今年母親節，一於帶媽媽去印度宮廷風嘅“CHUTNEY”做一晚女皇啦。呢度由外籍大廚主理，仲有兩大個印度窯爐Tandoor即烤印度烤餅、肉扒同海鮮，完美還原地道風味啊。
母親節套餐包括熱湯、前菜、主菜同甜品，主菜咖喱會免費跟配埋印度烤餅 / 印度香米，兼可以優惠價追加雞尾酒㗎。菜式份量夠大碟，好啱一家人share。
“CHUTNEY”母親節套餐$498/位
【熱湯】 菠菜芝士湯(Palak Paneer Ka Rasam)
【前菜】 香辣串燒雞(Chicken Reshmi Kebab)
【主菜(任選1款)】 阿富汗牛肉(Afghani Beef) 或 窯爐雞肉(Chicken Changezi) 或 Chutney特色黑扁豆(Chutney’s Signature Daal)
所有咖喱跟配以下(任選1款) 原味烤餅 / 葫蘆巴烤餅 / 蒜香烤餅 / 印度香米
【甜品】 母親節蛋糕
【ADD ON】 無酒精雞尾酒 Cheers to Queen Bee$58
雞尾酒 The In Charge$68 |
【熱湯】菠菜芝士湯(Palak Paneer Ka Rasam)
第一道熱湯已經好有印度風味，結合新鮮菠菜同茅屋芝士(Cottage Cheese)，味道既清新又濃郁，相當微妙。口中又會慢慢滲出咖喱葉、芥末籽嘅辛香風味，飲完好暖胃啱晒媽媽呀。
【前菜】香辣串燒雞(Chicken Reshmi Kebab)
前菜階段已經啖啖肉，呢道印度串燒雞用咗印度香料醃製，雞味幾有層次。外層又烤到金黃色，配埋印度微辣胡椒醬好惹味。
【主菜3選1】
阿富汗牛肉(Afghani Beef)
如果你鍾意煙燻料理，呢道阿富汗牛肉就好啱喇。醃製牛肋骨慢煮到好軟嫩，唔使用力咬已經化開咁。獨特煙燻味嚟自煙燻鹽，所以香得嚟又唔會好嗆，長輩都啱食㗎。唔少得加埋洋蔥、番茄同乳酪一齊煮，用嚟配印度烤餅好正!!
窯爐雞肉(Chicken Changezi)
印度傳統窯爐(Tandoor) 新鮮出爐嘅烤雞，雞肉夠熱又有淡淡炭香。醬汁用咗番茄、洋蔥醬同忌廉煮，酸甜微辣交織，好推薦大家叫多碟印度烤餅清埋啲汁!!
Chutney特色黑扁豆(Chutney’s Signature Daal)
印度菜成日都會用豆類入饌。好似呢道主菜咁，將黑扁豆放入窯爐煮到軟糯綿密。撈埋薑蒜醬、番茄、忌廉同芫荽一齊食，口感味道都好豐富，就算無肉菜式依然飽肚滿足，如果媽媽想go green吓就啱喇。
【優惠追加】雞尾酒 / 無酒精雞尾酒
歡聚慶祝母親節，緊係要飲返兩杯助慶啦。套餐貼心提供雞尾酒
(The In Charge)、無酒精雞尾酒(Cheers to Queen Bee) 追加。兩杯都係靚靚紅色調好啱打卡，就算唔飲酒都感受到熱鬧氣氛。
CHUTNEY
地址: 中環雲咸街75-77號嘉兆商業大廈4樓
電話: 23300027