旺角天台酒吧餐廳“Reflect”,望住旺角夜景飲酒食飯好chill!主打墨西哥菜,最近新出1.5kg-1.8kg超大份美國斧頭扒!(需提早2-3 天預訂) ,方便一家大細過來慶祝。
呢度嘅戶外位大到可以包場開party或舉辦輕婚禮,仲有好多梳化位坐得舒服。
![](https://www.openrice.com/userphoto/CMSContent/0/8H/001OAA9DD02BD3B0E0443Ej.jpg)
![](https://www.openrice.com/userphoto/CMSContent/0/8H/001OAB99DD733F5E9A0B38j.jpg)
“Reflect”位於12樓,一出𨋢就有個靚靚鏡面牆呼應店名Reflect(反射)。呢度由10年經驗墨西哥大廚主理,創作多款party vibe墨西哥菜。想食個精緻晚餐;又或坐戶外邊飲邊食都得。
![](https://www.openrice.com/userphoto/CMSContent/0/8H/001OAC34F5EB132BD4AED9j.jpg)
新推美國斧頭扒足足1.5kg-1.8kg,切開仲係好粉嫩!! 好鍾意上枱嗰陣已經切好晒,可以飲吓酒又拮件牛扒食,每件都好厚肉juicy㗎。(需提早2-3 天預訂)
![](https://www.openrice.com/userphoto/CMSContent/0/8H/001OAD280BF6CBDDE7774Cj.jpg)
沙律 | Burrata
白雪雪嘅Burrata有明星芝士之稱,切開瞬間流出奶香芝士真係好療癒。將綿密芝士撈勻沙律菜、車厘茄、鮮羅勒,口感清爽柔軟好吸引!!
![](https://www.openrice.com/userphoto/CMSContent/0/8H/001OAECE6F6D6B32E3EC88j.jpg)
沙律 | Rocket Tomato Salad
另外一款沙律主角就係番茄!! 燒原個番茄加上火箭菜、松子、巴馬臣芝士,酸甜清新仲好有營養。
![](https://www.openrice.com/userphoto/CMSContent/0/8H/001OAF7E5A623B3AC0EEB3j.jpg)
薄餅 | Seafood Pizza
自家製墨西哥辣椒醬,就係呢個薄餅嘅靈魂!辛辣濃郁,新鮮海鮮都唔少㗎,真係食到啖啖八爪魚、蜆肉等,嗰種彈牙口感同一般雪藏海鮮完全唔同。
![](https://www.openrice.com/userphoto/CMSContent/0/8H/001OAGC42A882277C78433j.jpg)
![](https://www.openrice.com/userphoto/CMSContent/0/8H/001OAHFE70D5C1C938C20Bj.jpg)
分享 | Beef Tartare
“Reflect”有好多啱飲酒嘅小食,好似呢道牛肉他他就係cocktail party見到都會想食,就算女生直接用手拎起食都好優雅。脆脆法包多士加埋精製牛肉他他、巴馬臣芝士,又脆又軟綿綿。
![](https://www.openrice.com/userphoto/CMSContent/0/8H/001OAIE76FD692CB0170C6j.jpg)
意粉 | Scallop Linguine
好鍾意“Reflcet”咩都有得食,就算一班人飯局都唔使煩。呢道意粉嘅帶子真係好搶眼!! 扁意粉又掛滿自家製海膽汁,雙重鮮味勁吸引。
![](https://www.openrice.com/userphoto/CMSContent/0/8H/001OAJ47EACF293AB81859j.jpg)
![](https://www.openrice.com/userphoto/CMSContent/0/8H/001OAKC75255E107EE5709j.jpg)
主菜 | Enchilada
Enchilada係地道墨西哥料理,墨西哥粟米皮包住雞/牛肉餡料,入面仲有2種芝士、生菜、番茄、豆蓉,最後淋上墨西哥三色醬烘焗至金黃酥脆,啖啖邪惡拉絲又惹味。
![](https://www.openrice.com/userphoto/CMSContent/0/8H/001OAL869A3C4D997D10E3j.jpg)
主菜 | Pork Loin Chop
加拿大保濕豬鞍出名軟嫩濕潤,食之前用刀一切到底嘅手感就知幾嫩喇。食落豬味濃零羶味,配埋烤焗甜薯、特色阿根廷香草醬,有種溫軟甜蜜感覺,約會晚餐必食。
![](https://www.openrice.com/userphoto/CMSContent/0/8H/001OAM5D7E349B7C8C7A97j.jpg)
甜品 | Chocolate Tart
呢度嘅自家製甜品即叫即製,好似呢款流心朱古力撻上枱嗰陣仲好熱㗎。切開流出濃濃朱古力漿好有儀式感,配埋士多啤梨雪糕解膩啱啱好。
![](https://www.openrice.com/userphoto/CMSContent/0/8H/001OAN07B23153A9CE4650j.jpg)
甜品 | Apple Crumble Tart
另一款自家製甜品就有蘋果金寶撻,香甜蘋果肉同脆脆已經有雙重口感,今次放埋入撻皮仲多咗種鬆脆感好正。
![](https://www.openrice.com/userphoto/CMSContent/0/8H/001OAOC7404101EFEB63D9j.jpg)
【旺角飲酒熱點】最新推出自家品牌希臘紅/白酒
“Reflect”有個大天台坐得舒服,真係未試過望住旺角夜空飲酒呀。最近佢哋仲新推希臘提子釀造嘅3款紅/白酒,酒身比較dry並富獨特提子香。
好啱配主菜飲,唔會遮咗牛扒、海鮮味,又可以平衡整體口感,可以提升成個用餐體驗。
![](https://www.openrice.com/userphoto/CMSContent/0/8H/001OAP985272214F9A32A7j.jpg)
飲酒食生蠔優惠!
凡惠顧任何酒類1支,即享$48/6隻生蠔。 |
法國生蠔新鮮肥美,好夾乾爽嘅“Reflect”希臘提子釀造白酒。
![](https://www.openrice.com/userphoto/CMSContent/0/8H/001OAQ53F6925863CA93F6j.jpg)
一班人share可以嗌芝士火腿拼盤,有康提芝士、意大利巴馬火腿、黑胡椒腸。
![](https://www.openrice.com/userphoto/CMSContent/0/8H/001OAR014441DED7428E8Dj.jpg)
仲有一系列炸物!! Q彈控必愛炸魷魚圈;極級拉絲嘅酥炸馬蘇里拉芝士棒(配蒜蓉蛋黃醬),同埋飲酒食唔停口嘅拉絲芝士松露薯條。
![](https://www.openrice.com/userphoto/CMSContent/0/8H/001OASC744EE5AE719A768j.jpg)
![](https://www.openrice.com/userphoto/CMSContent/0/8H/001OAT416A18D6EFBB88CAj.jpg)
![](https://www.openrice.com/userphoto/CMSContent/0/8H/001OAUC7704C5D8343E91Ej.jpg)
除咗紅/白酒、啤酒外,駐場調酒師設計咗多款IGable雞尾酒。好似泡泡煙嘅Fruity Garden(水果花園)、超夢幻還原阿拉丁神燈嘅Aladin(阿拉丁)都好驚喜。
Fruity Garden(水果花園)好唯美,一戳開透明泡泡即彌漫仙氣,一定要準備影story呀。Fruity Garden有多種口味選擇—士多啤梨/黑莓/芒果,再混合伏特加、橙、菠蘿、桃子調製。
![](https://www.openrice.com/userphoto/CMSContent/0/8H/001OAVA1F2C2770E4D6DE2j.jpg)
Aladin(阿拉丁)
完美還原阿拉丁神燈,入面係Rum、椰子、菠蘿、柑橘調配嘅神秘藍色酒,斟酒嗰刻好夢幻!!
![](https://www.openrice.com/userphoto/CMSContent/0/8H/001OAW7958708FE7232AB8j.jpg)
Pirates Daily(海盜日常)
電影世界中,海盜都會豪邁拎住木桶大啖大啖飲酒,而家都可以試吓呢種暢快感覺喇。木桶杯入面係Dark Rum、花生、堅果、奶油、柑橘調配雞尾酒,獨特果仁味幾驚喜。
![](https://www.openrice.com/userphoto/CMSContent/0/8H/001OAXF8BD891F0BE614CEj.jpg)
Xipe Totec
充滿神秘氣氛嘅Xipe Totec,以杜松子酒、茉莉花茶、梨、薑組成,完美結合柔和香辛味道。
![](https://www.openrice.com/userphoto/CMSContent/0/8H/001OAY2ECD156B2A1AFFBBj.jpg)
Espíritu
好少見用Espresso咖啡整嘅雞尾酒,仲係撞上Jack Daniels威士忌、橙汁、菠蘿汁。強烈威士忌酒味中,隱約滲出咖啡味幾驚喜。
![](https://www.openrice.com/userphoto/CMSContent/0/8H/001OAZBC20DFD6621B7E9Aj.jpg)
REFLECT Restaurant & Bar
地址: 旺角西洋菜南街74-84號旺角城市中心12樓
電話: 94029697
FACEBOOK: https://www.facebook.com/reflect.hk
DM/WhatsApp 94029697 For Reservation