近年日本、台灣都掀起漢堡扒熱潮，多間人氣漢堡丼店紛紛成為排隊店。其實唔只過江龍做得出色，香港人都有屬於自己嘅漢堡丼店啦。觀塘新開「牛霸王」由幾位香港人開設，並由擁多年經驗師傅主理，推出每日手打漢堡扒!!
漢堡扒由零開始研發，用咩牛肉、點調味都要逐一試味，2款鎮店漢堡丼係試到最好嘅成品—招牌手打和牛漢堡扒蘭王蛋飯、手打芝士安格斯漢堡扒蘭王蛋飯。老闆坦言，開店前已經試食咗超過1000 件漢堡扒喇，絕對值得嚟觀塘支持吓呀，而家仲有新店優惠𠻹。· +$5追加汽水、自家製蜂蜜綠茶及一人小食追加優惠。
「牛霸王」新店優惠！
優惠日期: 由即日起至2024年2月29日 - 晚市堂食（18:00-21:30）及全日外賣自取 (堂食每位最少消費$68元)可享85折優惠 |
觀塘新開「牛霸王」，主打近年人氣爆升嘅漢堡扒丼飯。
自選你嘅專屬口味 | 7種顏色·8種味道
「牛霸王」會跟配蘭王蛋、蘿蔔蓉、芝麻；並有2款漢堡扒、3款醬汁、2款配料各選1款畀大家配出專屬口味。
足足6款食材，連埋日本晴岡米拼出7種顏色～而點解係8種味道呢? 除咗7款食材各有風味，師傅最推薦係由上至下將全部配料一大啖入口，就係精心設計嘅第8種極緻味道!! 完美融合7款食材滋味呀。
自選專屬口味 (每項選一款)
自選漢堡扒: 手打和牛漢堡扒／手打芝士安格斯漢堡扒 自選醬汁: 秘制漢堡汁／白味噌汁／日式咖喱汁 自選配菜: 日式泡菜／芥辣酸瓜 |
選擇困難症都唔緊要，師傅透露咗佢嘅私心完美配搭啦!! 就係手打和牛漢堡扒+秘制漢堡汁+日式泡菜。和牛漢堡扒選用澳洲和牛，油脂分佈、肉香更平衡，一咬落去外脆內嫩兼滲出油香。
秘制漢堡汁嘅獨特柚子香味，則恰好平衡膩感；微酸輕辣日式泡菜就刺激味蕾撞出層次感，難怪店家大力推薦要一大啖食晒7款配料啦。
師傅私心完美配搭—手打和牛漢堡扒+秘制漢堡汁+日式泡菜。
測試過千次 | 牛霸王漢堡扒！
店家研發漢堡扒期間屢敗屢試，曾經用唔同份量、材料試味過千次，最後先有最滿意嘅黃金比例。而且誠意十足, 每日手打，過程中會令漢堡扒肉質更彈性，咁先煎到外脆內嫩效果，每啖都有滿滿澎湃嘅油脂感&濃郁肉味!!
漢堡丼一上枱，最搶眼一定係雞蛋界天花板—蘭王蛋。由日本九州大分縣出產，向來被稱為貴族蛋。因為蘭王蛋具嚴格品質控制，甚至規定由200至320天母雞生產，佢哋嘅飼料必為原料穀物，不含添加劑、激素及抗生素。所以蛋黃特別飽滿圓潤，蛋漿濃厚富蛋香，同漢堡扒撞出不可言喻嘅口感、味覺享受。
手打芝士安格斯漢堡扒丼飯。蘭王蛋好濃厚，安格斯漢堡扒入面仲有芝士，雙重濃郁享受呀。
拆解3款醬汁 & 2款配料！
「牛霸王」嘅漢堡丼靈魂就係醬汁，3款自家調製醬汁經多次調味研發。以日本常見食材煮製，質地唔會好濃稠同漢堡扒好夾㗎。
店家最推薦嘅秘製漢堡汁加咗柚子，酸酸甜甜好解膩，同時又突出到漢堡扒肉味。白味噌汁口感最絲滑，特選日本味噌中最溫和嘅白味噌，帶有醇香、微妙鹹味突出漢堡扒風味。而日式咖喱汁味道輕甜甘口，餘韻又會滲出香辣，最有層次感同開胃。
而2款配菜—日式泡菜、芥末酸瓜都唔係普通現成貨，自家製和選材可增加層次感。日式泡菜好有日本漬物影子，微酸輕辣，比韓國泡菜輕盈得多。芥末酸瓜就將日本醃製青瓜+芥辣，獨特輕辛味好有新鮮感。
白味噌汁以豆醬香氣、微妙鹹味突出漢堡扒風味。
秘製漢堡扒汁加咗柚子，酸甜解膩又突出漢堡扒肉味
觀塘人飯堂 | 多款特色丼飯 & 小食
除咗招牌漢堡丼，「牛霸王」都有多款特色丼飯，最平$68就食到，好啱成為觀塘人飯堂。
日式慢煮豬軟骨丼飯。以日本豚角燒方式慢煮5小時，醬汁濃郁又富軟筋口感。
濃茄野菌燉牛肋條飯。用新鮮番茄煮成濃茄蓉，絕非現成茄膏茄汁，一嚐天然風味又健康。
健康雞扒沙律。清爽沙律零負擔，仲有足料雞扒補充蛋白質。
新店優惠享一人小食追加優惠，多款金黃香口小食選擇。
自家製芝士蝦春卷配泡菜醬。將虎蝦打成蝦滑，加入洋蔥、芝士，酥脆彈牙。
跟餐優惠仲有+$5追加汽水、自家製蜂蜜綠茶。
牛霸王
地址: 觀塘成業街19-21號成業工業大廈1樓26號舖
電話: 63334238
