くまちゃん温泉

營業中

休息中

我哋一家四口20:00 去到，入座話用餐時間90分鐘，都冇理照入座，又話人頭計算每人要一鍋，開頭又話小朋友唔需要，落單時候走埋嚟問小朋友幾多歲？我小朋友九歲，跟住話六歲以上都要嗌一個鍋😒，都算，照叫。跟住想叫飲品，好多款式都冇，只可以叫普通汽水，再問有冇水或茶提供，佢話只可以order 飲品，今時今日原來仲有餐廳係冇提供水或者茶❓🙈食物大致正常，我order 左海鮮拼盤，d 蝦霉既😨啲蜆煮咗差唔多10分鐘完全唔開殼，問個四眼唔知經理定老闆，覆我呢批蜆全部都係咁唔開殼，其他客人都係佢幫手撬開個殼，我即時O左嘴😧問返佢小朋友食完真係冇問題，肚痛係咪你負責？佢又覆我呢批蜆係咁叫我可以唔食，冇嘢換比我，我當然冇食啦‼️😤，20:00 入座order 左d 野食加埋甜品，20:50 甜品要我即刻上，佢話同事會收工冇人做，我野都未食完點食甜品⁉️佢都冇理我照出甜品😤，食緊甜品啲侍應又走埋嚟係咁收嘢，影響晒我食慾😮‍💨21:00又走埋嚟要我埋單，啲侍應又走埋嚟執嘢。入座又話90分鐘用餐，最終60分鐘趕人走😤，應該我入座時同我講收21:00好過啦❗️嘢食除咗隻熊影相桌頭之外呢間嘢真係不值一提❗️完全冇可能會再

首先，啲staff既廣東話真係聽唔明。不停俾漏野，要追，點知一追之下先知泡菜湯話無醬跟，但又係個staff問我要咩醬。最後男經理仲要串佢餐廳要跟佢規矩😑咁你啲staff就唔好問啦食到一肚氣，仲衰過食大排檔，希望快啲執笠換另一間食材正正常常囉，隻熊仔好快就冧低咗，相都影唔切。牛肉份量少No next time

見熊仔火鍋廣告好吸睛，終於有機會去試。把握時機，12點前去到就大把位，食完果陣基本上滿座。熊仔真係好得意，不過唔知加咗咩令湯底凝固成熊仔，食物上面滴入碗嘅湯好快就滰成一坺。開爐一兩分鐘，隻熊仔就自己瞓低咗。主菜揀咗牛肩脊，味道肉質都正常。不過，唔知係唔係我又黑仔，每片牛有五份一係牛脂(唔係雪花)。基本都有三幾種蔬菜同三款菇。汁方面點咗麻醬，但唔知點解好酸，懷疑佢比錯左柚子醬，但又好似見到芝麻。🤷服務方面，無水，要出門口埋單。

啱啱同老竇一齊第一次嚟到呢間火鍋店，嗌咗兩個套餐。鰹魚湯底，一份牛肉，一份雞肉，兩杯烏龍茶。侍應得知我哋第一次嚟，簡單介紹了菜單。火鍋嚟到，我和老竇都好驚喜，「熊仔湯」很可愛！菜籃和肉類整齊擺放，份量多，質素好。兩個人嘅套餐埋單唔使$400。非常抵食。不過，都有少少建議俾餐廳…..1）本來想點普通清水，但係侍應話要收$15一杯，所以我和老竇改點了烏龍茶，不過都要$19一杯2） 調味料沒有選擇，只有店舖特製嘅醬汁。我不太喜歡醬汁嘅味道。如果舖頭可以有其他醬汁，俾我哋選擇一下，咁就好喇。（不過，火鍋湯將食物煮好，直接食，都好好味。）

閒日晚，去果間Bear Bear 打邊爐。佢有寫四人枱訂滿，人齊入座。我之前試過我地一家三口坐二人枱，見佢有好多吉枱，問攞枱。第一次，個帶位阿叔/店長/老闆，知未人齊，即轉面招呼其他客。明嘅，of coz 入咗果啲先。但我後面無客等，入完客仲係有好幾張吉枱。佢再問，我未人齊，又轉面走咗。但仔想食，我叫仔問大叔爸爸就到，入先得唔得，個阿叔聽完走去禁機，又唔講嘢又唔覆，之後見佢自己對數而唔係睇下安唔安排到枱。我叫仔問多次，係咪即係唔得，都唔應佢，洗唔洗無禮貌到咁樣。

我哋原本訂八位，訂位嘅時候冇講過原來間嘢只係得二人枱同四人枱。入座時又要安排兩張冇雷公咁遠嘅枱。我哋見隔離枱都走就話想轉枱，個啊叔態度又極惡劣咁話人哋未走但明明啲客已經企緊起身。然後第一次過嚟又話只係得返豆乳湯同壽喜燒湯底，五分鐘之後又話得雞湯，係咁催落單。我哋同佢講話你既然預咗有兩輪客就應該訂多啲料唔係樣樣都話冇，佢又覺得唔關佢事。

特選雜錦盛盒（豆乳湯底）- $228💰 特選雜錦盛盒 （膠原蛋白濃雜湯）- $228今晚去左太古城Shopping同睇戲，夜晚就特登去左一間日本過江龍日式火鍋，每個爐上都有一隻小熊仔係到浸溫泉，超級得意🥰熊仔浸到後面出現躺平狀態，每一分一秒都係打卡嘅時候🤭我地分別叫左2個套餐，分別係，啲料份量都OK,野菜十分新鮮同帶甜，至於啲牛肉同豬肉都好食，唔會太肥，入口嫩滑。不過多幾塊就好了🤪總括黎講呢間野如果唔係排太耐，係值得一試，野食都唔錯，但隻熊仔真係好啱打卡😝

行過見呢間野幾得意，見唔洗排隊，都接近8點。嗰個四眼疑似經理嘅男士彷彿好熱情咁話依家得返兩款恆常湯底同限定嘅麻辣，好快咁剔完佢就即刻埋黎收走。個爐要自己開，我地揀左一個壽喜燒同一個骨膠原雞湯，要等隻熊變返做液體都要啲時間，但嗰位四眼男士見我地未郁手就埋黎話個湯都滾架喇咁嘅樣你話滾？而且個湯未加肉已經一堆泡，感覺唔良好食物其實一般啦，冇咩好講架喇呢篇都係想講下嗰個四眼疑似經理，話說後面嗰枱係ABC，所以係咁講英文，佢就打斷人地傾偈，埋去問人係咪唔係住香港，又話人啲野唔好烚太耐…算啦呢啲都係人地嘅事，但聽到都會想反白眼我地食到最後仲烚緊幾條菜，執枱個阿姐就出場，個爐仲烚緊野佢已經收哂啲吉碗吉兜，想快啲收工我都理解；但我個爐啱啱熄，個煲仲出住煙佢照收走，你唔怕熱我都驚俾你照頭淋呀呢下舉動係200%趕客，我唔係食完坐喺度攤抖，仲食緊烏冬你就清哂我枱，洗唔洗咁呀

熊仔係可愛但食物味道正常，價錢唔值。仲有食飯竟然一杯水都唔俾，好小家。太古城家庭客多，食物造型又可愛，其實好多枱都有小朋友，但係一張BB櫈都冇。感覺上好趕客，一次就夠！

嗰日我比較晏去到，諗住排隊點知有個夥計大叔行出嚟問我有冇book枱，我話冇，佢就黑口黑面咁樣叫我行埋一邊先，跟住勁快咁樣俾咗張紙我吹我快啲踢咗佢，全程都勁冇禮貌，如果唔係真係為咗打卡呢間我真係唔會再幫襯。

The manager was super rude and refused to speak to me or give me his name. He didn’t have a baby chair available for a 2 year old at restaurant that clearly caters to kids. Told me I must order the set even though they have a an ala carte option. I explained I would spend more than the set costs if you let me order what I want instead of forcing me to get things I don’t want. He still refused. The portions are small and food is average at best. The manager was made the atmosphere uncomfortable.

食尼間餐廳，目的都係為熊仔打卡，嘢食係一般，只係見到個熊仔好開心咋。但係今餐簡直係食到我一肚火！去到見到個牌5:30先會再開，都唔係問題，咪walkin 囉，咪排隊囉！個場得一枱兩人開始中，排到我地兩個準備入座，個伙計大叔就比張紙話咩湯底無啦，好趕咁叫我地快啲剔湯底，剔嘢食，剔完就安排入座近門口2人枱，強調食90分鐘，見周圍都未有人坐，就問佢可唔可以坐近窗呀？佢就話無架啦比人book 哂（全程黑面）咁我地就無奈接受等15分鐘嘢食到啦！食物送到當然好開心一定要影相啦！佢一句都唔講就開爐，我即刻熄咗佢（熊仔熔咗仲點影相），佢就行去我同枱要幫佢開爐，正常反應咪講：唔使啦我自己識開啦！我地影哂相要開爐，點知開唔到，咪叫佢幫手開（全場得佢一個），佢開完就指住我同枱，黑面講句：頭先你唔係話識開咩！😡忍佢，唔好破壞見到熊仔既心情，真係好想比回應佢囉！真係唔知咩事呀？比錢仲要受佢氣。一定一定無下次😡😡😡😡😡😡😡😡😡😡

服務態度極差，幾好食都冇用！！見佢poster 有刨冰，諗住外賣。企係門口服務員見到都冇問係做咩，同個老闆講外賣，佢叫我等等，等左大概5分鐘都冇人理(當時有幾個服務員行來行去)，之後再問個老闆要等幾耐，佢竟然好惡咁問我睇左menu未想要咩，我話要個刨冰拎走。佢竟然答我唔知個師傅做唔做😡，之後係個mon度按幾按就同我講師傅唔做外賣🤬。嘩，你唔想做就早講啦，浪費大家時間。態度差成咁，仲要又惡，真係等執啦！

話說之前係日本食過呢間,覺得成間舖頭氣氛好好,好鍾意！之後見到香港原來開咗分店就一路都好想食🤤但係見因為好多人去就要預約冇得 walk-in咁~ 終於之前有日平日晚上book到啦💕💕不過去到發現其實都真係有得 walk-in😂而且都真係幾多位！完全唔係網上啲人講嘅勁 full 唔入得去🙈今次淨係叫咗火鍋食,其實本身有少少想食甜品但食唔落😭😭不過就有少少失望😮‍💨🥲裝修比日本分店簡單好多,而且冇乜氣氛~ 似普通火鍋店~因為日本分店係連入口樓梯去到位置裝飾全部都係有熊仔🥹🐻🐻仲提供埋頭箍俾你影相🥲💕豆乳湯底 & 經典雜錦盛合 $168呢到係根據你嘅主食而定價的, 湯底選擇都好多！呢個餐就有牛肉、雞肉、豬肉、丸、同埋雜菜~ 仲包埋一個烏冬！湯底都幾好飲的！不過對比起日本香港係真係爭啲嘅🥲但係其實價錢上就差唔多~ 而且份量真係有啲大完全食唔晒😹建議如果兩個人食最好一個人嗌盛合一個嗌普通🙈🙈

原本book咗枱夜晚7點，到咗之後未有枱之餘仲要比walk-in嘅人甚至係book咗7點15分嘅額人入先，一直叫我地等，又話枱客食緊甜品又話執緊枱，執咗半個鐘都未搞掂，叫我地等多2分鐘，結果係等咗10分鐘都未有枱。入面職員明知出面有客等緊都仲要慢呑呑咁抹枱，我哋問幾時得，個店長仲要話我哋唔等得話唔好食，態度勁差。好心你哋冇枱就唔好接訂枱啦，嘥晒我哋啲時間仲要口氣勁差，黎食飯變黎受氣，以後都唔會幫襯，亦會叫身邊朋友唔洗黎啦。