情人節唔只得鋸扒選擇，可以揀間高級薄餅店感受吓意大利浪漫。“Abbraccio”主打手工意式薄餅，今年推出情人節套餐，只需$398/人就有2款前菜+薄餅+意粉，連埋紅白酒優惠CP值好高。呢度有開揚露天座位眺望大館，有種異國氣氛。室內用餐區則設軟皮卡位，開杯紅白酒幾有情調。
開揚露天座位可眺望大館，有種異國氣氛。
另一邊俯瞰中環都市景，夜晚幾靚㗎。
室內軟皮卡位，係另一種浪漫情調。
“Abbraccio”情人節紅白酒優惠
只需$198/人，即享2小時任飲指定紅白酒 |
“Abbraccio” 情人節套餐
Starter (5選2) - 巴馬臣芝士麵包條(Cheese Breadstick) -薄切牛肉配吞拿魚醬(Vitello Tonnato) -意式肉丸(Polpetoni) -生菜配松露(Latturga e Tartufo) -雞肉沙律(Insalata di Pollo)
Main (1 Pizza + 1 Pasta) 任選薄餅1款(Creazioni款式另加$58) 及 任選意粉1款
Desserts
HK$398 / person |
【Starter (5選2)】
前菜5選2種類豐富，無論想食意大利傳統料理(Vitello Tonnato)，抑或go fresh吓食啲沙律、黑松露都得。
“Abbraccio”由外籍大廚主理，可以一嚐意大利地道風味。私心推薦薄切牛肉配吞拿魚醬(Vitello Tonnato)，一道意大利人鍾意食嘅傳統料理。於薄切小牛肉配上吞拿魚醬、勺草，連埋24個月帕爾瑪芝士一齊食，一啖爆發多重鮮味。係一道口感軟滑嘅冷盤，相當開胃。
薄切牛肉配吞拿魚醬(Vitello Tonnato)。薄切小牛肉配上吞拿魚醬、勺草等，一啖爆發多重鮮味。
另一道意大利肉丸料理意式肉丸(Polpetoni)，將自家製安格斯牛肉肉丸加入意大利番茄醬、巴馬臣芝士。牛肉滿滿吸收醬汁風味，濃郁滿足好啱冬天食。
意式肉丸(Polpetoni)。用安格斯牛肉自家製肉丸，肉味特濃、吸滿醬汁。
好多女生於前菜階段，都會鍾意食啲沙律先，雞肉沙律(Insalata di Pollo)就有混合沙律菜、雞胸肉、24個月高級巴馬臣芝士(Grana Padano)。特別加咗輕辣洋蔥、香濃嘅香醋糖漿，味道更有層次。
雞肉沙律(Insalata di Pollo)。加咗輕辣洋蔥，味道更有層次。
【Main (1 Pizza + 1 Pasta)】
主菜可以薄餅、意粉各揀1款，兩個人share都幾滿足。“Abbraccio”主打手工薄餅，口感、麥味都比一般薄餅好。全店以約500°C高溫焗製，批底輕脆煙韌；批邊都脹卜卜好鬆脆㗎。
意式風乾牛肉薄餅(Bresaola)
好多人食薄餅都鍾情意大利風乾牛肉，呢款薄餅鋪滿風乾牛肉之餘，仲有意大利DOP認證水牛奶製Mozzarella芝士、24個月巴馬臣芝士，鹹香濃厚。
集合兩種芝士，特別鹹香濃厚。
三文魚意大利麵(Salmone e Panna)
同場有多款意粉選擇，想開胃啲可揀意大利通心粉。大廚用白酒、白蘭地煮製，煙三文魚都有淡淡酒香。
大廚用白酒、白蘭地煮製，煙三文魚都有淡淡酒香。
意式肉醬麵(Alla Bolognese)
想食經典意大利味道，可以回歸基本揀呢款意粉(Spaguetti)。以兩種最基礎食材—慢煮牛肉醬、高級巴馬臣芝士(Grana Padano)，煮出傳統濃厚風味意粉。
看似最基本嘅意粉(Spaguetti)，慢煮牛肉醬好花心思有驚喜。
【情人節必食甜品】
紅絲絨提拉米蘇(Red velvet tiramisu)
情人節晚餐一定要食款甜品，“Abbraccio”本身都有得食經典提拉米蘇，係用意式軟芝士(Mascarpone)、可可粉、手指餅、濃縮咖啡(Espresso)製成極富咖啡香。今次特別結合紅絲絨蛋糕元素，入口更加柔軟濕潤㗎。
提拉米蘇結合紅絲絨蛋糕元素，柔軟口感好有幸福感。
Cannoli
意大利當地好受歡迎嘅甜品之一—Cannoli。脆皮筒入面填滿香甜忌廉芝士、蜜餞橙皮、黑朱古力、開心果等。外脆內軟，又交織出多種輕甜味道。
意大利當地好受歡迎嘅甜品，脆皮筒填滿香甜忌廉芝士、蜜餞橙皮等。
Abbraccio
地址: 中環雲咸街75-77號嘉兆商業大廈5樓
電話: 26333878