旺角都有唯美月球主題酒吧餐廳啦！“J.moon”掛滿逾百月球燈，每張枱都有獨立月球燈畀你打卡。空中花園貫徹柔和氣氛，有大梳化及咕𠱸座位chill住飲酒。
人氣12星座雞尾酒 2023全新菜式
駐場調酒師設計多款IGable雞尾酒，特別係12星座系列好高人氣，揀返自己星座嘅雞尾酒睇吓同你夾唔夾啦。而且大廚特為2023年推出全新菜單繼續大玩fusion菜，XO醬撞上番茄意粉、大阪燒變成pizza等等都勁有驚喜。
12星座雞尾酒各有特色，一定要飲杯自己嘅星座呀。
餐牌寫上每杯星座雞尾酒都有專屬金句。
調酒師新設計多款雞尾酒。
【2023全新Fsuion菜】
大蝦番茄XO醬意粉
港式XO醬鮮中帶辣，撞入番茄意粉酸酸甜甜好有層次，有時食到XO醬嘅干貝、蝦乾料勁鹹香。
海膽醬通心粉配大蝦三文魚子
自家海膽醬係用真海膽煮製，鹹香帶鮮。通心粉掛滿醬汁好creamy，有啲似美國人好鍾意食嘅Mac and Cheese，但就多咗大蝦、三文魚子配料，更加有口感。
【食Pizza飲啤酒！】
大阪燒香腸及菠蘿薄餅
薄餅鋪滿木魚絲，入口係濃厚鹹甜大阪燒醬汁，加埋雞肉腸、豬肉腸、菠蘿、紫菜等多種配料，好似大阪燒進化版咁。
韓國泡菜海鮮薄餅
估唔到海鮮咁足料，有大蝦、魷魚、帶子、煙三文魚等。醬汁以泡菜調製夠晒酸辣，韓迷必點。
【召喚肉控】
避風塘加拿大豬鞍配時令蔬菜
加拿大豬鞍最強賣點係零污染，保濕技術令豬鞍鬆軟juicy。平時好多餐廳都推薦5至7成熟最有肉汁，今次“J.moon”大廚更進一步以避風塘香料—乾蒜、辣椒等炒香，最後鋪滿豬鞍入爐香烤。外層香脆，味道少辣好驚喜。
印度天多里烤雞配牛油烤餅
依到既烤雞大廚用左長時間醃製再配合慢烤既手法做出肉質鮮嫩又juicy既效果、更同時用上印度香料表皮香脆。牛油烤餅則鬆軟具牛油香，配上烤雞一齊食的確一流!
【佐酒小食】
“J.moon”氣氛咁唯美，嚟飲吓酒、食小食都好正。呢度小食選擇好多，香口炸物有 炸蠔配薄荷芒果醬、泰式炸蝦餅配是拉差甜辣醬、香炸長洲大魚蛋配甜辣醬等。
仲有西班牙人飲酒好鍾意食嘅Tapas—西班牙辣椒仔都有。椒辣仔香煎後簡單灑上鹽，外皮微焦輕鹹、內裡清爽多汁，回甘唔辣好啱飲酒㗎。
(上圖包括) 炸蠔配薄荷芒果醬、西班牙辣椒仔、黑松露比基尼、炸番薯薯條、香炸單骨雞翼
J.moon
地址: 旺角西洋菜南街1A-1K號百寶利商業中心4樓10-11號舖
電話: 95455738