東南亞好多地方都好chill，想感受吓泰國、越南等地嘅飲酒文化，尖東海傍新開嘅“MAMTOM”酒吧就可以沉浸式體驗東南亞風情，好似去咗亞洲啤酒花園咁呀。
呢度下晝、夜晚都開門，午餐時段就有東南亞傳統家常菜餚，喺個靚靚環境食碗越南河粉、泰式炒河粉，絕對係尖沙咀上班族唞氣好地方啊。
午餐時段有東南亞家常菜餚。
Pho Bo Beef。有慢煮24小時牛肉高湯、胸腩、西冷牛排米粉，湯底都好濃郁。
Fried Spring Rolls。春卷好薄脆，內餡有免治雞肉、生菜、越南香草，蘸埋越南甜辣醬好惹味。
最後飲個椰青好爽!!
去到夜晚，“MAMTOM”更會化身熱鬧啤酒花園，由裝潢細節到菜單設計均建構出東南亞氛圍。同朋友喺澎湃音樂下享用啤酒塔、雞尾酒、清酒、燒酒；仲有一系列美食、各式飲品，儼如置身異國之中。
一班朋友嚟必嗌啤酒塔。
MAMTOM
地址: 尖沙咀麼地道62號永安廣場地下1-6及45-46號舖
電話: 27213600