以前趁韓國旅行都會去澡堂爆汗，原來疫情下韓國好多澡堂都營業困難，估唔到轉型餐廳後引爆人氣。
曾韓國留學嘅店主就將澡堂餐廳概念引入香港，喺長沙灣開咗呢間「新沙洞澡堂」。唔只個名似足澡堂，估佢唔到入面真係有花灑、毛巾，相信香港都無咩餐廳去到咁盡(笑)。
澡堂主題餐廳，勁多打卡靚位。
燒酒牆參考梨泰院、弘大流行酒場，勁有氣氛。
呢度好啱三五知己一齊share嘢食、飲燒酒。
店主留韓期間已經鍾意周圍食嘢，所以香港開店都想還原正宗韓國做法，請嚟曾任米芝蓮餐廳大廚一同研製，特別係辣炒年糕、部隊鍋、韓式拌飯都係地道口味！招牌韓式炸雞就有6款口味咁多，依韓國做法利用水果天然酵素醃製，特別鬆軟juicy。
韓式炸雞有6款口味—新沙洞特製原味炸雞、韓式甜辣炸雞、蒜蓉醬油炸雞、麻辣勁爆芫荽炸雞、雪花芝士炸雞、韓式柚子炸雞。
韓式甜辣炸雞最高人氣！
炸雞依韓國做法，雞皮勁香脆～蒜蓉醬油口味更以韓國秘方調配醬汁，食落有蒜香又滲出醬油鮮味，勁有層次唔會「死鹹」。
炸雞嘅醃蘿蔔都唔好放過，好少店家花時間自家特製柚子蘿蔔，輕甜酸味同炸雞勁夾，仲有濃濃的柚子香味。
蒜蓉醬油炸雞
鍾意韓國掃街嘅話，一定好掛住辣炒年糕味道！呢度嘅辣汁係韓國人大廚親調，正宗香辣味同韓國食到嘅味一模一樣呀！有別坊間用現成醬汁做法，軟糯年糕辣而香超正～
辣炒年糕醬汁由韓國人大廚親調，大勝坊間現成醬汁。
辣炒年糕仲有個隱藏食法，好似韓國人咁嗌多碟炸物，用嚟蘸年糕辣汁勁香口，配燒酒一流。
新沙洞招牌炸物拼盤，大推蘸年糕辣汁再飲啖燒酒。
韓國好多打卡甜品，呢度嘅Croffle同嘢飲都好IGable。Croffle早前已喺韓國爆紅～牛角酥用窩夫機壓焗，即叫即整熱辣辣，一咬落去係窩夫嘅香脆，內裡又有牛角酥嘅千層酥香。
呢度有6款甜品口味—Tiramisu、法式焦糖燉蛋、宇治抹茶紅豆、士多啤梨牛乳忌廉、奶醬多、榛子朱古力香蕉；鹹點口味就有韓國醬牛肉、韓式甜辣豬肉。
(左)法式焦糖燉蛋、(右)Tiramisu
甜食係用自家製牛乳忌廉，有乳香又健康。
法式焦糖燉蛋係用火槍燒至金黃色。
仲有多款夢幻飲品㗎。
最掛住嘅韓國味，一定要講埋部隊鍋。好多人以為部隊鍋只係韓國拉麵豐富版，nonono…正宗味道係有濃郁泡菜芝士味，呢度就完美還原咗出嚟喇。每日自家熬泡菜湯底，上枱前再落足車打芝士，真係好似去咗韓國咁呀。
完美還原韓國部隊鍋，極量芝士滿滿幸福感。
韓國人鍾意用生菜包住五花腩食，呢道韓式豬肉包菜先用黑啤浸五花肉去除羶味，再以炆煮方法逼出豬油，所以望落好似好厚肥膏，但其實完全唔油又keep到Q彈滑嘟嘟。醬汁係自家用蒜、蔥、辣椒、韓式麵豉醬調配，加咗醬更加開胃香口。
五花腩用炆煮方法逼出豬油，完全唔油又Q彈。
澡堂嘅小清新環境，都好啱食碗健康韓式拌飯。有牛肉/豬肉揀。芽菜、菠菜等配料每日自家醃，無添加防腐劑，富營養又飽肚。
韓式拌飯配料自家醃製，富營養又健康。
除咗澡堂有多個打卡位，估唔到連小食都IGable，有韓國當地好紅嘅炸韓國午餐肉條。
超厚切餐肉炸到勁酥脆，一咬開好鹹香、超邪惡，外脆內軟真係會上癮，配埋特調咖喱蜜糖醬更好食。
韓國爆紅午餐肉條，炸到勁酥脆。
【韓式High Tea Set】鹹甜點滿足少女心
下午茶時段15:00-17:30都可以嚟澡堂打卡～「復古韓風Cafe 特色鹹甜點套餐」有16款自家製鹹甜點 連2款Croffle口味醬料，並可自選2款飲品(轉無酒精雞尾酒需另+$10/維也納咖啡+$15)。
新沙洞澡堂
地址: 長沙灣福榮街506-510號榮發閣地下A1號舖
電話: 26666881
