平時食飯要有儀式感,生活先有動力㗎嘛。尖沙咀就有呢間藍色花花小店“RUE DU LIBAN”,有種暫時逃離香港嘅異國氣氛。由黎巴嫩人Imran Khaleel開設,主打香港少見嘅黎巴嫩菜。
2024年4月驚喜優惠!全部85折
即日起至2024年4月30日,逢星期一至四所有單點菜式均享9折 (不可與其他優惠、折扣及現金券同時使用) |
![](https://www.openrice.com/userphoto/CMSContent/0/8H/001O9RDE4EDAF8F2A214FCj.jpg)
“RUE DU LIBAN”法文意指黎巴嫩街道,藍色小店有種外國氣氛。
![](https://www.openrice.com/userphoto/CMSContent/0/8H/001O9SC9B4080E1F507528j.jpg)
店內掛滿花花,好啱影相打卡。
嚟到必食黎巴嫩烤肉拼盤!! 仙氣烤爐出場好有煙燻香味,堆滿即烤羊肉、牛肉、雞肉㗎。
![](https://www.openrice.com/userphoto/CMSContent/0/8H/001O9T80170DC9A7179AD9j.jpg)
黎巴嫩烤肉拼盤飄住煙上枱,好有煙燻香味。
老闆Imran Khaleel亦邀請埃及總廚Maged Makram,以超過40年烹飪經驗;以及踏遍埃及各地鑽研廚藝歷練,於“RUE DU LIBAN”主理擅長嘅地道黎巴嫩菜。
![](https://www.openrice.com/userphoto/CMSContent/0/8H/001O9UCC2CAF4280AE72F2j.jpg)
(左)主理人Imran Khaleel、(右)埃及總廚Maged Makram
二人憑豐富經驗,打造滿足視覺、味覺嘅“RUE DU LIBAN”。
黎巴嫩菜中好常見燉肉料理,當地人會將雞肉、羊肉等燉到好軟腍入味,撈飯一流呀。總廚Maged Makram就推出咗呢兩道Chicken Stew雞肉燉菜、Lamb Okra Stew羊肉秋葵燉菜啦。
![](https://www.openrice.com/userphoto/CMSContent/0/8H/001O9VD2ED509B633045C6j.jpg)
Chicken Stew雞肉燉菜,白汁撈飯一流。
![](https://www.openrice.com/userphoto/CMSContent/0/8H/001O9W1A58C08012BAB4E7j.jpg)
Lamb Okra Stew羊肉秋葵燉菜,羊肉燉得好軟腍有驚喜。
黎巴嫩菜係地中海健康飲食之一,主要用蔬菜、水果、香草煮製海鮮同肉類,所以喺度都會搵到好多海鮮料理㗎。好似呢道烤海鮮拼盤就有即烤青口、蝦、魷魚、燒魚等。份量好夠幾個人Share,加咗香草去燒特別鮮甜。
![](https://www.openrice.com/userphoto/CMSContent/0/8H/001O9X9158B3D04A83E4C7j.jpg)
烤海鮮拼盤,灑上香草烤製更有風味。
總廚Maged Makram仲出動埋秘密家傳食譜,煮出呢道香烤羊肩。用香草、香料醃羊肩肉後再慢煮,咬落係好柔軟多肉汁,幾有異國風味。
![](https://www.openrice.com/userphoto/CMSContent/0/8H/001O9Y3E40D2B2F4109FE6j.jpg)
總廚Maged Makram用秘密家傳食譜煮出香烤羊肩。
“RUE DU LIBAN”仲有中東甜品食!! 好出名嘅中東甜品Kunefe最有驚喜,做到傳統外層脆卜卜,又有少少酥脆嘅口感,好值得食呀。
![](https://www.openrice.com/userphoto/CMSContent/0/8H/001O9ZEA461C0BA9D4F9BBj.jpg)
中東甜品Kunefe有驚喜。
另一款甜品有米布甸,好啱鍾意滑嘟嘟、軟綿綿口感嘅人,濃郁奶香好有幸福感。
![](https://www.openrice.com/userphoto/CMSContent/0/8H/001OA0DD62E71D4D9B8401j.jpg)
米布甸滑嘟嘟,又有濃郁奶香。
RUE DU LIBAN
地址: 尖沙咀山林道22-26號地下A號舖