
「週年慶活動」優惠5連發詳情!
憑藉手工意粉打出名堂嘅「紅館RaRe Restaurant」,係由藍帶主廚Ryan同太太一齊家庭式主理嘅法國菜餐館。早年因街道重建,小店由擺花街搬到干諾道中,轉眼已經一週年喇。為咗答謝大家一直支持,推出「週年慶活動」優惠5連發回饋大家!!

「紅館RaRe Restaurant」憑藉手工意粉,於擺花街打出名堂。及後因街道重建搬到干諾道中,感謝食客一直支持。

小店係老闆Ryan鍾情嘅小餐館環境。一直堅持初心,想大家置身外國輕鬆氣氛,同朋友食吓嘢、飲酒傾吓偈。
【週年慶第一彈】午市套餐優惠
午市套餐送甜品 供應時間: 11:30-1:30pm 優惠詳情: 惠顧午市套餐即送甜品1客
午市套餐85折 供應時間: 1:30pm-4:00pm 優惠詳情: 惠顧午市套餐即享85折 |
午市套餐提供7道主菜選擇,只要+$28即可追加前菜、飲品;+$48就有前菜、飲品、甜品。如果揀啱時間嚟,可以慳咗甜品追加價錢;或者直接享受85折,CP值幾高啊。7道主菜之中,低溫慢煮西班牙豬扒以低溫慢煮方法保留豬扒肉汁,臨上碟前再將外層煎香。

午市套餐主菜: 低溫慢煮西班牙豬扒$238。指定時間即送甜品;或享受85折優惠。
如果你鍾意柔嫩肉質,一定要試吓呢道經典法國料理紅酒燴牛臉頰肉。經長時間燉煮,牛臉頰肉更吸滿紅酒、香料味。

午市套餐主菜: 紅酒燴牛臉頰肉$238。指定時間即送甜品;或享受85折優惠。
【週年慶第二彈】藍青口任食優惠
供應時間: 1:45pm-9:30pm 優惠價錢: $298/位,任食2小時 優惠詳情: 提供3款口味—香草白酒牛油藍青口、冬陰功藍青口、番茄藍青口,免費跟配自家製佛卡夏 |
今次任食嘅藍青口好高質,每隻都飽滿又有海水味,而且任食2小時好充裕。私心鍾意傳統做法嘅香草白酒牛油藍青口,簡單地用牛油香草突顯青口鮮味。而冬陰功口味就最有新鮮感,酸酸辣辣醒神過癮。番茄口味就同自家製佛卡夏最夾,鬆軟麵包吸滿醬汁,每啖都係青口精華啊!!

藍青口任食2小時。提供3款口味—香草白酒牛油藍青口、冬陰功藍青口、番茄藍青口,免費跟配自家製佛卡夏。

香草白酒牛油藍青口。最傳統做法,用牛油香草突顯青口鮮味。

冬陰功藍青口。藍青口好飽滿,直接用手拎起食可以啜埋啲汁,正啊。
【週年慶第三彈】「六道菜晚市二人套餐」5折優惠
供應時間: 5:30pm-9:30pm 優惠價錢: $699/2位(原價$1,398/2位) |
「六道菜晚市二人套餐」原價$1,398/2位,而家5折$699/2位就食到啦!! Ryan遠赴法國獲取藍帶資格,擅長以法國菜技巧煮製各國食材。晚市套餐第一道菜,已經有昆布鯛魚沙律配檸檬醬、澳洲M8和牛他他揀,單睇食材已經好有誠意。

「六道菜晚市二人套餐」好抵食,5折$699/2位(原價$1,398/2位)。
第二道呈上嘅野菌忌廉湯,更係自家用菌菇打製而成。湯身濃厚富菌香,又有粒粒菌菇口感,飲得出真材實料。

昆布鯛魚沙律配檸檬醬。經典日式配搭,輕酸好開胃。

澳洲M8和牛他他。和牛原始肉味,伴脆多士又脆又有油香。
第三道菜係呢度最出名嘅手工意粉,有藍青口扁意粉、新鮮龍蝦手打意大利闊麵+$168選擇。後者係Ryan拿手招牌意粉,靈魂醬汁先以自家熬魚湯做底汁,同時將龍蝦殼慢煮6小時,最後過濾加入底汁煮勻。醬汁望落較稀身,但食落係驚喜地鮮甜!!

藍青口扁意粉

新鮮龍蝦手打意大利闊麵+$168。靈魂醬汁以自家熬魚湯、慢煮6小時龍蝦殼而成,鮮甜有驚喜。
第四道菜有4選1主菜—紅館姜母鴨、三黃雞配野菌卷、紅酒燴羊膝、美國安格斯肉眼牛扒(10oz)+$188。紅館姜母鴨用法國慢煮做法,抽真空65°C煮4小時,好濃薑、藥材味之餘,鴨肉又keep到好嫩滑。

紅館姜母鴨。一直大受食客喜愛,富濃郁薑、藥材味之餘,鴨肉又好嫩滑。
最新推出嘅三黃雞配野菌卷,三黃雞出名雞味濃郁、脂肪適中,將雞肉包住野菌煎香,融合兩種香味好特別。而經典法式主菜紅酒燴羊膝,將超巨羊膝煎香再用紅酒慢火燉煮,羊膝肉入味又軟腍。

三黃雞配野菌卷。三黃雞雞味濃郁,將雞肉包住野菌煎香融合兩種香味。

經典法式主菜紅酒燴羊膝,將超巨羊膝煎香再用紅酒慢火燉煮。
「六道菜晚市二人套餐」菜單
第一道菜 昆布鯛魚沙律配檸檬醬 或 澳洲M8和牛他他+$28
第二道菜 野菌忌廉湯
第三道菜 藍青口扁意粉 或 新鮮龍蝦手打意大利闊麵+$168
第四道菜 紅館姜母鴨 或 三黃雞配野菌卷 或 紅酒燴羊膝 +$88 或 美國安格斯肉眼牛扒(10oz)+$188
第五道菜 士多啤梨拿破崙 或 鮮果芝士撻
第六道菜 咖啡或茶 |
【週年慶第四彈】全日Happy Hour$48/杯
Happy Hour時段: 11:30am-10:00pm 優惠詳情: 紅酒、白酒、生啤,只需$48/杯 |
【週年慶第五彈】一打生蠔送氣泡酒 只需$588
供應時間: 全日供應 優惠詳情: 一打生蠔優惠價$588,另送法國氣泡酒1支 |

凡惠顧一打生蠔,即送法國氣泡酒1支。
【單點前菜推介】
除咗一系列優惠,「紅館RaRe Restaurant」都有一系列單點料理。溫提唔好miss咗前菜系列,有鮑魚、北海道帶子、法國鵝肝好吸引!

前菜已經有原隻鮑魚食!!

香煎北海道帶子配青蘆筍甜粟蛋黃醬

香煎法國鵝肝配義大利黑醋醬汁

冬陰公蝦意粉,手工意粉掛滿酸辣醬汁好好味。
【慢活三層下午茶】
鍾意嚐茶慢活嘅話,午後時間可以揀雙層下午茶,自家製甜品都好IGable。平時唔只朋友、情侶嚟食,更有囡囡帶埋媽媽嚟共享優雅氛圍㗎。

每日2:30pm-5:30pm供應,價錢為$298/2位、$158/1位。
下午茶餐單詳情
鹹點小吃 澳洲M8和牛他他 日式照燒雞三文治 巴馬火腿配艾曼塔芝士 泰式肉碎撻 西班牙黑毛豬辣肉腸埃曼塔芝士釀白蘑菇 鮮蝦雞尾酒
精選甜點 鮮果芝士撻 拿破崙 朱古力蛋糕 馬卡龍
飲料 檸檬茶/英式奶茶/ 伯爵茶 / 洋甘菊茶/ 薄荷茶/ 美式咖啡/ 拿鐵/Cappuccino |
雙層下午茶共10款精緻小點,好鍾意佢哋嘅甜品甜度恰好。並有多款熱茶、咖啡選擇,以茶壺呈上嘅熱茶好有英式氣息。

下午茶有各款鹹點小吃、精選甜品、飲品。
紅館
地址: 中環干諾道中50號地下B號舖
電話: 23330186