而家一人燒肉唔只係快食，連高級乾式熟成牛肉都有得食啦!! 將軍澳新開「一人燒肉館」主打九州和牛同安格斯牛，並破格於一人燒肉引入熟成牛，最平$74就食到啦。乾式熟成過程中，肉中酵素會自然分解蛋白質同脂肪，產生獨特煙燻風味，肉質都會更軟嫩㗎。
嚟到「一人燒肉館」，一入門口就見到自家乾式熟成櫃啦。櫃內肉品都會熟成至少14日，包括九州和牛、安格斯牛五花、安格斯牛小排、鴨胸，而且全店一人燒肉套餐均跟配沙律、麵豉湯同飯，CP值好高。
將軍澳新開「一人燒肉館」主打安格斯牛同九州和牛，並破格於一人燒肉引入熟成牛，最平$74就食到。
店內乾式熟成櫃，放滿九州和牛、安格斯牛五花、安格斯牛小排、鴨胸，全部至少熟成14日。
【入門必食】乾式熟成牛五花套餐$74(100g) / $119(200g)
如果你本身無食過乾式熟成，可以用入門價試吓乾式熟成牛五花先，套餐包埋沙律、麵豉湯、飯 只係$74(100g) 真係佛心價錢，而且香港好少地方食到熟成牛五花㗎。
【油香直逼和牛】乾式熟成牛小排套餐$142(100g) / $217(200g)
身為熟成牛fans，一定要試吓被喻為乾式熟成最好味嘅肉位—牛小排!! 因為牛小排本身好有肉味同咬口；同時又有28%-30%脂肪比例。經乾式熟成後脂肪比例會提升至40%，呢個比例已經好貼近和牛喇，所以食落有和牛油香又有肉質咬口，滿足2個願望。
牛小排被喻為乾式熟成最好味嘅肉位，因為熟成後脂肪比例貼近和牛，擁有和牛油香同肉質咬口。
乾式熟成牛小排油脂重，未食已經聞到好香啦。
同場另有「精選牛小排套餐」$87/100g、$154/200g。
全店燒肉套餐均跟配沙律、麵豉湯及飯。
燒肉套餐+$20 可升級溫泉蛋紫菜飯。
除咗乾式熟成燒肉外，另有九州和牛、安格斯牛肉揀～
精選肉眼扒套餐$116(200g)
肉控必食嘅大大塊肉眼扒！成塊放上爐燒真係好療癒，燒到咁上下就用鉸剪剪開一件件方便食。而且肉眼扒油花分布均勻，食落又嫩又juicy。
肉眼扒大大塊，肉控必食。
精選牛板腱套餐$66(100g) / $99(200g)
牛板腱油花適中，好啱追求細膩口感嘅人。燒製後肉香更濃，蘸埋枱面嘅醬—烤肉醬 / 韓式醬 / 蒜蓉醬 再惹味啲。
牛板腱油花適中，口感細膩。
蘸埋醬汁好好味。
九州和牛肉套餐$110(100g) / $177(200g)
一人燒肉都要食好啲!! 入口即化嘅九州和牛，口感真係好滑嫩。一百蚊多啲啲就食到，夠晒抵食。
一百蚊多啲啲就食到九州和牛。
想食得豐富啲，可以追加雞肉/海鮮～
追加雞腿肉$15(100g)。
追加照燒汁鯖魚柳$48(100g)。
追加西京漬比目魚柳$96(120g)。
店內裝潢舒適，座位適合一人燒肉或多人聚會。
一人燒肉館(香港)
地址: 香港將軍澳澳南海岸唐俊街23號MONTEREY Place 地下G22A號舖
電話: +852 93651971