如果你最近都想有啲儀式感，喺靚環境食餐精緻晚餐，可以試吓呢間黎巴嫩餐廳“RUE DU LIBAN”。由黎巴嫩人Imran Khaleel 開設，IGable藍色牆門口，入面用餐環境就掛滿花花好夢幻。
呢度可以食到地道又精緻嘅黎巴嫩料理，全因老闆Imran Khaleel 年輕時遠赴瑞士讀書，之後喺高級酒店開展職業生涯，一直對料理要求好高。而家夥拍40年經驗埃及人主廚Ahmed Menshawy，以開羅喜來登酒店掌廚經驗；以及黎巴嫩、杜拜、多個歐洲國家閱歷，為“RUE DU LIBAN”設計一系列菜式。
“RUE DU LIBAN”法文意指黎巴嫩街道，藍色門口已經好有外國氣氛。
店內掛滿花花好夢幻。
而家7月1至31日，單點餐牌有85折!! 可以趁機試吓佢哋新推料理—蝦仁鷹嘴豆蓉(Hummus with Shrimp)、薩塔芝士烤餅配新鮮乳酪(Zaatar and Cheese Manakish with Labneh)、慢煮鴨腿配東方飯(Confit Duck Leg with Oriental Rice) 等，即刻睇吓有咩私心推薦啦～
“RUE DU LIBAN” 7月優惠！
由7月1至31日，單點餐牌85折(逢星期日至四) |
全新料理都有85折!! 經典蝦仁鷹嘴豆蓉、慢煮鴨腿配東方飯都係必食。
蝦仁鷹嘴豆蓉(Hummus with Shrimp)
將黎巴嫩經典結合海鮮風味!! 傳統鷹嘴豆蓉(Hummus) 好綿滑，加埋新鮮蝦仁多咗層鮮甜味。用嚟配彼得包同脆片，再飲啖酒幾好vibe。
蝦仁鷹嘴豆蓉綿滑，又有蝦肉鮮甜。
薩塔芝士烤餅配新鮮乳酪(Zaatar and Cheese Manakish with Labneh)
呢道烤餅好有黎巴嫩風味，一次過試到當地人鍾意嘅中東薩塔香料(Zaatar)、芝士同新鮮乳酪(Labneh)。烤餅幾鬆軟，第一啖會食到薩塔香料層次，然後會有芝士同乳酪嘅鹹香奶香，味道同咬口都有新鮮感。
薩塔芝士烤餅配新鮮乳酪，好有黎巴嫩風味。
蒜香蝦(Garlic Shrimps)
用大量蒜蓉、橄欖油同香草炒香蝦肉，熱辣辣上枱即刻食仲有種焦香，加啲檸檬汁提鮮仲好味!!
蒜香蝦用大量蒜蓉、橄欖油同香草炒製。
慢煮鴨腿配東方飯(Confit Duck Leg with Oriental Rice)
鴨腿慢煮到好軟腍，用叉輕輕一拮就離肉，可以想像到鴨肉幾嫩!! 特別鍾意輕焦嘅鴨皮有種獨特鴨油香，用嚟撈飯一流啊。
慢煮鴨腿配東方飯，鴨油香撈飯一流。
雞肉沙威瑪(Chicken Shawarma)
黎巴嫩街頭成日會見到嘅旋轉烤肉，雞肉用香料醃製後再烤到金黃入味，雞肉又有肉汁，一班人share真係好快清碟。
雞肉沙威瑪，係黎巴嫩街頭經典小食。
RUE DU LIBAN(香港)
地址: 香港尖沙咀山林道22-26號地下A號舖
電話: +852 23102922