影片
營業時間
今日營業
11:30 - 22:00
星期一至日
11:30 - 22:00
*最後落單時間: 21:30
以上資料只供參考, 請與餐廳確認詳情
相關文章
呢間餐廳由covid 開業到而家成日都好想試下，前幾日機緣巧合下去左同朋友食。叫左$128 炸豬扒炸蝦蛋包飯，可惜唔記得影相但得3粒尾指咁大既豬扒同2條又係尾指大既蝦。成碟野既味道只可以講唔難食，只要你對食物冇期望冇要求。不過如果有小朋友比佢地去玩應該係開心既，負責遊樂設施個姐姐都對小朋友好friendly 好好人，又有送小玩具比佢地。反而reception 負責叫飛安排座位個阿姐就西口西面，唔想你幫襯咁。結論：唔會有下次。唔知點解可以咁耐都仲喺度，可能又係信和旗下🤷♀️大角嘴咁多好食既小店真係唔需要喺度食。
繼續閱讀
牛油果三文魚子親子白雲一般嘅泡泡蛋，打卡好靚，但係食落去，就係未熟嘅蛋白泡泡果種密密綿綿嘅口感。食一兩啖未至於反感，但肯定稱不上係好味。除非好鍾意食呢種生蛋白，冇味但又泡泡綿綿嘅口感，否則會覺得食極都未完，又唔好食，唔啱我嘅口味。至於三文魚同牛油果嘅份量都唔算多。整體味道麻麻，唔會再食。唯一賣點就係影出來幾靚。另外午餐仲有蘑菇湯同埋一碟細細嘅沙律，味道正常。
繼續閱讀
用咗咁多年openrice都未試過寫食評，主要係大家如果開生日會可以參考，建議唔好再揀呢間餐廳。兩位小朋友同爸爸都係5月生日，然後openrice呢度見到呢一間幾啱小朋友，同埋有一個小小嘅遊戲空間可以畀小朋友慶祝完玩一陣，一開始覺得係唔錯嘅選擇。當日係母親節，一星期前專登搭車book位同落訂 **餐廳電話冇人聽。黑色衫男人侍應告知平時都冇得book枱，亦冇訂金留位。原本諗住揾過第二間，但係又覺得幾啱小朋友慶祝。當日下午四點左右就已經專登早啲去餐廳睇下點樣安排，約咗親友15人喺五點半開始。餐廳職員話因為太早，所以叫我哋五點過去拎位，直接喺五點半我哋真係成功可以15人坐到一齊慶祝。食物方面：- 蛋同飯嘅食物還可以- 鐵板牛扒原本話限量，女職員好好幫我哋安排廚房可以再整咗幾份，但牛扒太熟好韌唔好食- 兒童餐等咗45分鐘先上到枱，但因為餐廳限時90分鐘，小朋友有30分鐘要去玩遊戲，所以得返15分鐘食嘢好趕- 其他食物不過不失，好基本，親友就話都唔好食- 可樂一罐要$28，加埋服務費，需要$31開生日會要留意：- 三個蛋糕，切蛋糕時候發現蛋糕上嘅cream都已經差唔多溶。一係餐廳冇放入雪櫃，二係餐廳雪櫃唔夠凍。- 蛋糕盒內已經有乾冰，但都接近cream已經溶，所以攜帶蛋糕去餐廳要小心。- 黑色衫男士態度好唔禮貌，同埋周不時叫其他職員鬧客人，但自己又唔出聲。- 兩位女職員安排比較好，亦有因為小朋友因為切蛋糕未能喺遊戲時段玩，都安排咗在另一個時段補返15分鐘再玩。- 餐廳限時90分鐘，所以如果開生日會係完全唔夠時間，加上兒童餐上得太慢，等小朋友食完已經夠鐘。- 餐廳裏面比較狹窄，小朋友喺入面玩如果想喺出面影相有機會會阻住職員出餐而被罵。睇返相才發現原來有貼咗一個喺現場非常唔顯眼嘅指示。*所以千祈唔好畀餐廳有遊戲畀小朋友玩而吸引喺嗰度開生日會*
繼續閱讀
又貴又少又唔係好食 價錢不是問題 食唔飽好bad trip 叫左鐵板安格司同海鮮意粉牛扒調味十分一般 也沒有牛味 再加埋白恰蔬菜 仲差過大家樂嘅水準海鮮意粉幾好食 係份量少得可憐
繼續閱讀
餐廳裏面有個小型遊樂場，好適合帶小朋友嘅餐廳。而食物款式好多，值得推介👍🏻👍🏻👍🏻燉牛肉蛋包飯❤️燉牛肉肉質非常軟嫩，並且充分吸收了香料和調味料的味道。蛋包飯不僅外觀誘人，且在與燉牛肉的搭配中，蛋的鮮香能夠平衡肉類的濃郁。吉列豬扒炸蝦蛋包飯❤️豬扒外皮酥脆，內裡卻保留了豬肉的鮮嫩。豬扒在油炸過程中，香氣四溢，豐富的口感讓人無法抗拒。炸蝦肉的甜美與豬扒的鹹香形成對比，為整道菜增添了海鮮的風味。
繼續閱讀