【旺角朝聖必到】月球酒吧 超美漫天月球佈置12星座Cocktail配fusion美食
平時去旺角行街,又點諗到鬧市之上會有間好Chill 嘅月球主題酒吧「J.moon」。其實係旺角想搵一間環境好仲要有室外空間,又要岩食飯打卡同時可以同三五知己於飯後黎飲番兩杯,「J.moon」絕對係首選! 一入去已見到掛滿過百月亮燈,而且每張枱都放有月亮燈,好啱拎住影相,自帶燈光效果幾靚㗎。
<店內掛滿唯美月球燈,好有氣氛>

<每枱都有月亮燈,好啱拎住影相>

【旺角少見戶外酒吧 舒適大梳化 媲美港島靚酒吧】
原來除左靚靚室內之外,推門一出仲有戶外空間,旺角呢區好少有呀!介紹番係全新裝修,大梳化同咕𠱸都軟腍腍好舒服。而且設全電動天幕隔熱擋雨,冬天半躺梳化一睹夜空好浪漫,情侶或年輕人嚟飲酒傾計好有氣氛,小編都大讚啊!
<旺角少見酒吧有咁高質戶外空間,梳化好舒服>

【好睇又好飲既12星座主題Cocktail 】
呢度有專業調酒師設計出好特別既12星座Cocktail(好好飲嫁),而且餐牌上每杯Cocktail 都有獨有語句講出星座心聲,我自己星座都幾中心底話(笑),嚟到一定要睇返自己專屬星座呀!最驚喜係呢度仲有酒店級名廚主理Fusion 菜,有多款小食、主菜,終於唔使食飯同飲酒分開喇。
<12星座Cocktail 各有特色,好想知自己星座專屬酒係點呢?>

<餐牌上每杯Cocktail 都有獨有語句講出星座心聲>

雙子座專屬
“Falling in love secretly is not a crime, let others know how much you love this” 
雙子座用鮮花襯托好唯美,以接骨木花酒、Vodka為主調,再加入檸檬汁,味道清爽。

白羊座專屬
“I know you are impatient, but this refreshing drink is totally worth the wait”
白羊座嘅型格黑色,係12星座中最突出。以Rum酒、杏桃香甜酒、日本梨味柚子果汁調製,香甜中帶酒味。

天蠍座專屬
“This mysterious combination is good that you will remember it forever just like the scorpios”
天蠍座配有J.moon自家調制既雲呢拿cream,非常香滑,好味到可以叫一杯純雲呢拿cream黎食。依個雲呢拿cream中和左以威士忌和Guinness為主既base,相信女仕們都一定會鍾意!

12星座之首 神秘Cocktail
同場仲有神秘感十足嘅12星座之首—Signature Cocktail「J.moon」,但Menu 就無寫用咩調製。一問之下,調酒師話因為想畀食客驚喜,所以專登唔寫㗎。但味道係果香輕甜,大家嚟到睇吓飲唔飲得出係咩啦!
Signature Cocktail「J.moon」,一篤開泡泡即飄出仙氣。

【酒店級大廚 Chill 住食Fusion 菜】
J.moon大廚曾於數間酒店同大型飲食集團任職多年,特別設計適合J.moon 氣氛嘅多國元素主食、佐酒小食。可以一嚐酒店級味道之餘,呢度氣氛輕鬆舒服,全無酒店用餐拘謹感覺。

大廚巧妙將西餐加入新加坡元素,估唔到意式闊條麵同新加坡喇沙風味幾夾。Q彈闊條麵掛滿喇沙湯,喇沙湯偏香濃,連埋爆汁豆卜食幾正。

<新加坡喇沙大蝦闊條麵>

好鍾意呢度嘅Pizza 大細適中,唔會齋食Pizza 就飽咗,可以慢坐食吓小食、食吓Pizza 咁。篤開溫泉蛋即流出蛋汁,批底又夠脆,一綿一脆口感幾豐富。


女仔唔想食咁多肉同澱粉質,好推薦三文魚扒,厚切得嚟仲Keep 到豐富魚油,魚皮又煎得脆,加埋檸檬牛油龍蝦蛋黃醬幾滿足。
<香煎三文魚扒>

一向好鍾意明太子微辛味道,大廚將Creamy 明太子奶油加埋彈牙魷魚圈,做出與別不同嘅意大利菜。
<明太子奶油醬魷魚意大利飯>

飲酒唔少得香口炸物,呢個小食拼盤有齊炸春卷、吉列炸雞、吉列炸蝦、薯條4款人氣炸物,三五知己飲住酒Share 幾過癮。
<小食拼盤>

最後溫提大家「J.moon」好有人氣,記得去之前訂枱喔!Walk-in 好大機會摸門釘嫁!

J.moon
地址: 旺角西洋菜南街1A-1K號百寶利商業中心4樓10-11號舖
電話: 95455738
* 資料由客戶提供
餐廳資料