情人節點少得帶心愛既另一半去半空海景餐廳食大餐? 今次推介呢間高CP值、環境美食都有心思嘅靚靚餐廳。
“KABOOM” 係人氣靚景餐廳之一，座落於尖沙咀鬧市頂樓，儼如煩囂中嘅秘密空中花園。餐廳酒吧佔地兩層，落地玻璃可以飽覽維港靚景，同另一半撐枱腳Chill住嘆菜，絕對係超班嘅all-in-one casual dining好地方啊！
頂樓嘅戶外空間放滿陽草傘、寬敞藤椅，配上芬蘭木材塑造滿滿外國氣氛，無論日頭定黃昏到訪都好好Feel，一定冧到女神啫～
【情人節5道菜套餐】
“KABOOM” 情人節推出5道菜套餐，分別有餐湯、2選1前菜、3選1主菜、節慶甜品同埋甜蜜雞尾酒。呢度嘅料理由酒店級主廚設計一系列Fusion菜式，聽住輕快音樂食大餐，特別有情調!!
情人節5道菜套餐Menu ($738/位)
【餐湯】
Lemongrass Clam Chowder Soup | 檸檬草周打蜆湯
先有經典又不失新鮮感嘅周打蜆湯，特別加入香氣獨特嘅檸檬草，增添多層酸香風味，仲意外地突出到蜆肉嘅鮮甜。
【前菜2選1】
Thai Style Scallop & Crab Meat Roll | 泰式帶子蟹肉卷
“KABOOM” 唔只環境佈置有異國風情，連食物配搭都注入東南亞風味。大廚將東南亞料理常見嘅芒果香料醬汁融入呢道前菜，內餡有蟹肉、帶子、蝦仁、三文魚籽等海鮮，鮮中帶甜辣配海鮮好夾。
Sous Vide South Africa Abalonc | 真空低溫烹調南非鮑魚
真空低溫煮法可以令南非鮑魚更軟嫩，今次仲加咗魚子醬同鮑魚肝醬，多種海鮮味喺入口一刻迅速擴散，好幸福啊～～
【主菜3選1】
Roast Suckling Pig & Spanish Octopus Leg | 烤乳豬配西班牙八爪魚
完美融合地中海、東南亞風味嘅創意料理。主角烤乳豬+西班牙八爪魚好大件，成個組合好Balance，有另類 “Surf & Turf” 嘅感覺。特別鍾意乳豬烤到啱啱好有肉汁，唔使其他調味已經好好味。
Scottish Salmon and Crab Meat Wellington | 蘇格蘭三文魚配蟹肉威靈頓
大時大節唔想鋸扒，可以試吓呢款威靈頓海鮮版本。外層同經典款式一樣金黃酥皮，入面就係粉嫩三文魚+啖啖蟹肉，蘸上忌廉醬同韭菜油仲香𠻹！
Grilled U.S. Angus Tenderloin and Lobster | 烤美國安格斯里肌肉和龍蝦
大家知唔知牛扒咩部位最嫩？就係呢份里肌肉喇！位於牛背部靠近脊椎嘅位置，亦係最少運動到嘅部位，所以肉質特別細緻，纖維同油脂含量相對低，烤完之後冇多餘嘅油膩感，配埋嘅龍蝦都好彈牙爽口。
【甜品】
The Perfect Valentine | 完美情人
情人節傳統當然係送朱古力畀你愛嘅對象，甜品以黑朱古力慕絲為主軸，搭配酸甜解膩嘅熱情果、芒果、士多啤梨慕絲，有唔同層次嘅甜度。中間驚喜地仲有玫瑰+杏桃果醬，多重層次好出色。
【特飲】
A Glass of Valentine’s Special Cocktail | 情人節特調雞尾酒
一邊眺望海景，一邊飲返杯調油師分別為各位男士同女士調制嘅雞尾酒，浪浪漫漫咁完結成個旅程～
KABOOM
地址: 尖沙咀北京道12A號太子集團中心20樓
電話: 37088114