一眾蟹迷最期待年尾～因為美國阿拉斯加蟹又踏入當造季節喇！今年唔使周圍搵靚蟹，因為「美國阿拉斯加海產市場協會」聯同多間餐廳合作，推出美國阿拉斯加海鮮嘅專屬 Menu。
唔講唔知，美國阿拉斯加海鮮鮮甜之餘，仲好環保㗎。因為當地漁業管理致力防止過度捕撈、破壞同污染海洋生物栖息地。同時積極推廣並沿用可持續漁獲，保護優質海洋資源先令我哋多一個天然海鮮選擇，食得開心好味之餘亦為保護地球出一分力。
而今次合作餐廳之一，就有著名紐約意大利餐廳—Amaroni's New York Italian。除咗必食美國阿拉斯加蟹外，當地盛產美國阿拉斯加鱈魚、美國阿拉斯加比目魚亦都係重點嚟㗎！
Amaroni's 主打中高檔美式意大利菜。
餐廳環境典雅舒適。
Amaroni's 自1998年開始，喺香港帶來正宗美式意大利菜，好多熟客都鍾意佢哋嘅Pizza、意大利麵同新鮮海鮮，今次聯乘「美國阿拉斯加海產市場協會」嘅火花好令人期待！
美國阿拉斯加專屬Menu，以當地海鮮設計出多道意式料理。
滿足多個願望！海陸大匯拼盤
美國阿拉斯加海鮮專屬 Menu 必試「海陸大匯拼盤 香烤美國阿拉斯加蟹及炭烤入口牛扒」，呢道菜可以話滿足晒一眾為食既人嘅願望，除咗有今次主角—美國阿拉斯加蟹外，仲食埋嫩滑炭烤牛扒、沙律同米形意粉。
美國阿拉斯加蟹以自製醃汁煮製，令鮮甜蟹肉更有意式風味。
美國阿拉斯加蟹點解咁好食？
講到美國阿拉斯加蟹，點解多年嚟都咁受大眾歡迎？由於美國阿拉斯加蟹係於純淨水源生長，所以特別大隻肥美。白色蟹肉濃郁鮮甜、口感細膩，即使喺簡單烹調，味道已經好突出。而且美國阿拉斯加蟹肉天然低脂、低熱量，同時又富含優質蛋白，好啱追求健康嘅人食。
美國阿拉斯加蟹於純淨水源生長，蟹肉特別鮮甜。
超巨蟹腳！海鮮意大利湯飯
作為美國阿拉斯加蟹 Fans，一定要試以佢既蟹腳做主角嘅「番茄海鮮意大利湯飯 配美國阿拉斯加蟹腳」。 意大利番茄湯飯嘅微酸，配埋羅勒葉好突出蟹肉嘅清甜。同場仲食到多款海鮮，特別係秋冬飲啖熱湯好舒暢。
意大利湯飯及其他地方既海鮮，更突出超巨美國阿拉斯加蟹腳鮮味。
美國阿拉斯加海鮮都好吸引！
今次專屬 Menu 仲可以食到美國阿拉斯加鱈魚、比目魚等既滋味海鮮。當地多款海鮮都咁出名，主要因為係美國阿拉斯加海產生長地係寒冷嘅北太平洋， 所以魚肉特別彈牙並富含 Omega-3 脂肪酸、蛋白質， 同時低脂低熱量。
小朋友大愛！香脆美國阿拉斯加鱈魚
鍾意彈牙魚肉嘅話，推介「脆炸美國阿拉斯加鱈魚柳」。魚柳沾上脆香巴馬臣芝士、意大利香料麵包糠炸至金黃色，咬開脆薄外層就係嫩彈魚肉。配埋同樣炸至金黃嘅意大利青瓜、黃瓜同西蘭花，香口得嚟又健康，小朋友食都好啱。
「世界白魚佳品」之稱—香煎美國阿拉斯加比目魚
如果你鍾意魚肉油份多啲，就可以揀「香煎美國阿拉斯加比目魚」。雖然比目魚有濃郁魚油香，但其實同樣天然低脂，略甜味道更為佢帶嚟「世界白魚佳品」之稱。今次大廚將比目魚輕煎至微脆，入口細嫩又滲出魚油，天然海鮮味相當突出。好推薦先食一件比目魚，再將魚肉沾上薑蔥牛油，輕淡油香又引出另一種味道。
今次大廚將比目魚輕煎至微脆，入口細嫩又滲出魚油，天然海鮮味相當突出。好推薦先食一件比目魚，再將魚肉沾上薑蔥牛油，輕淡油香又引出另一種味道。
