聖誕去尖東海傍睇燈飾是常識吧，可能你會食飽先去尖東飲嘢散步。但其實尖東都有高質餐廳㗎，仲係香港少有嘅地中海菜。由兩位外籍大廚主理嘅“Mulino”，堅持全用外國食材。因為正宗地中海菜嘅調味料會減至最少，呢度更係天然零味精。味道層次均嚟自天然香料、蔬菜，好難想像咁天然健康嘅料理係咁好食!!
“Mulino”兩位大廚—埃及烹飪總監Mohamed Hegazy、摩洛哥籍行政總廚Faycal El Moujahid 均於外國酒店入廚多年極富經驗，佢哋就喺2010年杜拜豪華酒店工作時認識喇。所以佢哋嘅料理都係酒店級精緻，好啱聖誕、除夕晚餐打卡影相。
店內掛滿唯美燈泡，好有外國氣氛。
戶外座位好開揚，可以眺望尖東海傍。
今年，外籍大廚設計咗限定聖誕菜單、限定除夕菜單，即睇有咩食啦～
限定聖誕節菜單
聖誕大餐點少得鵝肝醬、牛扒、海鮮！呢3款高級食材，由前菜食到主菜，最後以唯美朱古力慕絲蛋糕作結，絕對係滿分約會。
Foie Gras Terrine with Cranberry 鵝肝醬配蔓越莓
Mix Seafood Rigatoni 雜錦海鮮粗管通粉
24 Hours Short Rib 24小時燉牛肋扒
Chocolate Mousse Cake 朱古力慕絲蛋糕 |
聖誕約會一嚐多款矜貴食材。
Foie Gras Terrine with Cranberry
鵝肝醬配蔓越莓
法國聖誕到處可見鵝肝醬蹤影，將鵝肝醬抹上堅果脆包好有儀式感。一啖鵝肝醬、一啖無花果遊走鹹甜之間，相當滿足。
將鵝肝醬抹上堅果脆包好有儀式感，一次品嚐鹹香微甜。
Mix Seafood Rigatoni
雜錦海鮮粗管通粉
Rigatoni係外形可愛嘅粗管通粉，比常見長通粉更有口感。一咬落去輕韌爆出醬汁。配上鱒魚魚子醬、24個月巴馬臣芝士相當濃香，好啱冬天氣氛。
粗管通粉更有咬口，每啖都食到巴馬臣芝士。
24 Hours Short Rib
24小時燉牛肋扒
極厚切牛肋扒鋪滿果仁，精緻度儼如甜品。經24小時燉煮後，牛肋扒好醇厚香濃，肉質軟嫩到好似入口融化咁，加埋果仁有種又軟又脆嘅雙重口感。
極厚切牛肋扒可以咁軟嫩，好考大廚手藝。
Chocolate Mousse Cake
朱古力慕絲蛋糕
最後就有朱古力慕絲蛋糕，朱古力味好香濃，軟滑質地好有幸福感。
朱古力慕絲蛋糕質地軟滑，於口中慢慢滲出朱古力味。
限定除夕菜單
除夕晚餐充滿外國氣氛，外國人過節常有嘅香焗田螺、酥皮牛扒，想配紅/白酒都好啱。
Fig and Beet Garden 無花果配紅菜頭
Escargot 香焗田螺
Steak & Puff Pastry 酥皮牛扒
Passion Fruit & Cassis 熱情果配黑加侖子慕絲蛋糕
HKD$ 788 (每位) |
除夕晚餐有焗田螺、酥皮牛扒，充滿外國節日氣氛。
Fig and Beet Garden
無花果配紅菜頭
地中海菜擅於以水果、蔬菜入饌，呢道前菜就以兩種輕甜食材—無花果、紅菜頭為主，伴煙燻鴨胸肉、黑橙、藍芝士一齊食，每啖都有多重味道變化，極有驚喜。
以兩種輕甜食材為主，伴煙燻鴨胸肉、黑橙、藍芝士締造味覺驚喜。
Escargot
香焗田螺
唔知你有無發現，除夕晚餐以經典聖誕顏色紅、綠為主，焗田螺薯蓉更巧妙加入番荽撞出節日綠色。焗田螺口感好Q彈，連埋綿滑薯蓉一齊食更有層次。
薯蓉略帶香草味，配Q彈田螺食更有層次。
Steak & Puff Pastry
酥皮牛扒
大時大節都想鋸扒，今年試吓配酥皮有啲驚喜啦。外籍大廚特選貴價striploin牛扒肉質好柔軟，配鬆脆酥皮撞出又軟又脆口感。而且入口先有豐腴牛扒油花，後續再滲出酥皮牛油香好正。
平時成日鋸扒，今年試吓牛扒配酥皮撞出又軟又脆口感。
Passion Fruit & Cassis
熱情果配黑加侖子慕絲蛋糕
酥皮牛扒過後，以輕甜黑加侖子慕絲蛋糕作結，恰好中和酥皮油感，相當圓滿。
熱情果配黑加侖子慕絲蛋糕，甜度恰到好處。
除此之外,餐廳仲做緊午市套餐及單點8折時段12pm to 3pm,即訂位試試!
Mulino
地址: 尖沙咀麼地道62號永安廣場地下1-6及45-46號舖
電話: 27213600