好玩燒肉放題！推薦任食安格斯靚牛

平時燒肉放題都係以量取勝，但入廚經驗超過30年嘅銓哥就唔係咁睇，其實食放題都可以好好玩。因為「德家日式燒肉店」場內已有齊食材、香料、調味醬、熱湯，主廚銓哥就話：「食材配料都齊晒喇，加埋烤肉塊鐵板咩都煮到呀」。

店內寬敝，並提供VIP房預約，好啱聚會派對。

2小時放題時間可以同朋友一齊任食任煮，韓式燒肉、蒜蓉炒菜、麻辣燙……總之諗起咩都可以試煮！仲會見到主廚銓哥成晚全場走～睇吓食客鍾意食咩，再介紹各種料理，有時仲會即場煮埋畀你試。咦？聽落好似咁熟嘅…係呀，就好似日本廚師發辦咁，經驗師傅依你口味推介各種料理，真係好有誠意嘅燒肉放題店呀。

3款放題套餐選擇！

A 燒肉放題 (成人$248／小童$188)

B 燒肉放題、安格斯拼盤、刺身盛 (成人$298／小童$218)

C 燒肉放題、安格斯拼盤、刺身盛、海鮮盛 (成人$348／小童$268)

*以上均為2小時放題，安格斯拼盤、刺身盛、海鮮盛各一份一次性。

放題份量豐富，包括肉類、海鮮、蔬菜、飲品同甜品。

「德家日式燒肉店」主打燒肉，多款靚肉任食。

「刺身盛」有日本赤貝、帶子、甜蝦、挪威三文魚等。

挪威三文魚同日本刺身好新鮮！

「海鮮盛」有甲羅燒、鮑魚、帶子、大蜆等。

海鮮大隻厚肉，CP值好高。

大胃王召喚！升級Prime級靚牛

燒肉配靚牛是常識吧？任何放題套餐只要另加$50 或 $80 就可以任食靚牛，自問放題必賺嘅大胃王，一定要升級食到回本呀。

升級Prime牛頸脊放題(+$50/位)

任食靚牛包括：Prime牛頸脊肉、黑蒜油Prime牛頸脊肉、Prime頸脊一口牛、芥末Prime頸脊一口牛、Prime牛頸脊肉壺漬

升級安格斯放題(+$80/位)

任食靚牛包括：安格斯牛肋肉、黑蒜油安格斯牛肋肉、安格斯一口牛、芥末安格斯一口牛、安格斯牛肋肉壺漬

安格斯放題集合多款靚肉。

安格斯牛肋肉有咬感，肉味濃！

即睇有咩食！

3款放題套餐都有嘅「燒肉放題」，基本上有齊全部燒肉配料，包括牛肉類、羊豚雞類、海鮮類、野菜類等。

牛肉類

極上牛肋肉、牛舌薄切、牛胸腹壺漬、特上牛脊肉等

羊豚雞類

羊排、豚頸肉、雞腿肉、五花肉、手羽先等

海鮮類
車海老、半殼青口、帆立貝、鹽燒鯖花魚等

潮燒/野菜類

一口甜蛋、牛油鮮菌、翠玉瓜、金菠蘿、迷你甜薯、秋葵／粟米、虎皮蕉、煙鴨胸等

主食類

牛肉稻庭烏冬、海鮮粥、胡麻醬冷稻庭烏冬、御飯等

除咗靚牛，羊排、豚肉、雞髀肉、單骨雞翼等都好吸引。

(左)羊排、(右)五花腩

潮燒/野菜類款式好多。

(左)迷你甜薯、(右)一口甜蛋都好受歡迎。

成班朋友食住玩！

銓哥入廚多年，一直覺得煮嘢食好有樂趣，所以想呢度嘅食客都係「食住玩、玩住食」。所以店內自助區好多選擇—凍蝦、粟米、蔬菜等，加埋燒肉放題食材已經玩到好多料理出嚟，而且一啲都唔難。銓哥坦言：「就啱啱噚晚，兩位男食客將牛肉燒到燶晒，我咪教佢分開啲放肉，再喺肉上加啲蔥油醬，捲埋食好好味㗎！跟住兩位食客都食得好滋味，見到客人食得開心，我就開心喇。」