，好肥美！一入口更加不得了！！入口後三文魚嘅香味刺激味蕾，又唔會韌，好正，鐘意三文魚嘅一定要試！然後，要咗個呢度嘅招牌小食，一休炸雞！炸雞熱辣辣，炸粉又唔厚，一咬落去好juicy,配埋個沙律醬，為個炸雞提升咗一個層次！分量亦都幾多下，四個人食都夠，價錢又唔貴，真係cp值好高！仲要咗個牛油帶子，有五粒大大粒帶子！雖然睇落唔覺得特別吸引，但落起上黎真係好好味！個汁用咗酒去煮，食得出陣陣酒香味，配哂啲菇，啲菇索哂啲汁好好味，成道菜好清新！

今日湊個姨甥出去行街，夜晚肚餓搵地方食飯，記得之前都食過呢一間，因為好近朗豪坊，又唔洗同人迫🤣我哋今次主要食小食，因為小朋友都唔係食好多飯，我哋嗌咗份一休炸雞，魷魚酥，芝士蛋糕，燒三文魚腩，等等。特別推介係燒三文魚腩，只係40幾蚊， 就有四大件燒三文魚腩，個皮皮燒得好香脆，入邊都有好多魚肉，因為好肥美所以覺得好甘香，好好食，不過每人食一件就夠真係太漏🤣另外炸雞都好推介，佢個醬汁比較甜，好似大阪燒嘅味道，不過炸得好juicy ，正！

今晚去旺角拎返寬頻公司送嘅贈品自從喺大西北搬屋之後我就冇再去過青衣嘅一休咁今晚就食吓旺角嘅一休啦同青衣一樣餐牌選擇好齊刺身壽司料理燒物都有價格相宜自己一個就少少地嗌吓拖羅池魚同劍魚腩肥美嘅拖羅油脂融落去壽司飯度之後就到我嘅重中之重室津蠔每次食都嗌 因為$158已經有半打鍾意呢隻蠔唔大唔細有鮮味 又有少少奶味 又不失海水嘅咸甜味 爽之餘夠滑 唔大隻但味道好夠濃 又白又飽滿質感同味道都好啱我最緊要係平一個人獨食哂半打當晚飯都唔肉赤

一個人的晚餐總係捨得食好d，當比個獎勵自己付出既努力。今晚走進一間旺角樓上日居酒屋簡單點左幾款食品滿足是日辛勞既付出。明太子手羽望落脹卜卜又好有光澤，咬一啖內裏雞翼既油份同明太子流出,明太子帶少少香辣好惹味。大蝦天婦羅內裏既蝦肉都幾爽彈，外層炸漿唔會太厚外而且乾身，一份淨大蝦天婦羅份量十分滿足。獨食每5款2客壽司做一餐終結已經好滿足。火炙壽司分別試左幾款，和牛壽司、黑松露帶子、芝士珍寶蝦。和牛外層輕輕燒過見到內裏仲帶粉紅食落唔會過乾。帶子同珍寶蝦夠份量味道新鮮，而壽司飯細細舊一啖啱啱好。醬皇燒皇帝蟹棒上層加上沙律醬再微燒帶少少甜味幾香。醬油七味燒左口魚邊加上七味粉令炙燒左口魚更香又唔會太辣。

雖然今日係星期三, 一個打工仔最難捱既一日, 為左令一個星期過得快一點 XD今日約左班同事放工, 鬆一鬆, 黎到旺角呢個鬧市, 係一個非常就腳既商業大廈, 就係朗豪坊附近, 呢間裝修帶點懷舊既日本料理 >>一休。睇一睇menu, 平民價, 叫左鐵板牛舌, 三文魚飯, 鰻魚炒飯, 鰻魚卷, 炸蠔, 炸雞軟骨, 三文魚刺身, 牛肉鍋, 炸蝦天婦羅, 上菜, 上得好快, 全部上碟都好有心思!!!!首先上左魚生同魚生飯，魚生都幾新鮮，呢個份量泥講呢個價錢都幾抵食，但吾知點解我同個fd叫左同款魚生 炸野炸得乾身唔會覺得好油, 炸蠔, 炸蝦天婦羅同炸雞軟骨都好好食, 炸蠔仲有半分沙律伴碟。 鰻魚炒飯同滿魚卷都好好食, 最驚炒飯用爛飯但佢炒飯一粒粒又唔會太油, 鰻魚唔腥無碎骨, 所以好好食, 唯一唔好係有青椒, 我唔食青椒. 牛肉鍋牛肉多, 牛肉唔會煮得太耐而太老, 配菜都好多. 我最鐘意就係個鐵板牛舌, 爽口但唔會un又唔會太先, 好好食. 呢間餐廳絕對抵食。

聽朋友推介朗豪坊附近有間其貌不揚既日式居酒屋幾抵食,趁住星期五就去放肆一下.樓上的確設計得比較簡單以卡位形式純色設計.看似簡單既居酒屋餐牌選擇就唔簡單好多選擇,星期五當然要食盡佢而且價錢十分合理抵食.活赤貝刺身上枱見到色澤好光鮮唔會好暗,入口爽脆無腥味又無雪粒係赤貝面上.牛沖果軟殼蟹卷正正方方唔會一夾就散,入口有3重口感,道先入口係脆卜卜既蟹籽,然後係半熟既🥑最後係炸好既脆軟殼蟹.壽司飯更軟熟會更好.岩石燒牛舌薄切用整板鐵板上保持熱辣辣,薄切牛舌食落香牛脂味薄切得黎又唔會失去牛舌既爽彈感,加上蒜片一齊食味道更香.厚燒玉子係甜系玉子燒但味道唔會過甜,質感實在但仍有少少鬆彈感,不過不失.