【法式浪漫】女生必愛!聖誕食法國菜看夜景
節日嘅意義,除咗節日傳統來源,最重要係同邊個一齊度過。可以同最重要嘅人一齊食餐飯,互相陪伴先最幸福。回想過去一年,邊個同你一齊走過高低?嚟到年尾嘅聖誕、除夕,不如哄吓對方,揀間有夜景嘅情調法國餐廳,邊食邊欣賞香港夜景,女仔一定會鍾意。

要地點方便嘅話,旺角就有呢間法國餐廳Bellevue, 今年推出「Christmas Set Dinner」同「New Year's Eve Set Dinner」,沙律、前菜、熱湯、主菜同甜品都有。單睇每道菜嘅食材,已知道大廚用咗唔少心思設計,因為食材、煮法都好多元化,唔只係煎塊牛扒就叫食咗聖誕餐咁簡單,而家仲有早鳥優惠𠻹。

「聖誕晚餐」詳情

日期:12月24至25日

第一節時間:18:00至20:00
價錢:HK$538,4道菜
此套餐不包括「香煎鵝肝併帶子配士多啤梨黑醋汁」

第二節時間:20:30至22:30
價錢:HK$638,5道菜

日期:12月26日

時間:18:00至22:30(Ala Carte 與精選晚餐)

早鳥優惠:凡於12月10日或之前訂購「聖誕晚餐」,Like & Share Bellevue Facebook Post,可享有9折優惠。https://tinyurl.com/BV-XMASEVE2019

「除夕及新年晚餐」詳情

日期:12月31日        

第一節時間:18:00至20:00
第二節時間:20:30至午夜

價錢:HK$588,4道菜

日期:1月1日

時間:18:00至22:30(Ala Carte 與精選晚餐)

早鳥優惠:凡於12月10日或之前訂購「除夕及新年晚餐」,Like & Share Bellevue Facebook Post,可享有9折優惠。https://tinyurl.com/BV-NYE2019

Christmas Set Dinner
燒雞肉凱撒沙律伴凱撒泡沫
特別用軟嫩雞脾肉,加埋爽脆沙律菜有雙重口感。最特別係將凱撒沙律汁做成泡沫,有種食分子料理嘅感覺。

香煎鵝肝併帶子伴士多啤梨黑醋汁
前菜階段就食到鵝肝,感覺特別滿足!鵝肝唔會腥,亦帶有油脂滑嫩感。可以配煎刺身帶子或士多啤梨一齊食,一冷一熱每啖都有驚喜。

牛肝菌黑松露忌廉濃湯
鍾意菌類嘅話,平時飲嘅牛肝菌湯可能唔夠喉,今次就加埋大量白菌鮮冬菇、雞脾菇、本菇等,上枱已聞到濃濃菇香。

焗酥皮帕爾瑪火腿三文魚柳伴紅波椒汁
酥皮包著嘅係帕爾瑪火腿、香煎三文魚,內餡軟嫩又有火腿鹹香,加埋鬆脆酥皮食味道好豐富,係好飽肚滿足嘅主菜。伴碟仲有蘋果、紫椰菜、藜麥等,好健康㗎!

煙燻火雞胸併露筍雞卷伴金巴利汁
聖誕節必食傳統菜火雞!但唔少人對火雞卻步,覺得雞肉太乾。所以Bellevue 就用煙燻慢煮雞胸,保留肉汁。同碟仲有另一種口感嘅露筍燒雞卷,食多幾件火雞都唔會悶呀!

焗荷蘭汁蟹肉波士頓龍蝦(半隻) 伴海鮮龍蝦汁
煎至半熟嘅新鮮波士頓龍蝦,沾上蟹肉荷蘭汁再燒至金黃色。新鮮龍蝦仲特別彈牙多汁,推薦配埋香脆新薯片、自家海鮮汁食。

香烤慢煮澳洲和牛肋骨
牛肋骨係取自牛肩肉、牛肋之間,呢個帶骨肉位特別鮮嫩之餘,牛味都特別濃郁,簡單配上紅酒燒汁引味已夠,完全食到原始牛味!大廚仲細心地用蘋果蓉煮嘅紅椰菜、紅菜頭蓉伴碟,邊食邊解膩。

紅桑子士多啤梨朱古力蛋糕
多層朱古力蛋糕,每啖都有唔同味道同咬口。有紅桑子果蓉慕絲、朱古力杏仁蛋糕片等,甜酸味之間,又有甘甜朱古力味,擺盤仲好有聖誕氣氛𠻹!


「聖誕早午餐」
除咗喺晚上慶祝佳節,仲有呢份「早午餐」可以陪你過聖誕!大家可以bookmark定,睇吓揀邊款啦。

New Year's Eve Set Dinner
除咗聖誕套餐外,Bellevue 仲特別為除夕推出新菜單,想喺旺角夜景下靜靜哋慶祝2020年來臨,就要睇吓有咩好食喇!

吞拿魚他他青口伴香檳啫喱
今次沙律菜可謂被新鮮吞拿魚、青口搶晒風頭,兩款海鮮加埋金黃色香檳啫喱,食落清甜,沙律菜反而成為咗配角𠻹。

香濃栗子湯伴焦糖栗子
冬天飲一碗栗子湯真係非常暖身,大廚仲將栗子肉、雜菜、蒜蓉率先炒香,再加埋雞湯、白酒同忌廉煮開,再灑上焦糖栗子肉,飲落夠咬口,味道亦唔單調。

焗青芥辣銀雪魚扒伴茴香忌廉蟹子汁
煎至半熟嘅銀雪魚扒,淋上日式芥末沙律汁焗至金黃色。加埋淡淡香辛嘅日式芥末汁,刺激味蕾同鼻腔,令魚扒食落一啲都唔單調。

燒香草寶雲酥紐西蘭羊架
紐西蘭羊架肉質一向偏嫩,配埋法式香草寶雲酥做法,將羊架焗至成熟,咬落外層香口,羊肉嫩口亦唔重羶味。


炭燒牛柳併鵝肝伴乾蔥紅酒汁
鵝肝煎得香口亦唔會過熟,所以入口有種外脆內嫩、滲出油香嘅感覺。加埋高溫炭燒牛柳,呢個矜貴組合真係無得輸。當然,亦有用蘋果蓉煮嘅紅椰菜、香脆新薯片等解解膩。

朱古力幕絲蛋糕伴雜莓
除夕倒數前先吃一件蛋糕,用甜味歡送2019啦!最令人欣賞係朱古力餅底加咗杏仁粒,聞落更香亦更有咬口。朱古力慕絲就用34%牛奶朱古力做,係偏香甜同滑口嘅蛋糕。


微醺聖誕
大時大節當然要小酌一杯,Bellevue 有香檳同雞尾酒揀。香檳就最適合情侶,調酒師以意大利汽酒Prosecco 為基調,加入Gin、玫瑰糖水同少量Cointreau,味道更有層次。
Mistletoe

Mulled Wine
每到聖誕都會聞到Mulled Wine 香味,係經典嘅香料熱紅酒。香料會減去紅酒澀味,味道酸甜又帶有陣陣橙味。

Ruby Red
想飲杯紅色酒應吓節,除咗紅酒仲可以揀呢杯Raspberry。係用Raspberry、紅莓、青檸、紅石榴汁等調製,入口柔滑輕甜,仲有少少雲呢拿香。

最「滋」你心!十二月特選晚餐
講咗咁多聖誕及新年美食,仲有專屬12月嘅「December Set Dinner」。餐牌玩味與滋味並重,唔止成個12月都可以點餐。凡Like & Share Bellevue Facebook Post,仲有85折優惠!想知更多請向職員查詢。

Bellevue Bar and Grill
地址: 油麻地彌敦道558-560號譽發廣場23樓
電話: 23860338
* 資料由客戶提供