【旺角五星級酒店】新推「泰」回味海鮮自助餐! 地道泰式風味
踏入初夏,香港康得思酒店嘅自助餐餐廳“The Place”誠意推出「泰」回味海鮮自助餐,以一系列地道泰式滋味觸動你味蕾。

由即日起至2024年8月31日期間,除咗可以一嚐正宗泰國冷盤、熱葷外,更可任食多款冰鎮時令海鮮,大快朵頤。
「泰」回味海鮮自助餐,一嚐地道泰式滋味。

除咗一系列泰式料理,更可任食多款冰鎮海鮮。

回本冰鎮海鮮!食埋泰式蝦串配香辣汁
“The Place”全新泰式主題自助餐,主打一系列精緻泰式料理,充分展現泰國菜酸、甜、苦、辣、鹹嘅5種獨特烹調特色。

自助餐先以冷盤揭開序幕,盡情享受各種清涼泰式沙律,如泰式魷魚粉絲沙律(Yum Woon Sen)、泰式青木瓜牛肉沙律(Som Tum Thai)等。

當然不得不提大受歡迎嘅冰鮮時令海鮮,包括新鮮生蠔*、鱈蟹腳、龍蝦鉗#/原隻開邊龍蝦*、翡翠螺藍青口,配搭泰式甜辣醬 或 特色泰國是拉差辣椒醬,更加惹味啊。食泰菜點少得泰式蝦? 唔好錯過沙律區供應嘅冷盤泰式蝦串配香辣汁,絕對大滿足!

正宗地道泰國風味
“The Place”廚師團隊精心炮製各款正宗泰式佳餚,包括經典街頭小食泰式魚餅(Tod Mun Pla)、惹味十足嘅泰式辣椒炒蝦(Goong Pad Nam Prik Pao)、香口嫩滑嘅泰式燒春雞(Nong Gai Op);同埋酸辣開胃嘅泰式明爐烏頭(Pla Gapong Neung Manao)
泰式明爐烏頭,獨特酸辣味突出魚肉鮮甜。

其他必食熱葷就有即叫即製地道泰式船麵(Kuay Teow Reua),可以自選配搭泰式魚丸、牛丸、豬肉丸、豆芽同豬皮等。同場泰式椰香雞湯(Tom Kha Gai),濃郁椰奶帶有香茅、南薑、青檸葉香氣。

而人氣高企嘅鐵板燒區,就新增咗泰式豬頸肉(Moo Yang),就算行過都聞到好香啊。
地道泰式船麵,可自選配搭泰式魚丸、牛丸、豬肉丸、豆芽同豬皮等。

精緻泰式甜品
酒店糕點總廚Roy Ma及團隊,為大家匠心製作一系列精緻泰式甜點,一定要留肚食!! 備受喜愛嘅椰子西米布甸、芒果薑汁熱情果馬卡龍、班蘭椰子千層糕、焦糖泰式奶茶蛋卷、班蘭椰子雞蛋仔;以及11款口味MÖVENPICK雪糕,為你嘅泰國盛宴之旅劃上完美句號。
匠心製作一系列精緻泰式甜點,為泰國盛宴劃上完美句號。

自助飲品站
“The Place”自助餐特設自助飲品站,你可以無限添飲汽水、果汁、咖啡及茶。晚市時段更供應泰國啤酒、精選生啤及葡萄酒,更可自製屬於自己口味嘅Aperol Spritz特飲,為呢趟泰國旅程增添清爽快感。

「泰」回味海鮮自助餐詳情

日期: 即日起至2024年8月31日

時間: 午市 及 晚市時段供應

價錢: 成人$398/位、長者$338/位、小童$238/位

 

(所有價錢須收10%服務費)


*只於自助晚餐供應
#只於自助午餐供應

The Place 
地址: 旺角上海街555號香港康得思酒店L樓
電話: 35523200
* 資料由客戶提供
餐廳資料