きっとかつ Kitto Katsu (已結業)

觀塘工廈常常有好野食，地方又chill又舒服，今日來到成運工業大廈的きっとかつ Kitto Katsu ，見個名很特別又新開的，就去試下，入到去，地方大又舒服，特別有sofa又有高凳，見有人在食下野，又用下電腦咁，又播住歌，很自在。店員有禮親切又笑笑口的，介紹之下，推介了一口翡翠千層吉列豚，就試下，另外仲點了和風迷你豚肉漢堡，價錢合理，都只是六七十元左右。即叫即整，千層吉列豚可揀烏冬或咖哩飯，我揀了咖哩飯，份量大，咖哩味濃又香滑，少少辣很惹味，而千層吉列豚勁好食啊，外脆內嫩，豚肉卷住，一啖食先食了炸脆了香口嘅外皮，再啖就食到鮮味又保留肉汁嘅豚肉，yummy,是用心之作，我是外賣的包得整齊，回到食都仲咁高質素。和風迷你豚肉漢堡，賣相吸引，有兩件，一黑一白的，豚肉肉厚多汁，仲有菜同蕃茄，口感豐富，特別喜歡佢嘅醬，令漢堡更美味，雖然迷你，但有兩件仲有薯條，朋友食話都夠飽啊，薯條更是要讚，應該是自製，自己切的吧？食到薯味新鮮，不是一般薯條冇乜薯仔味，覺得呢間真是很用心造每樣食物，支持本地小店，好食，價錢又合理，推介。

今日路過成運附近 有人派傳單 見係炸豬排又未試過 就膽粗粗上去試下 雖然新開（我估～因為有試業優惠）都有唔少人堂食緊 不過趕著反屋企 最後揀左外賣我食千層吉列豚配飯 老婆食蘆筍豚肉卷天使麵 兩樣都比想像中好食 個炸豬排唔乾身夠嫩 亦唔會好厚粉 蘆筍仲係爽口 唔會煮得太老 😋 真心都算高質 誇張d講句拍得住日本既質素 另外個餐湯（羅宋湯）都值得一讚 辣辣地幾開胃 雖然係小店 但睇得出有心機煮 希望多d呢種良心小店下次試堂食 應該比外賣會仲好味

觀塘又有一個lunch選擇試左千層吉列豚，不同一般做法，比平時吉列豬扒 口感更好，入面一層一層肉，配埋咖喱 正。另外都叫左豚肉忌廉烏冬，醬汁好味枱面仲有充電線一路食一路玩電話 唔驚無電👍🏻

好耐冇食過咁高質素嘅吉列豬扒，外脆內軟，一定會再幫襯，好似去咗日本食咁樣。環境坐得舒適，服務又有質素老細好好招呼。豬扒腔一定啱食，好有誠意嘅餐廳。絕對對得住個價錢。

今日試食咗呢度嘅豚肉一口翡翠千層吉列豚，外脆內軟，超級好食，配埋嗰個好香濃嘅咖喱汁，成碟食晒一粒飯都唔剩💕💕💕最驚喜係老闆親自沖嘅凍檸檬紅茶，唔單止外貌好睇，仲好好飲晏晝時間上嚟，唔算太多人，可以同朋友慢慢傾吓偈，環境都乾淨，坐得舒服，以觀塘樓上食肆嚟講，呢間真係有驚喜！食完飯老闆仲出嚟同我哋傾偈，態度友善，大家有講有笑，又問我哋對食物有冇咩意見，超級人性化嘅餐廳！誠意 推介，下次一定會再嚟！

個天使麵超級不得了！老闆自己調校嘅醬汁係加咗麵豉湯嘅味道入去，唔單止係食材上嘅Combine, 係創意上嘅融合👍🏾👍🏾👍🏾加埋招牌嘅千層炸豬排，每一層都唔同嘅享受，想更加邪惡重有加煙肉同芝士嘅邪惡牌。軟滑嘅豬肉幾層咁包住個口😍😍😍