召喚各位馬拉菜迷!! 最近新開嘅“makan makan”主打東南亞料理，全因外籍大廚團隊受馬來西亞之旅啟發，將當地熱鬧街頭美食文化搬到嚟香港!!
呢度唔係普通嘅馬拉菜，而係融合馬來西亞香料、泰國清新風味、越南草本氣息嘅新派菜式，重新演繹經典嘅椰漿飯、炒粿條、檳城蝦麵、怡保雞肉河粉、馬來西亞咖喱等等，層次豐富有驚喜啊。
外籍大廚團隊受馬來西亞之旅啟發，將當地熱鬧街頭美食文化搬到嚟香港。
馬來西亞街頭美食，再融入泰國及越南風味，撞出驚喜！
唔止食物吸引，“makan makan”環境裝潢都好有想像力!! 佢哋從經典遊戲《食鬼》汲取靈感，店內嘅鮮明色彩、復古圖案、古怪細節、霓虹燈都係向懷舊嘅調皮玩味致敬，好有歡樂氣氛。無論你想搵好嘢食，抑或想有個地方同朋友chill吓，“makan makan”都滿足到啊。
裝潢從經典遊戲《食鬼》汲取靈感。店內鮮明色彩、古怪細節均向懷舊嘅調皮玩味致敬，好有歡樂氣氛。
無論你想搵好嘢食，抑或想有個地方同朋友chill吓，“makan makan”都滿足到啊。
一眼睇晒“makan makan”有咩食～
大蝦柚子沙律 $68
結合各種口感食材—新鮮柚子、大蝦、烤椰絲、炸乾蔥，加埋獨特甜棕糖汁好有風味。
青木瓜絲沙律 $78
新鮮青木瓜絲搭配脆口嘅豆角、蝦米，並以辣椒、羅望子汁撞出酸酸辣辣。
越式羊肉碎沙律 $78
泰國辣椒、洋蔥絲同綜合香料嘅香辛味，令羊肉碎嘅肉香更突出。
小金杯 $88
必食嘅傳統馬來料理，「金杯」裝滿炒蘿蔔、蝦乾、花生等等，拎住嚟食幾有儀式感。味道好惹味，最鍾意係連個「金杯」都食得。
甘香啦啦(蜆) $168
大大碟嘅炒蜆!! 用咖喱葉、大蒜、洋蔥、蝦乾炒到香噴噴。而且每隻蜆都有飽滿蜆肉，辣辣哋又有海水味。
馬來西亞沙嗲: 牛肉 $118／雞肉 $108／羊肉 $118
馬來西亞好經典嘅街頭美食，沙嗲好濃花生醬味，基本上同3款肉都好夾啊。仲有菠蘿、青瓜、洋蔥等伴碟，食兩啖串燒又解吓膩幾正。
仁當牛肉飯 $108
除咗一系列馬拉菜，嚟到“makan makan”都可以試吓其他東南亞美食。好似呢道印尼傳統料理—仁當牛肉飯，用椰奶、香料將牛肉燉煮到軟嫩入味，食落輕甜帶辣，佐飯一流呀。
椰漿飯 $88 (配大蝦／仁當牛肉／咖喱雞)
相信大家對馬來西亞經典嘅椰漿飯，一啲都唔陌生。椰漿飯香甜又煙韌，而3款配料選擇都偏濃味，撈埋脆卜卜嘅花生、江魚仔一齊食，真係瞬間清碟。
海南雞飯 $98
東南亞美食點少得海南雞飯！呢度用本地養殖三黃雞，雞肉軟嫩又重雞味。
燒原隻穀飼黃雞 $168
原隻上嘅穀飼黃雞，直接用手拎嚟食好爽快！外層燒到好有炭香，一撕開就爆出肉汁，獨食或者share都過癮。
燒原條黃花魚 $148
黃花魚魚肉好細膩，淡雅又帶鮮甜，直接燒嚟食仲多咗層酥脆感，海鮮迷一定要試。
和牛越南湯粉 $148
用越南河內風格熬煮嘅牛骨湯底，牛味濃郁醇厚。一開始飲啖熱湯先，滑順湯身配和牛同滑嘟嘟嘅河粉，香濃之餘唔會膩。
檳城蝦麵 $128
極富馬來西亞特色嘅檳城蝦麵，配料豐富有鮮蝦、通菜、魚餅等。而用蝦殼熬製嘅湯頭，鮮甜濃郁，配掛汁嘅油麵好有飽腹感!!
芒果糯米飯
最後可以食埋甜品，好似呢道芒果糯米飯就夠晒大份，幾個人share都得。同場亦有其他甜品，如黑芝麻湯圓、甘蔗甜姜糖水等。
東南亞街頭食品指南｜午市菜單
東南亞街頭食品指南｜晚市菜單
makan makan
地址: 將軍澳澳南海岸唐俊街23號MONTEREY Place 地下G01號舖
電話: 90735833