為慶祝Chutney新菜式及音樂表演,由今日起至2023年6月30日,凡惠顧$500或以上可以獲贈一杯 Prosecco Wine
或 凡惠顧$1000或以上可獲贈一支紅或白酒一支。
香港好少精緻地道印度料理,中環呢間“Chutney”更走宮廷風,門口垂吊超美金色綢緞,入內則有半拱形天花儼如皇宮大廳,一整排落地玻璃映透中環景色,低調華麗。
![](https://www.openrice.com/userphoto/CMSContent/0/7X/001KASD52C662EF9F58414j.jpg)
門口嘅金色綢緞神秘奢華。
![](https://www.openrice.com/userphoto/CMSContent/0/8B/001N9132AFA34775CEA4D1j.jpg)
半拱形天花儼如皇宮大廳。
“Chutney”依傳統用多種香料煮製印度北部至南部料理,Tandoori大窯爐更設於廚房玻璃後,好鍾意可以邊食邊望到大廚煮嘢食。呢個Tandoori大窯爐更係烤肉、烤海鮮同薄餅嘅靈魂,高溫炭烤出爐特別惹味。
![](https://www.openrice.com/userphoto/CMSContent/0/8B/001N8ZF9227A9C534F222Ej.jpg)
可以邊食邊欣賞大廚煮嘢食。
![](https://www.openrice.com/userphoto/CMSContent/0/8B/001N902D42CE514CC41EEFj.jpg)
Tandoori大窯爐出爐炭香料理薄餅。
![](https://www.openrice.com/userphoto/CMSContent/0/7X/001KAWF6A3DCBAD04EA125j.jpg)
Andhra Tenderloin。牛柳相當厚切,伴印度醬汁入口軟腍味濃。
![](https://www.openrice.com/userphoto/CMSContent/0/7X/001KAXD4F44545E8A6273Bj.jpg)
Scallop Moilee Curry。椰奶咖喱配上北海道帶子,鮮甜溫和。
![](https://www.openrice.com/userphoto/CMSContent/0/7X/001KAY0A40A3C0DE1F3C95j.jpg)
Sarso Malai Jheenga。椰汁忌廉煮蝦,新鮮蝦好彈牙鮮味。
其實羊肉微羶肉味濃,本身就同印度咖喱好夾,所以“Chutney”羊肉料理好受歡迎㗎。最近推出新menu有羊肉同羊排咖喱,兩種風味配薄餅食都好正。
![](https://www.openrice.com/userphoto/CMSContent/0/7X/001KAZA21AD6C2BADF03F8j.jpg)
Lagan Rara Gosht。羊肉啖啖肉,超滿咖喱可以盡情用薄餅蘸嚟食。
![](https://www.openrice.com/userphoto/CMSContent/0/7X/001KB077EC5F1441F0EDA2j.jpg)
Lamb Chop Paper Masala。Masala咖喱味道較強烈,羊排骨邊肉又特別惹味好夾。
除咗地道口味,“Chutney”料理都貫徹宮廷風帶嚟Mughals皇室宮廷美食—Nargisi Kofta,以手藝將水煮蛋包入肉丸中,上枱前一切開好似水仙花(Nargis)而得名,係一款又靚又濃郁嘅高級料理。
![](https://www.openrice.com/userphoto/CMSContent/0/7X/001KB157C42553881F1405j.jpg)
Nargisi Kofta。切開肉丸儼如水仙花(Nargis)而命名。
一系列香濃料理以外,其實印度菜都有清新口味。特別係近年印度素食界人氣急升嘅大樹菠蘿,輕甜健康又極富營養,愈嚟愈多咖喱或香飯都加入呢種食材,今次新menu都會食到。
![](https://www.openrice.com/userphoto/CMSContent/0/7X/001KB2D3CF2105AE6D9068j.jpg)
Kathal Ki Sabzi。近年印度素食界人氣急升嘅大樹菠蘿,獨特甜味衝撃味蕾。
![](https://www.openrice.com/userphoto/CMSContent/0/7X/001KB3D4A2CCD93DA886FDj.jpg)
Kathal Ki Sabzi。近年印度素食界人氣急升嘅大樹菠蘿,獨特甜味衝撃味蕾。
CHUTNEY
地址: 中環雲咸街75-77號嘉兆商業大廈4樓
電話: 23300027