講到人氣韓國烤雞店不得不提Goobne Chicken，係少數用烤雞代替炸雞食店，完全不經油炸之餘，焗製過程仲會瞬間抽走多餘油份，享受炸雞般嘅香口，同時更低反式脂肪同卡路里！！最正係肉質會再Juice啲，健康又好食～
店家嘅招牌UFO芝士火鍋烤雞一直大受歡迎，最近仲新出咗「熔岩拉絲芝加哥Pizza」，用足5種芝士製成，拉絲力十足，芝士控一定要試！
尖沙咀店係Goobne Chicken 第一間香港分店，好有代表性。
最近全新裝修，木系設計坐得更舒服。
想坐得開揚啲，仲有半露天座位揀。
熔岩拉絲芝加哥Pizza 獨特深盤有更多芝士
大家都知韓國人幾咁鍾意芝士，呢個「熔岩拉絲芝加哥Pizza」都係同韓國店同步㗎，同樣用上拉絲力十足Mozzarella 芝士、軟身帶甜Ricotta 芝士、香濃醇厚Parmesan 芝士同埋濃郁鹹香嘅Gruyère 芝士，交疊出多重芝士味道。
佢嘅深盤設計亦令Pizza 內含更多芝士，相比一般Pizza 批邊更香口鬆脆，好有新鮮感。
熔岩拉絲芝加哥Pizza HK$188
集合5種芝士做到極級拉絲，打卡一流。
人氣拉絲烤雞 UFO 芝士火鍋
「UFO芝士火鍋」絕對係Goobne Chicken 代表作，將三重芝士火鍋完美Crossover 韓式烤雞，一開始Mozzarella 芝士、車打芝士同Grana Padano 芝士會以真身上陣，芝士份量絕不欺場。
之後會有專人幫你開火慢慢煮溶，並將香濃軟綿芝士包住烤雞，你亦可以落手親自拉絲包捲，好食得嚟又好玩，感受澎湃芝士瀑布威力。
UFO 芝士火鍋（有骨/無骨）HK$268
烤雞口味6選2，今次我哋就試咗「三重芝士烤雞」、「甜辣烤雞」，前者外脆內嫩仲有忌廉同藍紋芝士味道；後者則用香甜帶辣秘製醬料調味，係韓國人最鍾意嘅口味。另外仲有「果味醬油蒜香烤雞」、「韓式BBQ醬煙燻烤雞」、「蜜糖香滑烤雞」同埋勁辣「火山烤雞」揀，一班人食可以額外以$88追加8件雞。
軟糯煙韌芝士包住烤雞真係會食上癮，只要HK$30仲可以加多一半芝士𠻹！
鐵板芝士炒年糕 熱辣辣上枱
烤雞以外選擇仲有好多，呢道鐵板上嘅芝士炒年糕，熱辣辣滋啦滋啦聲上枱勁有氣氛。辣椒醬加上Mozzarella 芝士令炒年糕更香濃，韓國人鍾意將韓式拉麵捲上年糕同魚糕一齊食，口感更豐富。
鐵板芝士炒年糕 HK$165
蟹籽沙律醬芝士雞蛋卷 流出濃厚蛋漿+芝士
拉絲系列仲有呢個招牌芝士蛋卷，切開即流出濃厚蛋漿、車打芝士同Mozzarella 芝士，加埋輕脆蟹籽一流。
蟹籽沙律醬芝士雞蛋卷 HK$128
推薦冰涼綿綿沙冰 5款清甜口味
韓國人愛好用啤酒配烤雞，呢度生啤就有買2送1優惠。而啤酒以外嘅非酒精飲品都好多，最受歡迎嘅係沙冰系列，冰涼綿綿沙冰解渴解膩一流，推薦芒果同士多啤梨口味，另外仲有藍莓、藍橙同西柚口味。
（左）士多啤梨沙冰、（右）芒果沙冰。
