最近春風送爽，下晝想chill啲食得好、飲杯嘢，可以試吓呢間掛滿手槍嘅「Sepoy Mess」。呢度以英國殖民時期嘅印度為主題，呈現當時英屬印度軍隊食堂嘅獨特fusion煮法。以印度食材及香料入饌，同時又大幅減低辣度並加入英國風味，成為由時代造就嘅英式印度菜。
「Sepoy Mess」以英國殖民時期嘅印度為主題，喺香港相當罕見。
店內掛滿手槍，好有feel。
印度博物館慷慨提供，英屬印度軍隊真實相片。【Hapyy Hour】尖沙咀超抵飲啤酒
餐廳環境精緻。Happy Hour時段啤酒低至$28，真係好抵飲
(左)雞尾酒Whiskey Sour、(右)雞尾酒Aperol Spiritz
如果3:00pm-8:00pm想飲杯嘢，「Sepoy Mess」每日都有Happy Hour時段，多款啤酒、烈酒、紅/白酒、雞尾酒選擇，啤酒更低至$28。加埋呢個靚環境真係好抵飲，值得mark低。
想飲得盡興可以揀Free Flow任飲!! 入座起任飲2小時，只係$168/位，包括烈酒、紅/白酒、Kingfisher Beer、Mimosa、Aperol Spirtz、Virgin Mojito、雜果賓治。
餐廳環境精緻。Happy Hour時段啤酒低至$28，真係好抵飲(左)雞尾酒Whiskey Sour、(右)雞尾酒Aperol Spiritz【Dalue Lunch詳情】英印料理 新鮮出爐印度薄餅
新推午市套餐「Dalue Lunch」只係$138起，就有前菜、咖喱/軟殼蟹卷、甜品、飲品。每份咖喱都可以揀印度薄餅 / 牛油印度薄餅 / 蒜香印度薄餅 / 烤爐薄餅 / 印度香米。印度薄餅喺印度烤爐Tandoor新鮮出爐，汁都撈埋，正啊!!
午市套餐「Dalue Lunch」，全部咖喱均可跟配新鮮出爐印度薄餅。- Appetizer(3選1)-
Aloo Tikki Chaat
Aloo Tikki Chaat炸到金黃香脆，入面係軟糯濃郁嘅香料薯蓉，撞出雙重口感。隔籬嘅雜豆咖喱唔會好辣，反而有時咬到啲石榴會又辣又甜幾上癮。
Masala Garden Salad
始終想食道開胃沙律，呢道Masala Garden Salad就用咗番茄、青瓜、洋蔥等，配料望落簡單，但勝在全部外國直送兼新鮮，加埋芝士同薄荷醬好豐富。
Prawns 65
濃味控可以揀呢道甜辣前菜，每隻炸蝦都好脆卜卜，外層裹滿濃郁乾喀什米爾辣椒醬，好有微辣煙燻風味。
- Main Curry(5選1) -
5款咖喱選擇都可跟配印度薄餅 / 印度香米，咖喱方面就有慢煮羊肉 / 魚 / 煙燻雞髀肉 / 煙燻茄子蓉 / 慢煮黑扁豆 選擇。全部都唔會太辣，反而香料層次幾豐富。
Lamb Rogan Josh$158
喀什米爾風味咖喱著重味道平衡，濃郁微辣，隱約有淡淡果仁味。而慢煮羊肉係軟腍到有驚喜，一咬落去好似會化開咁，略帶油香且肉味濃，最重要係完全唔羶，私心推介!!
Nagpuri Fish Curry$148
如果你鍾意椰奶同香料味，呢道那格浦爾風味嘅魚咖喱就啱喇。咖喱唔會太辣，反而有陣溫暖香料味。特別加咗gooseberry，獨特微酸平衡椰奶甜香，同魚肉幾夾。 
Chicken Tikka Masala$148
經典雞肉咖喱都有驚喜，因為煙燻雞髀肉幾有奢華感，而咖喱就用咗番茄洋蔥忌廉醬煮製，濃稠醬汁微甜溫暖，用嚟配鬆軟嘅印度薄餅好正!!
Smoky Eggplant Bharta$138
其實印度菜好啱想go green，當地人擅長將茄子、蔬菜、豆類煮到好惹味。好似呢道煙燻茄子蓉，就加咗綜合香料(garam masala)、大蒜同新鮮香草一齊煮製。煙燻之中略帶豐富香草味，就算go green都滿足唔單調。
Dal Makhani$138
相信香港人對黑扁豆咖喱有啲陌生，但其實係印度當地經典料理之一。黑扁豆、紅腰豆都慢煮到好軟糯，而咖喱就用咗小茴香、大蒜同牛油煮製。豆咖喱比想像中香濃，食落又好似入口即化咁，幾有新鮮感。
【Sandwiches】
Soft-shell Crab Roll$178
今次「Dalue Lunch」套餐唔只得咖喱，仲有呢道軟殼蟹卷選擇。用餅皮包住滿滿軟殼蟹肉、炒甜椒同洋蔥，一咬落去爆餡好滿足。幾鍾意佢跟配嘅清新薄荷醬、薯仔，豐富味道同超大分量令用餐體驗好圓滿。
【精緻雞尾酒】
「Sepoy Mess」都有駐場調酒師，即調多款雞尾酒。今次加入咗唔少水果元素，好啱春夏氣氛下同朋友摸吓酒杯底。
Sepoy Mess
地址: 香港尖沙咀柯士甸道西1號ELEMENTS圓方金區演薈廣場頂樓R008號舖
電話: +852 23300316