聖誕除夕想有啲泰越度假風，可以試吓呢間泰越酒吧餐廳「MAMTOM」，喺尖東海傍幾有Feel，加埋木系裝潢好似去咗亞洲啤酒花園咁。今年佢哋推出咗聖誕同除夕菜單，兩個套餐都係500蚊/人內，CP值幾高。聖誕套餐會有雜錦沙嗲串燒、泰式燒牛肉、燒羊架、同菠蘿雪葩等；除夕套餐就有泰式牛肉沙律、越式香茅烤雞、酥炸蝦籃、烤紐約客牛排等等，即刻睇詳情啦～
木系裝潢好有東南亞風味。
呢度有駐場調酒師，盡情飲酒迎接2026年啦。
「MAMTOM」有戶外座位同大窗，可以欣賞埋尖東夜景。
「MAMTOM」位於有「酒吧街」之稱嘅尖東，戶外座位更加有氣氛。
聖誕套餐$428/人🎄
飲住暖笠笠冬蔭功過聖誕幾有新鮮感～ 套餐仲有多款泰式風味沙嗲、燒牛肉等，最特別係用菠蘿上枱嘅菠蘿雪葩，想有儀式感地打卡就啱晒喇。
【前菜(4選1)】 雜錦沙嗲(雞肉/牛肉) 配青瓜及花生醬(Gambari Machwi) 鮮蝦柚子沙律 越式炸春卷 青木瓜沙律 【熱湯(2人分享) 】 冬蔭功湯 【主菜(4選1)】 泰式燒牛肉 燒羊架 巴東燒黃花魚(原條) 泰式羅勒炒雞肉碎 【甜品(2選1) 】 熱情果白朱古力蛋糕 菠蘿雪葩 |
【前菜(4選1)】
雜錦沙嗲(雞肉/牛肉)
即叫即燒熱辣辣串燒，雞肉幾嫩、牛肉幾有肉味嚼勁。作為串燒靈魂嘅花生醬有少少花生咬口，鹹甜鹹甜幾正!!
鮮蝦柚子沙律
泰國柚子肉加埋大大隻鮮蝦、烤椰子、炸乾蔥，口感同味道都好豐富。如果你平時鍾意泰國嘅甜味，應該會好鍾意呢個輕甜嘅棕櫚糖汁。
越式炸春卷
越式炸春卷炸到好薄脆，入面係滿滿雞肉碎、生菜同越南香草，蘸魚露汁一齊食好有風味!!
青木瓜沙律
泰國菜經典青木瓜沙律！青木瓜份量激多，大大啖咁食好爽。配料仲有長豆、蝦乾、辣椒及花生，加埋酸子汁酸酸辣辣好醒胃。
【熱湯(2人分享)】
冬蔭功湯
冬天飲個冬蔭功湯，仲有個爐暖住好有幸福感!! 湯底辣得爽但唔會太激，酸酸辣辣又有啲香茅、南薑同海鮮味，配料有大大隻河蝦㗎。
【主菜(4選1)】
泰式燒牛肉
呢碟泰式燒牛肉份量好大，燒牛肉肉質仲好嫩，加埋自家製莎莎醬真係瞬間清碟。
燒羊架
聖誕想食得Decent啲，可以揀呢道燒羊架。外層燒到微焦，咬開有種焦香口感，加埋鹽味薯蓉同開心果蔥油好惹味。
巴東燒黃花魚(原條)
心大心細，想食魚又想食肉～ 呢道燒原條巴東燒黃花魚，會跟配埋泰式羅勒炒雞肉碎，加埋辣椒、黑醬油勁有東南亞風味。
【甜品(2選1)】
熱情果白朱古力蛋糕
綿綿滑滑嘅白朱古力蛋糕，配搭酸甜嘅熱情果醬幾清新。
菠蘿雪葩
用菠蘿上枱嘅菠蘿雪葩好有儀式感，冰涼口感好解膩，而且食好食菠蘿香甜味。
除夕套餐$498/人🎉
食住東南亞菜迎接2026年啦～ 除夕套餐都有暖笠笠嘅冬蔭功湯，加埋越式香茅烤雞、烤紐約客牛排等，真心豐富。
【前菜(4選1)】 泰式牛肉沙律 越式香茅烤雞 混合沙嗲 (雞肉 / 牛肉) 酥炸蝦籃 【熱湯(2人分享) 】 冬蔭功湯 【主菜(4選1)】 泰式蕉葉烤魚 烤紐約客牛排 (300克) 泰式青咖哩雞配飯 泰式炒寬粉 【甜品】 |
【前菜(4選1)】
泰式牛肉沙律
泰式牛肉嘅軟嫩酸辣真係好吸引!! 特別係呢個牛肉沙律，將牛嫩肩肉連埋番茄、紅蔥頭、辣椒一齊食好惹味，食之前記住加少少青檸汁啊。
越式香茅烤雞
越南街頭風味香茅烤雞，用咗大蒜、椰子、香草醃製，直接拎住竹簽食啖啖肉幾過癮。
混合沙嗲 (雞肉 / 牛肉)
作為泰式料理經典嘅沙嗲串燒!! 聖誕同除夕套餐都食到，勁鍾意佢個鹹甜花生醬。
酥炸蝦籃
想食炸蝦嘅話，唔使多諗～ 直接揀呢道酥炸蝦就啱晒啦，連埋泰式醬汁幾有東南亞風味，飲酒一流。
【熱湯(2人分享)】
冬蔭功湯
除夕套餐都有冬蔭功湯，冬天飲碗酸辣熱湯真係無得輸。
【主菜(4選1)】
泰式蕉葉烤魚
黃花魚肉出名鮮嫩，反而配料嘅燒泰國茄子、燒蘑菇輕焦好惹味，真心有驚喜。
烤紐約客牛排(300克)
牛排好大件厚切，而且越咬越有肉味，鍾意大時大節鋸扒就啱晒喇。
泰式青咖哩雞配飯
泰國地道青咖喱椰奶味好香，完全係白飯小偷。而且香料味好重又唔會太辣，平時唔嗜辣都可以一試。
泰式炒寬粉
澱粉控一定要試嘅泰式炒寬粉，食到大廚真係大火猛炒好有鑊氣，寬粉口感輕韌。當然，最重要係和牛份量幾多！
【甜品】
百香果白朱古力蛋糕
同聖誕套餐一樣，可以食到呢道百香果白朱古力蛋糕，酸酸甜甜幾解膩。
MAMTOM
地址: 尖沙咀麼地道62號永安廣場地下1-6及45-46號舖
電話: 27213600