影片
營業時間
今日營業
13:00 - 18:00
星期一至五
13:00 - 19:00
星期六至日
13:00 - 18:00
以上資料只供參考, 請與餐廳確認詳情
喺朋友介紹下，買咗一盒拿破崙返去同屋企人試吓，竟然有驚喜，冇諗過全家人由老人家到小朋友都啱食，呢個蛋糕真係出邊好少見，可能係脆口有果仁關係，連平時好少食甜嘢嘅爸爸，都成嚿食晒，今次我買咗盒3隻味，原味，開心果味，焦糖味，諗住一次過試多幾隻，最鍾意係開心果味，每一啖都充滿開心果，比起出邊的開心果產品更有開心果味，可能我比較鍾意食甜，所以焦糖對我嚟講都好好食，買嘅時候覺得有啲貴，食過之後覺得值回票價，仲有一把金色嘅刀送，可以再回購
繼續閱讀
最近見Mille係IFC 開左popup store,之前喺九龍灣嘅時候都預訂過去拎。而家開起IFC喺正公司樓下lunch落去買，太方便IFC員工好nice, 仲同我講點樣儲存方式最好食🥰Lunch買完，放工返到屋企食都仲係好脆，今次買咗原味拼開心果麻糬味，老公就鍾意原味少甜，我鍾意開心果麻糬，開心果味好香濃，食落口仲咬到粒粒開心果，麻糬煙煙韌韌加埋一齊超級好食。而家喺我公司樓下可以成日買🤭🤭🤭
繼續閱讀
新品朱古力麻糬千層餅是一道令人驚喜的甜品，層層分明的千層皮搭配濃郁的朱古力餡，口感滑順，香甜可口。麻糬做得好好，彈性與千層的酥脆形成絕妙的對比，每一口都令人陶醉。外層的脆皮更增添了層次感，讓人忍不住一口接一口，實在是甜品愛好者的夢幻之選！
繼續閱讀
已經幫襯咗好多年，平時屋企人食開原味，個個都已經大讚，又唔係好甜又好香牛油味又脆。👍🏻👍🏻👍🏻今次第一次同朋友仔試吓開心果麻糬味，個蛋糕同麻糬真係勁夾❤️ ❤️❤️又成位我頭三甲之一。佢同原味口感又唔同左。多左個層次。每一次訂呢間蛋糕店，屋企人同朋友都讚不絕口。真係好有成功感😂 Btw, 佢個一粒粒曲奇都好好食，又係脆口同好多果仁，鹹鹹地。不過未影到相已經俾人食晒。我今次係食左原味。下次試埋個朱古力味。😋
繼續閱讀
曾經自己生日朋友買過呢度嘅蛋糕俾我食，覺得好好食，所以今次有其他朋友生日，我就喺whatsapp訂購一個7x25cm原味拼開心果味千層餅，店舖聲稱叫客人至少兩日前下單，又一大串好長嘅訂貨需知同守則，唔緊要呀自問都跟足佢地指示落單及付款，整個過程都順利。點知俾晒錢先至同我講唔好意思，話同事睇漏咗日期，原來我要取餅嗰日已滿，加唔到單，問我可唔可以改期取餅！吓，我已經講明當日係朋友生日要慶祝，而且個蛋糕都加錢另購朱古力生日牌。我心諗係咪侮辱我智商，究竟係叫我個朋友投胎改第二日生日，定係叫我改期擇日再約朋友慶祝呢？係好有禮貌呀，不停唔好意思又話sorry咁，而且回覆得好快呀，但個整體體驗真係失望囉，「我哋建議即日食，即日係最好食」，咁又叫我改早一日取餅係咩意思？即刻放雪櫃聽日先食都ok？咁又係你地話「如密封好不漏氣放4度雪櫃，可三天內食用」嘅，咁我唔接受，係我問題啦，唔好意思！可能有啲人睇完覺得我係西客啦，anyway呢間係唔會幫襯，亦都會提點朋友唔好貼錢買難受。
繼續閱讀