聖誕喺香港都可以有度假vibe～尖沙咀“KABOOM” 位於20樓，佔地兩層，下層室內空間、上層空中花園均可欣賞維港日落同夜景㗎。
全店以峇里風為主題，採用芬蘭木材同天然竹裝飾，好似去咗峇里海灘度假咁！室內有大玻璃望到成個維港海景，藤凳有厚咕𠱸坐得勁放鬆。
峇里風主題，有大玻璃望到維港海景。
空中花園就有太陽草傘、大藤椅，飲杯雞尾酒傾計好chill，聖誕一定要嚟放吓假呀。即睇聖誕套餐有咩食啦～
空中花園好開揚，有陽草傘同吧位好relax。
【聖誕套餐】
呢度由外籍主廚設計菜式，主打東南亞風酒吧料理，好啱配酒㗎。
熱湯: 野生蘑菇松露湯
前菜(3選1): 雞肉及豬肝醬／KABOOM香辣暴風蝦／北海道帶子釀大啡菇
主菜(4選1): 法式煎鴨胸／鐵板龍蝦尾意大利麵／和牛肉眼扒／烤峇里鱈魚
甜品: It's a Christmas Tree!
雞尾酒: Hello Snowman! |
聖誕套餐價錢$688/人
熱湯//
野生蘑菇松露湯 Wild Forest Mushroom & Truffle Soup
湯身好綿滑～有松露忌廉同新鮮香料，冬天飲啖熱湯好有幸福感。
前菜(3選1)//
雞肉及豬肝醬 Chicken & Pork Liver Terrine
烤法包卜卜脆，配雞肉豬肝醬勁濃郁！蘸埋芥末醬一齊食幾有風味。
KABOOM香辣暴風蝦 Spicy KABOOM Style Typhoon Prawns
主廚好擅長東南亞fusion料理，今次避風塘爆炒大蝦換上西式精緻擺盤，灑上脆蒜、紅蔥頭好惹味。
北海道帶子釀大啡菇 Hokkaido Scallop Stuffed Portobello
私心鍾意大啡菇濃厚爆汁口感～今次將西班牙辣腸、北海道帶子一齊烤焗更鮮甜，仲有拉絲幼滑嘅車打芝士、美國蒙特利積芝士更香濃。
主菜(4選1)//
法式煎鴨胸 Margret de Canard
聖誕食法國菜特別有儀式感～呢道煎鴨胸一向係經典法菜，鴨胸有種獨特油香同彈牙口感，配上烤無花果、蜜餞、蔓越莓醬平衡膩感。
鐵板龍蝦尾意大利麵 A La Plancha Lobster Tail Pasta
A la plancha西班牙文意指鐵板，係高溫少油嘅料理方式，用嚟做龍蝦尾好夾，香口又keep到鮮甜味。將車厘茄、鹹蛋碎同辣番茄醬撈埋墨汁意粉食，鹹香微辣幾豐富。
和牛肉眼扒 Wagyu Rib Eye Steak
和牛肉眼扒佈滿油花，入口會化出油香但同時keep到肉感，肉味都幾濃。配埋法式千層薯仔批、紅酒肉汁食好滿足，聖誕大餐就係要食到咁高質嘅和牛扒呀。
烤峇里鱈魚 Roasted Balinese Cod Fillet
如果你鍾意食魚，一定要試呢道烤峇里鱈魚，因為鱈魚有濃厚魚味，再以焦糖紅甜椒醬引出鮮味幾有驚喜。
甜品//
It's a Christmas Tree!
好可愛嘅聖誕樹甜品!! 有宇治抹茶慕絲、紅豆、抹茶海綿蛋糕同朱古力布朗尼。抹茶微甘中和甜味，層次豐富又唔會太膩。
雞尾酒//
Hello Snowman!
少女心爆發嘅棉花糖雪人！以Gin酒、白酒、自家葡萄甜酒調配，酒香帶輕甜。
KABOOM
地址: 尖沙咀北京道12A號太子集團中心20樓
電話: 37088114