有人話，人生一定要坐次熱氣球睇靚景。未得閒飛到土耳其，尖沙咀「花楽」都準備咗超唯美「花楽熱汽球 • 天空の森」下午茶—熱氣球3層架、甜品玻璃屋、小食3點同花茶，又靚又豐富。Book定窗口卡位仲可以望尖沙咀靚景，閨蜜girl’s talk 或者哄女朋友都好啱呀。
「花楽熱汽球 • 天空の森」有豐富日本料理、甜品、花茶，每日下午2:30-4:30 限量15份。
「花楽熱汽球 • 天空の森」有咩食～
超吸睛熱氣球有多款刺身、壽司。上層放滿鮮花儼如小花園，當中有日本直送藍鰭拖羅、油甘魚、甜蝦刺身。
熱氣球下午茶層架儼如小花園。
中層有海膽杯，入面係新鮮日本紫菜配馬糞海膽壽司，擺盤精緻高級。
海膽杯放滿馬糞海膽。
下層就有日本番茄伴梅酒啫喱、日本冷豆腐清清味蕾。當然仲有香蔥玉子件黑毛豬風乾火腿、新鮮藍鰭赤身壽司、三文魚壽司滿足大家壽司癮。
日本食材清新健康。
猶如童話書走出嚟嘅甜品玻璃屋～最上層日本和菓子精美得好驚喜，再飲啖花茶好似變咗日本女生咁。同層仲有櫻花水信玄餅、芝麻琵琶蕨餅。
甜品玻璃屋好夢幻，自行打開玻璃門進入甜品世界。
下層甜品氣氛由日本飛到法國，芝士蛋糕、法國朱古力餅食出精緻感。值得一提嘅係，朱古力蛋糕用料矜貴，係法國六星級飯店米芝蓮餐廳指定朱古力供應商，可可味濃郁。最後就以紅豆雪糕解膩，再飲啖花茶度過悠閒下午。
甜品有和菓子、蛋糕、雪糕等。
今次下午茶仲有3款小食，佐酒燒鱈魚乾、香口炸蠔、三文魚刺身。真心一個下午茶食到咁多日本料理，加埋靚景CP值好高。
3款小食都好啱配酒。
駐場唎酒師 唔熟清酒都可以享受Wine Pairing
呢度可能係全港最多唎酒師嘅居酒屋，5位唎酒師會依你嘅喜好/料理推薦各種清酒。最重要係全日酒品都係Happy Hour價錢，接近零售價飲酒～即場飲可享免開瓶費；買走亦享9折優惠。
唔熟清酒都可以輕鬆飲，唎酒師每日都會嚴選10幾支清酒，以抵價一杯畀大家試酒，最平約$39/杯就有喇，連名牌清酒十四代都可以$99/60ml飲到，好啱心思思咩都想試吓嘅大家。
經過上嚟飲杯酒，同唎酒師傾計交流吓都得㗎。
唎酒師每日精選10幾款清酒。
每杯份量恰好方便試多幾款。
即睇清酒詳情！
- 每日精選清酒 約$39-$99(60ml)/杯 - 每日精選清酒 約$99-$299(180ml)/杯 - 十四代清酒$99(60ml)/杯、$299(180ml)/杯、$2,990(1.8L) - 雞尾酒約$88-$128/杯 |
下午茶以外～多款精緻料理
「花楽」有全日Happy Hour 清酒、午市、下午茶同晚餐，基本上咩時間想嚟食嘢飲酒都得。午市套餐$88起，刺身、壽司、熟食都有得揀(包前菜、沙律、麵豉湯)。
晚市料理都好細緻，好似呢道「海鮮茶碗蒸」，以鮮花配上海膽、鮑魚、刺身蝦，綿滑蒸蛋仲吸滿海鮮精華。
海鮮茶碗蒸，綿滑蒸蛋吸滿海鮮精華。
蠔迷福音！「花楽六味真蠔」集合多款口味—三杯酢啫喱蠔、芝士焗蠔、蒜蓉焗蠔、天婦羅蠔、岩鹽海膽蠔；玻璃杯內則有柚子伴日本蠔(刺身)。咁多款蠔，可以大膽問吓唎酒師可以配咩清酒撞出驚喜。
花樂六味真蠔有多款焗蠔同生蠔。
日本料理 x 咖啡Me Time
其實日本有好多餐廳都有咖啡飲，「花楽」亦想大家嚟到可以enjoy成個環境，特意邀請咖啡師駐場沖調100%阿拉比卡咖啡豆，入口有榛子、漿果味平衡濃郁嘅可可香氣。同時亦會不定期推出各種果味咖啡、牛油果咖啡㗎。
「花楽」走典雅日本風，飲酒、咖啡都好啱氣氛。