2025年會有【春】、【夏】、【秋】、【冬】Menu，保證大家一年365日都keep住有無盡新鮮感！
夏天想約朋友飲返杯酒～ 旺角月球主題酒吧餐廳「J.moon」，2025年7月開始咗新嘅【夏】Menu啦！一入嚟就見到掛滿過百盞月亮燈，每張枱仲有專屬月亮燈，可以自帶燈光效果影相，好靚啊～ 好啱同伴侶閨蜜食飯打卡，順便直落飲返兩杯㗎。
店內掛滿唯美月球燈，好有氣氛。
戶外空間十分舒服，三五知己齊齊享受吓日光。
【酒店級大廚創作四季Fusion菜】食飯飲酒直落！
唔係間間酒吧都有咁多高質料理！「J.moon」就有大廚團隊依時令轉換食材，於【春】、【夏】、【秋】、【冬】四季設計全新Menu。最新推出多款主菜同分享小食，大玩西日港fusion!!
「J.moon」2025年7月【夏】Menu正式推出，大玩西日港fusion，嚟食飯飲酒直落都得！
單單小食已經幾有驚喜，好似辣五花肉刈包、自家製蝦多士，平時酒吧真係好少有得食。而主菜就有西班牙杜洛克豬肋骨、墨西哥Taco、海老龍蝦醬稻庭烏冬等，完全可以晚市時間嚟食飯飲酒直落。
墨西哥Taco(鰻魚及大蝦)
呢度嘅墨西哥Taco皮加咗紫菜炸脆，好似食緊爆餡薯片一樣咁吸引!!
脆皮風乾馬友
平時去酒吧都係食Fish and Chips!? 「J.moon」特別推出脆皮風乾馬友，馬友魚肉更細膩濕潤，個皮仲要脆卜卜～ 配埋青辣椒椰醬同蔬菜，幾啱夏天食。
西班牙杜洛克豬肋骨
嚟自歐洲嘅杜洛克豬，油花細膩，比一般豬肉更加鮮嫩肉香。豬肋骨上層仲要幾脆，配埋配忌廉同甜蘋果普羅旺斯醬一齊食幾解膩。
海老龍蝦醬拌稻庭烏冬
撈烏冬最重要有個靈魂醬汁！今次大廚用咗海老龍蝦醬，令Q彈稻庭烏冬有濃郁海鮮味，而且巨型蟹柳真心超巨!!
炸墨魚塊、炸九肚魚、炸洋蔥圈
呢度完全係炸物天堂！一口氣推出幾款炸物，Q彈嘅炸墨魚塊、魚肉軟嫩嘅炸九肚魚，同埋外脆內軟甜嘅炸洋蔥圈。每款都跟配他他醬，飲酒必食啊。
自家製蝦多士
飲酒可以食埋港式經典蝦多士～ 每件多士都有原隻蝦，全部即叫即炸。一啖食到酥脆多士＋彈牙蝦肉兩種口感，配埋韓式蜜糖辣醬無得輸。
辣豆腐五花肉刈包(3件)
經典刈包都有新玩法！內餡換上辣豆腐五花肉，麻辣又有肉香幾過癮，私心鍾意刈包嘅鬆軟口感。
【靚靚雞尾酒！】
喺「J.moon」月球環境飲酒真係好有feel，佢哋仲有多款即調雞尾酒，清甜口味好啱夏天飲～
Taurus
“Make yourself at home, this drink will definitely make
you feel like home with all your passion surrounding by you”
調酒師希望你可以喺呢杯雞尾酒沉澱於溫暖感覺，將烏龍茶浸泡威士忌、百香果，配合橙利口酒、檸檬汁、雲呢拿糖漿、忌廉撞出層次。
Scorpio
“You're a drifting wood drifting on a river with no destination but freedom, maybe you'll know where to go by taking another sip”
感受自由漂流嘅詩意～ 以橙皮浸泡Gin酒，加入橙糖漿、苦味開胃酒，帶嚟清新果香同微苦嘅層次感，好似漂浮於河流中尋找去向。
Libra
“This is perfectly balanced. Just like you”
體驗完美平衡嘅味蕾之旅～ 以散發香氣嘅香蕉葉浸泡Rum 酒，同時加入白可可嘅細膩甜味、牛油果嘅奶油質感同豆奶，再以班蘭泡沫增添輕盈花香，每一啖都好豐富。
J.moon
地址: 旺角西洋菜南街1A-1K號百寶利商業中心4樓10-11號舖
電話: 95455738