香港各位牛痴同火鍋迷相信都一定知道「616牛肉火鍋專門店」，搜羅本地同世界各國包括英國、加拿大嘅靚牛，供應多款刁鑽部位！例如滑尾龍、胸口膀、嫩池板等，都係坊間少見。枱上會有張「牛紙」解構唔同部位同建議烹煮秒數，保證食得盡興。
愛牛之人嚟到可以試勻唔同部位牛肉，配合特製湯底同醬料食出牛肉鮮味
熱賣Top 2！滑尾龍、橫隔肌
滑尾龍即係牛後腿外側嘅肉條，特色係脂肪少、牛味濃！由於纖維密佈，因此特別配搭616獨門食法：加生雞蛋搞勻再灼！灼20秒左右就食得，外層雞蛋令牛肉變得軟滑，同時保留濃郁嘅牛肉香味。
滑尾龍肉味香濃，配生雞蛋令口感更滑溜
橫隔肌係位於肋骨內側，同橫隔膜相連嘅肉，肉質柔軟、牛肉味極濃！而且每隻500-600斤重嘅牛只有約2斤左右嘅橫隔肌，可想而知係相當罕有嘅部位。除咗就咁食，亦可以同牛側胸一齊食，牛味加上油香係無得輸嘅配搭啊。
橫隔肌係罕有部位之一，牛味最濃
新品列陣 熟成加拿大牛肩脊、加拿大艾伯塔牛肉
近年興起熟成牛肉，等牛肉自身嘅酵素分解其肌肉組織，肉質更軟嫩、柔韌適中，肉香亦會更飽滿同集中！餐廳更從成塊牛頸脊中精選靠近肩脊、呈大理石油脂花紋嘅一部份，經過嚴格品質監控作21日以上嘅熟成處理，帶獨特牛肉風味。
熟成加拿⼤⽜肩脊經過21日以上嘅熟成處理，肉味更濃厚
加拿大各地以Alberta出產嘅牛肉最著名，同餐廳主打嘅本地牛相比，肉汁更多同時牛臊味更低。皆因當地牧場提供自由嘅成長空間畀牛隻，加上空氣清新、水質潔淨。再經人手嚴選出有優良油脂花紋嘅牛側胸部位，牛脂風味出眾。
加拿⼤艾伯塔⽜側胸⾁有獨特牛脂風味，肉質軟滑
池板即係牛上肩胛肌肉，脂肪比例低，而柔軟肉質纖維中蘊藏住肉汁，食落零舍多汁鮮嫩。
加拿⼤艾伯塔嫩池板最能突顯艾伯塔牛鮮嫩多汁嘅特色
牛總推介 本地、英國靚牛
胸口膀又名牛白肉或者牛胸油，即係牛前胸嘅脂肪。唔好聽到脂肪兩個字就怕咗先，食過就知口感意外爽脆唔油膩，同時又有牛脂嘅甘香，非常香口。
胸⼝膀有天然豐富油脂甘香，口感爽脆
英國安格斯⽜前胸肋選用嚟⾃英國嘅Aberdeen Angus，⾎統純正，加上喺當地牧場自由放牧同天然草飼，肉味清新、油份豐富。
英國安格斯⽜前胸肋油脂豐腴、肉味清新
要食到牛肉本身嘅清甜味，當然要揀返牛骨清湯做湯底，用大量新鮮牛骨、洋蔥、白蘿蔔、時令蔬菜同香草等等，慢火熬煮八個鐘頭以上，清澈鮮甜，而且越食牛肉味越香！
牛骨清湯用大量新鮮牛骨同蔬菜熬煮而成
清湯味道鮮甜，能夠帶出牛肉鮮味
將軍澳店有落地玻璃窗，感覺特別舒適開揚
即日起至2022年8月31日，凡於616牛肉火鍋專門店消費即送產品堂食換領券，2022年8月5日至2022年8月18日送<澳洲五花趾>換領券，2022年8月19日至2022年8月31日送<牛骨清湯>換領券。
616牛肉火鍋專門店
*每間指定餐廳支援的付款方式有所不同，詳情請向有關餐廳查詢。餐廳保留最終決定權。
