各國飲食文化源遠流長，埃及人Chef Ahmed Menshawy正正擅長非常特別嘅黎巴嫩古老食譜，無論味道、擺盤都好出色，盡顯傳統典雅特質。
Chef Ahmed Menshawy超過40年黎巴嫩料理經驗，曾於開羅嘅喜來登酒店掌廚；及後於黎巴嫩、杜拜同好多歐洲國家工作，閱歷豐富。而家去尖沙咀“RUE DU LIBAN”，無論午市/晚市(營業時間: 11:30am-10:30pm) 都可以食到佢嘅手藝喇，即刻睇埋優惠詳情～
“RUE DU LIBAN”優惠詳情
逢星期一至五(3:00pm-5:00pm)，單點餐牌即享75折 |
埃及人Chef Ahmed Menshawy擁超過40年黎巴嫩料理經驗，曾於開羅嘅喜來登酒店掌廚，擅長黎巴嫩古老食譜。
黎巴嫩當地人必食！凍/熱開胃菜(Cold/Hot Mezze)
沿山林道行好快就到“RUE DU LIBAN”，見到藍色花花大門好靚啊。一坐低可以嗌啲黎巴嫩地道開胃菜先，凍開胃菜(Cold Mezze)同熱開胃菜(Hot Mezze) 都有好多選擇，當地人凍/熱都會食啲。
尖沙咀藍色花花小店“RUE DU LIBAN”。
異國風裝潢配搭漫天花海，好IGable。
【凍開胃菜(Cold Mezze)】
比薩拉(Bisara)
凍開胃菜主要係豆蓉、核桃蓉、茄子蓉、蒜香乳酪等，好有健康地中海飲食特色。當中最新出就係呢款比薩拉(Bisara)，將白豆蓉混入芫荽、蒔蘿、洋蔥、大蒜，口感滑順又有豆香，好啱配彼得包或脆片食㗎。
黎巴嫩菜有好多豆類、蔬菜入饌，健康好味。
【熱開胃菜(Hot Mezze)】
熱開胃菜雜錦拼盤(Hot Mezze Platter)
想一次試多幾款Hot Mezze，可以直接揀雜錦拼盤，有炸羊肉球、芝士酥角、炸鷹嘴豆餅、菠菜松子仁酥角。外層啡色嘅炸羊肉球同炸鷹嘴豆餅都好厚脆，有種外硬脆、內軟綿嘅過癮口感，羊肉味都幾濃又唔會太羶。
另外嘅芝士/菠菜松子仁酥角就香口好多，特別係芝士酥角真係幾脆，一咬開即刻湧出芝士味，飲酒一流!! 另一款嘅菠菜餡超爆滿，不過蔬菜味唔算好重，反而覺得幾鹹香。
熱開胃菜雜錦拼盤，全部都好乾身香脆唔油膩。
香烤哈羅米芝士(Grilled Halloumi Cheese)
儀式感十足嘅Hot Mezze!! 鐵板出晒煙兼「咋咋」聲咁上枱，未食已經聞到好香芝士味啦。哈羅米芝士燒到金黃色，咬落去焦焦脆脆，跟住係柔軟+煙韌嘅獨特口感。
同平時啲拉絲芝士唔同，一入口唔會好鹹，後續會慢慢滲啲芝士味出嚟。上面又鋪滿無花果、石榴糖蜜，撞出鹹鹹甜甜感覺，大讚！
鐵板哈羅米芝士好有儀式感，芝士輕焦又有少少煙韌。
【主菜Main】
香烤蒜醬虎蝦(Grilled Tiger Prawns with Garlic Sauce)
鍾意鐵板嘅話，主菜要嗌埋呢道烤虎蝦！鐵板嘅「咋咋」聲更強勁，我哋個位即刻彌漫住海鮮+大蒜嘅香味啊。而且每隻虎蝦都好大隻，我哋無剥蝦殼直接咬啲蝦肉出嚟，蝦殼外層嘅汁又香又惹味，蘸埋個醬食平衡鹹味啱啱好。
超級香嘅烤虎蝦！連蝦殼都整到好惹味。
招牌慢煮羊腿煲(Signature Lamb Shank Clay Pot)
唔只鐵板有儀式感，連呢道招牌慢煮羊腿煲都有專人即席切開酥皮。用煲仔慢煮嘅羊腿煮到好軟腍，入面嘅雜菜、松露薯蓉就吸滿羊肉精華。食嗰陣用少少酥皮包住羊腿，再蘸埋入面嘅肉汁食，正啊!!
招牌慢煮羊腿煲，由專人即席切開酥皮。
食嗰陣用少少酥皮包住羊腿，再蘸埋入面嘅肉汁食。
【Lunch午餐】
而家尖沙咀打工仔又多個選擇，“RUE DU LIBAN”每日都有午市套餐(包括是日餐湯、小食拼盤、主菜、甜品、飲品)，單單小食拼盤就有鷹嘴豆蓉&紅菜頭鷹嘴豆蓉、薄脆紅石榴醬沙律、炸鷹嘴豆餅；而主菜有烤雞肉串、烤羊肉串、黎巴嫩蘑菇白汁煮牛肉等。全部都係好地道嘅黎巴嫩料理，幾有新鮮感。
有時想快食，可以揀經典中東美食—沙威瑪手卷(Shawarma Wrap)，全部跟配薯條同汽水。烤雞肉/烤牛肉/烤羊肉串都用香料醃過，風味濃郁，肉質仲keep住juicy。
唔想食咁多肉，都有香烤哈羅米芝士手卷、炸鷹嘴豆餅手卷揀，爆餡口感更實在!!
經典中東美食—沙威瑪手卷(Shawarma Wrap)。
烤雞肉/烤牛肉/烤羊肉串 都好啖啖肉。
炸鷹嘴豆餅手卷。餡料綿滑，好有爆餡口感。
RUE DU LIBAN
地址: 尖沙咀山林道22-26號地下A號舖
電話: 23102922